Bizkaiko golkoan antxoaren stocka bere maximo historikoan kokatu da
AZTI ikerketa zentroak bultzatako Bioman kanpainak emandako azken datuen arabera, Bizkaiko golkoan antxoaren stockak bere maximo historikoa erregistratu du, biomasa 330.000 tonakoa dela uste baitute. Euskal herrian 4.600 tona antxoa harrapatu dira, eta merkatuan batez beste 1,38 euroan saldu da kiloa.
Rogelio Pozo AZTIko presidenteak eta Bittor Oroz Eusko Jaurlaritzako Nekazaritza, Arrantza eta Elikadura Politikako sailburuordeak azken datuak aurkezteko prentsaurrekoa eman dute AZTIk Pasaian duen egoitzan. Horrez gain, Bioman kanpaina zientifikoa aurkeztu dute, 1987tik AZTIk Basque Research and Technology Alliance (BRTA) taldearen parte izateagatik aurrera daraman iniziatiba bat.
Bioman kanpainaren azken datuen arabera, egun antxoaren biomasa 330.000 tonakoa dela uste dute, “ikerketa 1987an hasi zenetik erregistratutako altuena”. Beraz, “espeziearen biziraupena bermatzeko ezarritako gutxieneko 21.000 tonako balorearen mugaren gainetik dago”.
Kanpainan jasotako datuak Itsasoaren Esploraziorako Nazioarteko Kontseiluan aztertzen dituzte gero. Horrela, antxoaren stocka zenbatekoa den kalkulatzen dute, eta horren arabera zehazten dute urteko harrapaketa-kopurua (urtean guztira zenbat arrantzatu daitekeen).
2020ko arrantzaldia
Orozek, bere aldetik, esan du aurtengo arrantzaldian euskal arrantzaleek 2019an baino 3.900 tona antxoa gutxiago harrapatu dituztela: 8.500 tona harrapatu zituzten 2019an eta 4.600 harrapatu dituzte aurten. Hala ere, kuotaren jaitsiera hori “koronabirusaren ondorioetako bat” izan dela azaldu du.
Ohikoena antxoaren arrantzaldia bi hilabete eta erdikoa izatea bada ere, aurten arrantza-ontziak hilabete eta erdiz aritu dira antxoa arrantzatzen. Merkatuan batez beste izan duen prezioari dagokionez ere, 2019koa baino baxuagoa izan da; izan ere, iaz batez beste 1,62 euroan saldu zuten antxoa kiloa, eta 1,38an saldu dute aurten.
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.