Lan Ikuskaritzak bi zehapen-espediente ireki ditu eta 147 errekerimendu egin ditu
Lan Ikuskaritzak 2020ko lehen seihilekoan garatutako jardueraren balantzea aurkeztu du gaur Maria Jesus San Jose Lan eta Justiziako sailburuak, COVID-19aren pandemiaren ondorioz zabaldutako ezohiko kanpainak barne (Koronabirusarekiko Esposizio Arriskua eta ABEEi buruzko Txostenak).
2020ko lehen seihilekoan, guztira, 10.797 ikuskapen-jarduera egin dira, eta lan-iruzurraren aurkako borrokaren esparruan 5.682 kontratu berrikusi dira. Kontratu horietatik 1.959 eraldatu egin behar izan dira legezkotasunera egokitzeko, eta horrek % 34,5eko eraginkortasuna izan dutela esan nahi du.
San Jose sailburuak Lan Ikuskaritzak koronabirusarekiko esposizioaren arriskuari aurre egiteko garatutako kanpaina nabarmendu du, guztira 551 jarduera batu baititu: "551 jarduketa izan dira, 2 zehapen-espediente eta 147 errekerimendurekin soilik, eta horietan sindikatuek eta langileek enpresa-sektore guztietan egindako salaketa guztiak sartzen dira, enpresak COVID-19aren aurkako babesari buruzko araudia betetzen ez zuela iritzita".
Sei hilean behingo txostenaren aurkezpenean, Iciar Gonzalez Lan Ikuskaritzako zuzendariordearekin batera, Maria Jesus San Jose sailburuak legegintzaldiaren hasieran aktibatutako lan-iruzurraren aurkako kanpainaren emaitza bikaina adierazi du. Kanpaina horri esker, guztira, 18.300 kontratu eraldatu dira. "Oso emaitza onak dira –adierazi du–, lan-iruzurraren aurka jarduteko gure erabaki irmoak markatutako legegintzaldiaren ondorioz. Guztira, legez kanpoko 18.300 kontratu aldatu dira, eta horietatik 2.000 Lan Ikuskaritzak aurtengo lehen seihilekoan garatutako jarduerari dagozkio".
Zure interesekoa izan daiteke
Amurrioko Tubos Reunidoseko batzordeak greba mugagabea baztertu eta mobilizazioen egutegi bat adostu du
Langileek bilera egin dute astearte honetan, enpresak iragarritako 301 kaleratzeei aurre nola egin erabakitzeko.
Sindikatuek salatu dute iaz Hego Euskal Herrian 84 lan heriotza jazo zirela
Osalanek, berriz, heriotza 42 zenbatu ditu azarora arte. Sindikatuen arabera, Eusko Jaurlaritzaren zenbaketak ez ditu garraiolarien heriotzak, heriotza ez-traumatikoak edo 'in itinere' gertatzen direnak kontuan hartzen.
Ertzain izateko hautagaien % 59k gainditu du psikoteknikoa, baremazioa aldatu ondoren
Zupiria sailburuak berretsi du kopuruak aurreko deialdietan baino txikiagoa izaten jarraitzen duela. Halaber, barkamena eskatu du joan den larunbateko proben hasieran izandako atzerapenagatik, eta prozesuak "segurtasun berme guztiak" bete zituela ziurtatu du.
Pradales lehendakariak "norabide berean arraun egiteko" eskatu die eragile guztiei, Tubos Reunidosi laguntzeko
Imanol Pradales lehendakariak Tubos Reunidos "erreferentziazko" enpresatzat jo du, besteak beste, ekonomiaren deskarbonizazioan eta trantsizio energetikoan giltzarri baita, eta azpimarratu du etorkizunean ere hala izaten jarraitu behar duela. "Egoerari aurre egiteko, denok norabide berean arraun egin behar dugu: zuzendaritza, langileak, hornitzaileak, hartzekodunak eta erakundeak", gaineratu du.
Osakidetzako LEPen filtrazioengatik ahozko epaiketa egitea agindu du Gasteizko epaile batek
2018ko maiatzaren 20an egin zen Kirurgia Plastiko, Estetiko eta Konpontzaileen espezialitateko azterketarekin lotutako bi pertsona eseriko dira akusatuen aulkian.
"Muga-zergak gorabehera, urte ona izan da makina-erremintarentzat"
Xabier Ortueta AFM clusterraren zuzendariak adierazi duenez, "aurten, eskarietan, AEB gure lehen merkatua izan da. Eskarien % 22 handik jaso ditugu". "Egoera kudeatzako zaila da, baina ondo manejatu gara makina-erremintaren behar handia dutelako", gaineratu du Ortuetak.
Cebeken ustez, greba mugagabea "ez da irtenbidea" eta Tubos Reunidosen "akabua" izango litzateke
Cebeken presidente Guillermo Bucesek gogorarazi duenez, Bizkaiko patronalak ohartarazi zuen TRk "bere ekoizpenaren zati oso handi bat Amerikako merkatura bideratuta" duela, "% 45 edo % 50 inguru", eta "merkatu hori, % 50eko muga-zerga ezartzeagatik, bat-batean desagertzen bazaizu, lantegien bideragarritasuna kolokan jartzeko moduko arazo bat duzu".
Tubos Reunidoseko langileek batzarra egingo dute arratsaldean, hurrengo zer pauso eman erabakitzeko
Goizean langileen batzordea osatzen duten ordezkariek bilera egingo dute, arratsaldeko batzarra prestatzeko. Zuzendaritzak 301 langile kaleratzeko (274 Amurrion eta 27 Trapagaranen) eta Amurrioko altzairutegia ixteko asmoa agertu die langileei.
ELAk eta LABek greba deitu dute otsailaren 24, 25 eta 26rako EAEko ikastetxe publikoetako jantokietan
Bi sindikatuek greba deialdi ezberdinak antolatu dituzte. Salatu dutenez, negoziazio kolektiboa blokeatuta dago, dagoeneko indarrean beharko luketen soldata-igoerak ez dira ordaindu eta ez da aurrerapausorik eman ratioetan, funtzioetan eta lanaldietan. Egoera hori jasanezina da, sindikatuen ustez, eta zerbitzuaren kalitateari kalte egiten dio.
Trenbideen sektorean gutxiengoa duten sindikatuek grebari eutsi diote eta gutxieneko zerbitzuak ematen ari dira
CGT, SF-Intersindical eta Alferro sindikatuek asteazkenera arte eutsi diote grebari. Semaf, CCOO eta UGT sindikatu nagusiek, bere aldetik, greba deialdia bertan behera utzi dute, Garraio Ministerioarekin segurtasunean inbertsio handiak egiteko akordioa sinatu baitute.