Euskaltelek zuntz optikoaren erabateko zabalpena bermatuko du Espainiako estatuan
Euskaltelek eta Adamo enpresak adostutako hitzarmenari esker, enpresa euskaldunak zuntz optikoaren erabateko zabalpena bermatu ahal izango du Espainia mailan.
Bost urteko iraupena izango du itunak eta biek ala biek hala adostuz gero, luzatzea ere aintzat hartu dute. "Bitstream" modalitatean arituko da Euskaltel Adamoren sarearen baitan, eta "Euskaltelen jarduna, estatu mailan, atsegina eta eraginkorra" izatea ahalbidetzeko behar besteko material eta sistema teknikoak izango ditu eskura.
Enpresa euskaldunak Virgin telco enpresarekin batera aritu zen estatu mailan, aurreneko aldiz, maiatzaren 20tik hona. "Arrakasta itzela izan da, barneko aurreikuspen guztiak gaindituz eta bezero kopuruan ikaragarriko igoera izanik”, izan ere, 2020ko ekainaren 30ean, Virgin telcok 6.500 bezero zituen jada.
Orange eta Telefonicarekin adostutako hitzarmei esker ari da Euskaltel estatu mailan, eta Adamorekin adostutako hitzarmenari esker "mugikortasun eta eraginkortasun handiagoa izan du estatu mailako sareen erabileran, eta ondorioz, taldearen aurreikuspenetan etorkizun baikorra eskainiko du".
2020ko hiru hilabeteko emaitzei begiratuz gero, Euskaltel Taldeak 40.000 euroko igoera izan duela adierazi dute, estrategikoki landutako egitasmoak inoizko markarik adierazgarrienak erdietsi ahal izateak ahalbidetu baitu.
Jose Miguel Garcia, Euskaltel Taldeko kontseilariak adierazi duenez, "Adamo enpresarekin sinatutako ituna oso garrantzitsua da Euskaltelentzat", izan ere, bere estrategiak, "sarearen kudeaketa eraginkor bat egin ahal izatea ahalbidetuko digu".
Bestalde, zera gaineratu du: "herri guztietara iritsi nahi dugu, aparte daudenetara ere, hutsune digitalak ezabatu eta aldendutako herritarren alde egin telekomunikazio eskaintza zabala eskaini ahal izateko".
Azkenik, Adamo enpresako Martin Czermin kontseilariak jakitera eman duenez, itun honen bidez, enpresak "bazkide garrantzitsu bat" irabazi du, Espainiako nekazal inguruetara telekomunikazioen azken berritasunak eramateko prest dagoena, alegia.
Zure interesekoa izan daiteke
Euskadiko Lan Ikuskaritzak lege iruzurrez egindako 42-47 behin-behineko kontratu atzeman ditu Tubos Reunidosen
Langileen batzordeak bilera izan du goizean Eusko Jaurlaritzako Lan Ikuskaritzako ordezkariekin, Gasteizen, eta batzarrak iraun duen bitartean, dozenaka langilek protesta egin dute atarian.
Erregaien krisiak arrantza-sektorea astindu du: lehen ontziak geldirik, Ondarroan
Gasolioaren garestitzeak alturako flotaren zati bat portuan egotera behartu du. Bitartean, sektoreak bideragarritasuna bermatzeko laguntza gehiago eskatzen ditu.
Behargin bat hil da Goiaingo industrialdean, lan-istripuz
Ezbeharra 20:00ak aldera gertatu da, eta bertaratu diren larrialdi-zerbitzuek ezin izan dute langilea suspertu.
Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean greba batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurraldearteko Kontseiluan.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.