Europako Batasuneko aurrekontua negoziatzeko goi-bilerak bigarren eguna du Bruselan
Europar Batasuneko (EB) estatuburu eta gobernuburuak datozen zazpi urteetarako aurrekontua negoziatzen ari dira Bruselan. Lehen topaketan argi geratu da herrialdeen arteko desadostasuna, brexit-aren ondorioz inoiz baino diru gutxiago baitago eskura. Agintari batzuk inbertsioak murriztearen aldekoak diren bitartean, beste batzuek gastua handitzea eskatzen dute.
Europar Batasuneko 27 herrialdeetako ordezkariek aldebiko elkarrizketak izan dituzte Charles Michel Europako Kontseiluko presidentearekin. Topaketak 07:00ak baino lehentxeago (6.00 GMT) amaitu dira Bruselan, baina 11:00etan (10.00 GMT) negoziazioei berrekin diete, jarrerak hurbiltzeko asmoz, hasieran EBko aurrekontuen inguruko goi-bilera ordubete lehenago hastea aurreikusita zegoen arren.
Zehazki, Erresuma Batuak EB utzi osteko lehen aurrekontuak negoziatu behar dituzte Bruselan datozen zazpi urteetarako, baina brexit-ak diru gutxiago utzi du eskura, eta horrek desadostasunak sortu ditu funtsak murriztu eta handitzea eskatzen duten herrialdeen artean.
Goi-bilera horren lehen egunean etenik gabe egindako aldebiko elkarrizketetan, estatu kide bakoitzak bere lehentasunen berri eman zion Europako Kontseiluko presidenteari. Halaber, finantzazioari buruzko lerro gorriak ezarri zituzten. Dena dela, herrialde batzuen eta besteen arteko desadostasunak oso agerikoak dira, eta, ondorioz, baliteke hitzordu hori akordiorik gabe amaitzea.
Izan ere, zazpi urteetarako aurrekontua ezartzeko negoziazioa EBn zatiketa gehien eragin ohi duen hitzorduetako bat da. Oraingoan, gainera, Erresuma Batuaren irteera izan behar da kontuan, izan ere, jasotzen zuen kopurua baino gehiago ordaintzen zuen. Zehazki, 75.000 milioi eurorainoko zuloa utziko du datozen zazpi urteetan.
Europako Kontseiluko presidenteak egindako proposamena hartu dute negoziaziorako oinarri. Michelek 1,09 bilioi euroko inbertsioa proposatzen du, hau da, 27 herrialdeen nazio-errenta gordinaren % 1,074, EBko herrialde baten aurrekontua batez beste aberastasunaren % 46ren baliokidea denean.
Funtsak murriztu nahi duten herrialdeek % 1era jaitsi nahi dute kopuru hori, baina beste herrialde batzuek % 1,11era igotzea eskatzen dute, Europako Batzordeak proposatu zuen moduan. Bi muturren arteko aldea 112.000 milioi euro ingurukoa da.
Zure interesekoa izan daiteke
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.