Lanuzteak Olaberriako Arcelor Mittalen, enpresak ez dielako haien eskaerei erantzuten
Olaberriako Arcelor Mittal enpresako langileek ordubeteko lanuzteak hasiko dituzte gaur, astelehena, enpresak haien eskaerei "jaramonik egin gabe" jarraitzen duela salatzeko. Gipuzkoako lantegiaren aurrean egingo dituzte protestak, astean hiru aldiz.
LAB sindikatuak ohar baten bidez adierazi duenez, joan den astean egindako langileen batzarrak 'ezetz' esan zion ELAk eta UGTk zuzendaritzarekin gutxiengoan sinatutako aurreakordioari. Gainera, baiezkoa eman zioten plataformari eta LABen eta CCOOren artean adostutako mobilizazio plangintzari.
Horrela, 16 hilabeteko "prozesu negoziatzaile luzean" babestu dituzten edukiak hitzarmenean txertatu daitezen negoziatzen jarraitzeari baiezkoa eman zitzaion, eta enpresako zuzendaritzak erakutsitako "borondate eskasari buelta emateko presio egiteko neurriak" adostu zituzten.
Txanda bakoitzak astean hirutan (astelehen, asteazken eta larunbatean) egingo ditu ordubeteko lanuzteak (laneko azken orduan), eta elkarretaratzeak egingo dituzte 13:00etan lantegiaren aurrean.
LABek azaldu duenez, joan den ostiralean langileek "lehenbailehen negoziatzera esertzeko" eskaera egin zioten zuzendaritzari, eta uztailaren 7an negoziatzen hastea proposatu zuten.
Sindikatuak deitoratu duenez, ordea, "zuzendaritzak negoziatzeko bileran parte hartzeari uko egin zion, erantzun argirik eman gabe eta agenda arrazoiak argudiatuz". Gainera, enpresak ez zuela bilera egiteko beste datarik proposatu salatu du LABek.
Testuinguru horretan, sindikatuak galdetu dio ez ote zaion "premiazkoa" iruditzen negoziatzera esertzea. Gainera, zuzendaritzari leporatu dio "Estatuko aldi baterako lan-erregulazio berria modu interesatuan aplikatzea" (Lan Ikuskaritzan salatu du jada LABek) eta "aurreko batzar bat egitea debekatzea".
LABek, "soldata igoera duinak, egutegian aldaketak adostea, sorospen kutxaren biziraupena eta errelebo kontratua egingo dela bermatzea" eskatu du, besteak beste.
Zure interesekoa izan daiteke
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.