Trapagarango ABBko langileek mobilizazioak egin dituzte kaleratzeak salatzeko
Trapagarango ABBko langileek hiru orduko lanuztea egin dute astelehen honetan, eta manifestazioa egin dute herrian zehar, "inolako justifikaziorik gabe" egindako kaleratzeak salatzeko. Era berean, jardunaldi hori "mobilizazio gehiagoren aldeko lehen urratsa" dela ohartarazi dute, "lan karga duen lantegi batean kaleratzerik" ez dutelako onartuko.
Langileen batzar orokorrak mobilizazioei ekitea erabaki du, eta 09:30etik 12:30era lanuztea egitea, eta, gainera, manifestazioa egin dute lantegitik Trapagarango udaletxera, langile "guztien" parte-hartzearekin, Aitor Gomez ELA sindikatuko Ezkerraldeko Industria arduradunak azaldu duenez.
Udaletxera iristean, udal taldeetako ordezkariekin eta Xabier Cuellar alkatearekin bildu dira. Hark babesa helarazi diete langileen aldarrikapenei.
Mobilizazio horien bidez, enpresak azken urtean "justifikaziorik gabeko" hiru kaleratze egin dituela salatu dute langileek, eta horiek "lantaldeak doktrinatzeko" balio dutela; izan ere, Gomezek kritikatu duenez, "lan-baldintzengatik protesta egiten duena inolako justifikaziorik gabe kaleratzen dute".
Sindikatuko arduradunaren arabera, langile horiek "ez dute ohartarazpen orririk ere izan, eta, bat-batean, enpresak burofax bat bidali die etxera, eta kaleratu egin ditu". "Horri langileok erantzun bat eman behar diogu, eta ez gara geldirik geratuko", ziurtatu du.
Aste honetan bertan zuzendaritzarekin bilera egiteko asmoa dute langileen ordezkariek, eta horren ostean langileen batzarra deituko dute, "erabaki egokiak hartzeko", enpresak duen jarreraren arabera.
Lehen urratsa
Gomezen hitzetan, "mobilizazio gehiagoren aldeko lehen urratsa da hau, ez baitugu onartzen lan karga duen lantegi batean kaleratzerik egotea", eta ez dute "justifikatutzat" jotzen.
Horien arabera, kaleratutako langileetako bi "enpresak emandako kalte-ordainekin atera ziren jada", eta kaltetutako azken langilearen kasuan, "kaleratzea baliogabetzen tematuko da", bere lanpostura itzul dadin.
ELAk azaldu duenez, langileak 21 urteko antzinatasuna zuen enpresan eta legezko zaintzagatik lanaldia murrizteko eskaera egin berri zuen.
Ezkerraldeko Industria arduradunak ohartarazi du Trapagarango ABBko langileek "gure borrokarekin" jarraituko dutela, "lantegi honetan kaleratze selektiborik egon ez dadin".
Albiste gehiago ekonomia
Jaurlaritzak nabarmendu du turismoak % 5eko hazkunde "iraunkorra" izan duela EAEn
Daniel Solana Basquetour-Turismoaren Euskal Agentziako zuzendariak Radio Euskadin egindako elkarrizketan esan duenez, hazkundea "lasaia eta iraunkorra da, Estatuko edo Europako beste herrialde batzuetan duten masifikaziotik kanpo". 200.000 euskal herritarrek baino gehiagok EAEtik atera gabe pasa dituzte oporrak, eta Loiu-New York konexioak turista estatubatuar gehiago etortzea ekarri du.
Puentek ziurtatu du Renfe "negoziatzeko eta hitz egiteko prest" dagoela Talgori irtenbide bat emateko
Espainiako Garraio ministroak EFEri egindako adierazpenetan esan duenez, gaia "oraindik konpontzeko dago", eta "konpainia espainiarra izaten jarraitzea" eta "irtenbide industriala izatea" espero duela erantsi du, "Talgo ez baita edozein enpresa, gure herriarentzat interesgarria da arrazoi askorengatik".
AEBko apelazio auzitegi batek legez kanpokotzat jo ditu Trumpen muga-zergak, baina indarrean jarraitzen dute
Trumpen muga-zergek jaso duten bigarren kolpe judiziala da, eta berretsi egiten du New Yorkeko merkataritza auzitegi batek maiatzean emandako epaia.
Euriborrak urteko lehen igoera izan du, baina hipotekek behera egiten jarraituko dute
Abuztuan izandako igoerak ez du Euriborraren egonkortasunaren joera eten, aldaketa txiki bat baita ohiko joeraren aurrean.
Urte arteko KPIa % 2,7an mantendu da abuztuan, elikagaien, argindarraren eta erregaien prezioen bilakaeragatik
Ekainean eta uztailean gora egin ostean, KPIaren urtebeteko tasa egonkor mantendu da. Aitzitik, azpiko inflazioak gora egin du bigarren hilabetez jarraian. Abuztuan hamarren bat hazi da, % 2,4raino.
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.