Michelinek lau hilabeteko lan-erregulazioa ezarri nahi du Gasteizen eta Lasarten
Michelin multinazionalak koronabirusaren pandemiaren eraginez aldi baterako lan-erregulazio plana ezarri zuen ezinbestean apirilean, eta orain beste bat aurkeztuko du izurriteak eragindako geldialdi ekonomikoaren ondorioz galerak izan dituela argudiatuta. Lau hilabetekoa izango litzateke.
Lehendabiziko aldi baterako lan-espedientea apirilaren 30ean indargabetu zen, jarduera eteteko arrazoiak desagertu zirelako eta ordurako behargin guztiak lanera itzulita zeudelako.
Enpresak atzo jakinarazi zien sindikatuei beste lan-erregulazio bat egin nahi duela eta gaur goizean lehendabiziko bilera telematikoa burutu dute plan horren baldintzak eztabaidatzen hasteko asmoz.
Ekoizpen eta antolakuntza arazoak aipatuta justifikatutako aldi baterako lan-erregulazio espedientea Michelinek Estatuan dituen lantegi guztietan ezarri nahi dute, tartean Gasteizko eta Lasarteko zentroetan.
Maiatzaren 18tik irailaren 15era bitartean egongo litzateke indarrean eta 7.500 langilerengan izango luke eragina. Gasteizeko fabrikan 3.300 behargin inguru daude; eta Lasarteko zentroan, 500 bat.
CCOO sindikatuak azaldu duenez, horrek ez du esan nahi langile horiek guztiak aldi berean eta lan-erregulazio indarrean sartzen den lehendabiziko egunetik kalean geratuko direla. Lantegiko bakoitzeko tailerrak lan-zamaren arabera ireki eta itxi egingo dituzte eta, ondorioz, langabezian egongo diren beharginen kopurua aldatuz joango da, denak lan-erregulazio txostenean izendatuta egon arren.
Ildo horretan, langile bakoitzari kontratua eteteko gehienezko denbora-tartea 70 egunekoa izatea proposatu du enpresak.
Gaur goizeko bileran, aldi baterako lan-erregulazioa ezartzeko argudioak biltzen dituen dokumentua helarazi dio zuzendaritzak alde sozialari.
CCOOk negoziatzeko borondatea erakutsi du, baina informazio gehiago behar duela ohartarazi dio enpresari: lan-zamari eta salmentei buruzko aurreikuspenak zeintzuk diren eta kanpoko enpresen eta inbertsioen egoera zein den.
Horrez gain, lan-erregulazioa indarrean dagoen bitartean lan-hitzarmenean jasotako eskubide guztiak bermatzea exijitu dute langileen ordezkariek.
Bi aldeak ostiral honetan bilduko dira berriro negoziatzen jarraitzeko.
Zure interesekoa izan daiteke
Arrigorriagako osasun-zentro berria 2030ean irekitzea aurreikusten du Osakidetzak
Gauzak ondo bidean, lanak 2028ko lehen hiruhilekoan hasiko dira, egungo zentrotik gertu dagoen lursail batean. Asmoa da espazio-gabeziak konpontzea eta zerbitzu berriak eskaintzea. Laguntza gaitasuna handituko du familia medikuntza, ama-haurrak eta fisioterapia arloak biltzen dituzten instalazio modernoekin.
Euskadiko pentsioen batez besteko zenbatekoa % 4,1 hazi da, eta 1.648 eurotik gorakoa da orain
Pentsio-modalitate ohikoenak honako hauek izan dira: erretirokoak (398.600 pentsio eta 1.909,25 euro batez beste), alarguntzakoak (132.270 eta 1.170,41 euro) eta ezintasun iraunkorrekoak (43.031 eta 1.590,25 euro).
Zubietako erraustegiko langileek osasun bermeak eskatu dituzte bederatzi langile intoxikatu ostean
Langileek garbitzaileen egungo akordioa ordezkatuko duen lan-esparru espezifiko bat eskatzen dute, eta erraustegiko azpiegituren segurtasun-falta salatzen dute
UAGAk Barredo sailburuaren dimisioa eskatu du bazkaren aferaz egindako adierazpenengatik
Nekazarien elkarteak Jaurlaritzaren "immobilismoa" salatu du, eta "sektoretik urrundu izana". Bestalde, ENHE sindikatuak lehorte egoera izendatzea eta "ezohiko laguntzak" eskatu ditu jasandako kaltea konpentsatzeko.
Euriborra % 3tik gora dago 2024ko irailetik lehen aldiz, eta hipotekadunen gaineko presioa handitu du
Adierazleak 2026an izan duen goranzko joera sendotu du, baina adituek gogorarazi dute eguneko datua dela, ez hileko batez bestekoa, hau da, hipoteka gehienak berrikusteko benetan erabiltzen den indizea.
Zubietako erraustegiko langileek salatu dutenez, enpresak "negozioa segurtasunaren aurretik jartzen du"
Abuztuaren 19an sute bat izan zen Ekobalen, eta bederatzi langile intoxikatu ziren beharrezko babes ekipamendurik gabe aritu zirelako sua itzaltzeko lanetan.
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasieran" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean Barredok esan duenez, Bazka Mahaia oraindik deituta ez badago ere, ez da atzerapenak egongo: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.