Nafarroa Suspertu Plana, 990 milioi "oparotasun eredu berrietarako"
Nafarroa Suspertu 2020-2023 Plana onartu du Foru Gobernuak ezohiko batzarrean. 989,4 milioi aurreikusten ditu egitasmoak. Estatuaren eta EBren berreraikuntzarako funtsak eta inbertsio pribatua erantsi behar zaizkio, “oparotasun eredu berriak” bultzatzeko.
Egitasmoak 190 neurri ditu, gizarte “jasangarriagoa, lehiakorragoa eta bateratuagoa” lortzeko, eredu ekonomiko eta sozial berri bat, egungoa “agorturik” dagoelako, adierazi du Maria Chivite presidenteak aurkezpenean. Chiviteren ahotan, koronabirusaren krisia “erronka instituzional, politiko, ekonomiko eta sozial handiena da” II. Mundu Gerratik eta Gerra Zibiletik.
Bi presidenteordeek Chivite lagundu dute agerraldian. “Inor atzean utzi barik krisitik ateratzeko” beharra azpimarratu du Nafarroako Foru Erkidegoko presidenteak. Horretarako, ekonomia eraldatzeko, planaren ildo estrategikoak digitalizazioa, trantsizio ekologikoa azkartzea, lurraldea egituratzea, kohesioa bultzatzea eta elkarbizitzan sakontzea dira, erantsi duenez.
Guztia lidergo publikotik eta kanpo ekintza ahaztu barik; izan ere, egitasmoak 2030 Garapen Jasangarriko Agendarekin bat egiten du, baita Itun Bedea (Green Deal) eta Next Generation EUrekin ere.
Nafarroa Suspertu Plana eta Nafarroaren Zentzuzko Espezializazio Estrategia “txanpon bereko bi aldeak dira, dimentsio ezberdinetatik”, esan du Chivitek. Ekimen honekin Nafarroa “datozen belaunaldietan pentsatzen” ari dela gaineratu du.
Pandemiaren erronkei aurre egiteko Gobernuak orain arte hartutako premiazko ehun bat neurriak oinarri ditu egitasmoak. Gainera, Exekutiboko departamentu guztiek, udalek, interes taldeek, entitateek, elkargoek eta herritarrek 1.500 ekarpen egin dizkiote, baita Nafarroako Parlamentuak onartutako ebazpenek ere.
Zure interesekoa izan daiteke
Hernani, Tolosa eta Lezo etxebizitza-eremu tentsionatu izendatu dituzte
Izendapen horiekin, Euskadin dagoeneko 14 udalerri daude tentsionatuen zerrendan, eta litekeena da laster Arrasate, Zestoa, Pasaia eta Basauri ere gehitzea.
Bi greba egun deitu dituzte Amurrioko Tubos Reunidosen
Amurrioko eta Trapagarango lantegietako beharginen batzordeak Bizkaiko egoitzan bildu dira, otsailaren 9an zuzendaritzarekin egingo den lehen bileraren aurretik jarrera bateratua finkatzeko. Negoziazio mahaiko ordezkaritza adostu dute, baina, lanuzteei dagokienez, Amurrioko plantan bakarrik egingo dira. Trapagarango langileek ez dituzte babestu grebak.
Urrearen eta zilarraren prezioak behera, pasa den astean markak hautsi ostean
Pasa den urtarrilaren 29an ezarri zuen urreak bere azken marka (5595,47 dolar), eta zilarrak ere bai (121,65 dolar).
Tubos Reunidoseko Amurrioko eta Trapagarango batzordeek bilera egingo dute gaur, EEEaren inguruan zer jarrera hartu erabakitzeko
Enplegu-erregulazio espedienteak bi lantokiri eragiten dien arren, enpresak espediente bakar gisa negoziatu nahi du. Horregatik, jarrera komun bat ezarri nahi dute bi batzordeek.
Tubos Reunidos: Trumpen muga-zergek bultzatutako krisiaren gakoak
Konpainiak produkzioaren % 40 galdu du, bere merkatu nagusia (% 45eko kuota) AEB baita. Txerra Molinuevo Amurrioko alkatea zuhur bezain kezkatuta agertu da, "Tubos Reunidos motor ekonomikoa baita eskualde osoan".
Nafarroako Volkswagenek ohartarazi du 93 langile finko egiteak lan-erregulazioko espediente batean amaitu dezakeela
Enpresak "legezkotasuna zorrotz beteko" duela ziurtatu dio batzordeari bilera batean, Lan Ikuskaritzak behin-behineko 93 langile finko egitea agindu ostean. Sindikatuek akordiorako proposamena egin dute.
32 urteko langile bat hil da Zumaiako enpresa batean, pieza handi batek jota
Estaños Matiena enpresan jazo da ezbeharra, LAB sindikatuak jakinarazi duenez. Enpresa horrek hainbat salaketa zituen prebentzio-araudia ez betetzeagatik, sindikatuak salatu duenez.
UGT, CC. OO. eta USO sindikatuek akordioa sinatu dute Arabako garbiketa-hitzarmenerako
ELA eta LAB sindikatuek, aldiz, baztertu egin dute aurreakordioa, "amore ematea" delakoan, eta "atzerakada nabarmena" dakarrela iritzita. Uste dute "langileak erosteko ahalmena galtzeko arriskuan" egongo direla, "azken bost urteetan gertatu den bezala".
Tubos Reunidosek enplegu-erregulazioko espediente bat proposatuko du Amurrio eta Trapagarango lantegietan
Tubos Reunidoseko zuzendaritza bi lantegietako enpresa-batzordeekin bildu da gaur goizean, lan-erregulazioko espedientea iragarri ondoren. Sindikatuetako iturrien arabera, bileran, zuzendaritzak planteatuko dituzten neurriak aurkeztu ditu. Kontsulta aldiak, paraleloak eta bi lantegietarako, otsailaren 9an hasiko dira, eta asmoa da negoziazioa bi enpresa batzordeekin negoziazio mahai bakar batean garatzea.
EAEn batez besteko soldata % 3,6 haziko da 2026an, KPIaren gainetik beste urte batez
LKS Nextek egindako ikerketa baten arabera, profil profesional teknikoak, industrialak, digitalak eta AAri eta datuen analisiari lotutakoak dira gehien behar direnak.