Urte arteko inflazioa % 0,7 jaitsi da maiatzean EAEn
Urte arteko inflazioa % 0,7 jaitsi da maiatzean EAEn, garraioaren eta etxebizitzaren jaitsieren eraginez. Prezioek, berriz, bere horretan jarraitu dute apirileko datuekin alderatuta.
Espainiako Estatistika Institutuak ostiral honetan argitaratutako Kontsumo Prezioen Indizearen (KPI) arabera, urte arteko tasa 2 hamarren jaitsi da EAEn, apirilekoa % 0,5ean kokatu baitzen.
Lurraldeka, Araban urte arteko tasa -% 1,1ekoa izan da, Gipuzkoan % 0,7koa eta Bizkaian % 0,6koa.
Aurten, prezioak % 1,3 jaitsi dira Araban, % 1 Bizkaian eta % 0,9 Gipuzkoan.
EAEn, oro har, prezioak % 1 jaitsi dira 2020ko lehen bost hilabeteetan.
Taldeen eta zerbitzuen arabera, urte arteko jaitsierarik handiena Garraioan (-% 7,6), Etxebizitzan (-% 5,6) eta Aisialdi eta Kulturan (-% 0,5) izan da. Sektore horiek ere datu negatiboak izan dituzte urte honetan: -% 7 lehenengoan, -% 3,8 bigarrenean eta -% 2,7 hirugarrenean.
Hala ere, gainerako alorretan, urte arteko inflazioak gora egin du, eta igoera handiena elikagaiena eta alkoholik gabeko edariena (% 4) izan da; urteko lehen hilabeteetan ere, % 2,2ko hazkundea izan du. COVID-19aren aurka hartutako neurriek horiei egin die kalte txikiena.
Urte arteko beste hazkundeak hauek izan dira: irakaskuntza (% 1,4), hotelak, kafetegiak eta jatetxeak (% 1,1), jantziak eta oinetakoak (% 1), bestelakoak (% 1), medikuntza (% 0,6), alkoholdun edariak eta tabakoa (% 0,5), komunikazioak (% 0,5) eta hornidurak (% 0,1).
Espainian, Kontsumorako Prezioen Indizea (KPI) % 0,9 jaitsi da maiatzean, erregaiek behera egin dutelako COVID-19aren pandemiaren erdian, Espainiako Estatistika Institutuak baieztatu duenez.
Zure interesekoa izan daiteke
Etxebizitza sailburuak dio gehiago eraiki behar dela
EITB DATAk ezagutzera emandako datuak aztertu ditugu Denis Itxaso Etxebizitza eta Hiri Agenda sailburuarekin. Dioenez, etxebizitza gehiago eraiki behar da, baina horretarako lurzorua behar da. Epeak murriztea ere helburutzat jarri du sailburuak eta hiruzpalau urtean emaitzak ikusiko direla ziurtatu du.
Azken hamarkadan, nabarmen handitu da hipotekarako eskatzen dugun diru-kopurua: % 30 gehiago
Azken hamarkadan, etxebizitza ordaindu ahal izateko hipoteken zenbatekoak gora egin du Euskadin, Nafarroan eta Espainian. Izan ere, 2024. urtean azken hamarkadako markak hautsi ditugu.
Etxebizitzen eraikuntza gelditu den arren... Salerosketen kopurua zifra historikoetan dago EAEn eta Nafarroan
Euskadi 80ko hamarkadako erritmoan ari da eraikitzen, eta, hala ere, maximo historikoak gainditu ditu etxeen salerosketa-kopuruari dagokionez. Hori lortzeko, batez ere, bigarren eskuko etxebizitzen merkatua ari da mugitzen: saltzen diren etxeen % 85 ez dira berriak.
Nolakoak dira eraikitzen ari diren etxebizitza berriak?
Eraikitzen diren etxebizitzetatik zenbat dira babestuak? Eta, libreak? Zenbat dira ohiko etxeibizitzak? Eta zenbat daude bizilagunik gabe? Galdera horiek eta beste batzuek EITB Dataren azken txostenean dute erantzuna.
Alokairuak gora egin du Hego Euskal Herrian: sei etxetatik batean horrela bizi dira
EITB Dataren arabera, azken hamarkadan, Euskadin, Nafarroan eta Espainian alokairuan bizi diren etxebizitzen ehunekoa sei puntu inguru igo da.
Metro koadroa duela hamar urte baino % 35 garestiagoa da gaur egun Euskadin
Albiste honen barruan aurkituko duzun mapa interaktiboan, nabigatu dezakezu bizi zaren eremu funtzionaleko metro koadroaren prezioa zein den jakiteko: Donostiak jarraitzen du ranking horren buruan, eta ondoren datoz Getxo, Donostialdea eta Mungialdea.
Kamioilariek protesta egin dute Iruñean, "Bidesariei ez" lelopean
Ehun kamioilari baino gehiago bildu dira protestan larunbat honetan Iruñean. Garraiolari nafarrak bidesariak "inposatzearen aurka" agertu dira, eta hauek eskatu dituzte: "bidezko fiskalitatea, azpiegituretan hobekuntzak, belaunaldien arteko erreleboa eta garraiolarien duintasun profesionala bermatuko duten neurri eraginkorrak".
Talgo % 9,7 igo da burtsan Sidenorrek konpainiaren % 30 erosi ondoren
Talgoren kotizazioa ordubete inguru egon da etenda ostiraleko saioan, konpainiak Balore Merkatuaren Batzorde Nazionalari Sidenorrek akzio-pakete hori erosi duela jakinarazi aurretik.
Sidenorren arabera, Talgok "etorkizuneko proiektu sendo batekin" ekin ahalko dio etapa berriari
Mikel Jauregi Eusko Jaurlaritzako Industria sailburuaren esanetan, euskal partzuergoak Talgoren % 29,76 erosteko sinatutako akordioa "mugarri oso garrantzitsua" da urtea amaitu aurretik operazioa gauzatu ahal izateko. EAJk euskal industriaren aldeko apustuaren erakusgarri gisa ospatu du operazioa; EH Bilduk, berriz, albiste ontzat jo du, nahiz eta izen aldaketa eskatuko duen eta beheranzko joera hartua duen euskal ekonomiarentzat lagungarria izatea espero du.
Talgo eta Sidenor, euskal industriaren bi erraldoi
Lehenengoa erreferentea da tren-sektorean; bigarrena, berriz, liderra da siderurgian.