Espainiako Gobernuak beherapenak baimendu ditu, betiere jende pilaketak saihestuz
Astelehen honetatik aurrera beherapenak baimendu ditu Espainiako Gobernuak, deseskalatze prozesuan oraindik 0 fasean jarraitzen duten lekuetan ere, betiere jende pilaketarik sortzen ez bada.
Ildo horretatik, koronabirusari aurre egiteko asmoz ezarritako segurtasun-neurriak bermatu ahal izateko, jende asko pilatzen bada merkealdia bertan behera utzi beharko dela ohartarazi du Osasun Ministerioak.
Arau horren arabera, merkatariek eurek hartu behar dituzte indarrean dauden osasun arloko neurriak betetzea eragozten duten jende pilaketak saihesteko neurriak.
Testuak jasotzen duenez, "merkataritza-establezimenduek egiten dituzten merkealdi edo promozioekin batera, osasun arloko arduradunek ezarritako neurriak betetzen direla ziurtatzeko neurriak hartu beharko dira".
Horrela, "segurtasun-distantziak izatea eta edukiera-mugak betetzea eragozten duten aglomerazioak saihestu behar dira, baita agindu honetan ezarritako gainerako neurriak arriskuan jartzen dituzten jokabideak ere". Hori gertatzen bada, merkatariek "neurri egokiak hartu beharko dituzte egoera horiek saihesteko, eta, beharrezkoa izanez gero, aipatu merkealdi edo promozioak berehala utzi beharko dituzte bertan behera".
Oraindik 0 fasean dauden erkidegoen kasuan (Madril, Katalunia eta Gaztela eta Leongo eskualde batzuk), astelehenetik aurrera tokiko dendak irekitzeko baimena ematen da, aurretik hitzordurik jarri gabe, 400 metro koadro baino gutxiagoko establezimenduetan.
Halaber, 400 metro koadrotik gorako establezimenduek ateak ireki ahalko dituzte, baina soilik 1 fasera igaro diren tokietan, baldin eta jendearentzat irekitako espazioa 400 metroko gune horretara egokitzen badute eta hainbat baldintza betetzen badituzte: edukieraren % 30 irekitzea, bezeroen artean gutxienez 2 metroko distantzia bermatzea eta 65 urtetik gorakoentzat lehentasunezko arreta-ordutegia ezartzea, besteak beste.
Horrez gain, merkataritza-guneetan dauden establezimenduek ere ateak ireki ahalko dituzte, baldin eta bide publikotik sarbide zuzena eta independentea badute. Loteria-administrazioak ere ireki ditzakete, merkataritza-guneetan daudenak eta sarbide independenterik ez dutenak izan ezik.
Azkenik, eta udalek hala erabakiz gero, beren jarduera aire zabalean garatzen duten merkatuak (azoka txikiak) berriz ireki ahalko dira, elikagaiei eta premia biziko produktuei lehentasuna emanez.
Albiste gehiago ekonomia
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.