Osakidetzako langile azpikontratatuek mobilizazioekin bat egin dute
ELA, LAB, CCOO, UGT eta ESK sindikatuek deituta, Osakidetzan azpikontratatutako zerbitzuetako langileek (garbiketa, anbulantziak, sukaldeak eta kafetegiak) elkarretaratzea egingo dute ostegunean, 11:00etan, Gurutzetako, Donostiako eta Txagorritxuko ospitaleen atarian. Halaber, urriaren 3rako deituta dagoen manifestazioan parte hartuko dute Osakidetzako gainerako profesionalekin batera.
Ohar bateratu batean sindikatuek salatu dutenez, egiturazko arazo bat dago euskal osasun sistema publikoan: "gehiegizko lan karga, baliabide eta bitarteko falta, behin-behinekotasuna, kontratuen partzialtasuna eta segurtasun neurrien falta". Gaineratu dutenez, egoera hori are larriagoa da koronabirusaren bigarren olatu honetan, eta bereziki, azpikontratatutako sektoreetan.
Garbiketa, anbulantzia, sukalde eta kafetegi zerbitzuak interes pribatuen esku jartzea gaitzetsi dute sindikatuek, "osasun sistemaren parte bat negozio" bihurtzen delako eta "beren helburua irabaziak lortzea delako lana eta zerbitzu segurua bermatzea baino".
Sindikatuen hitzetan, "pandemiak agerian utzi du pertsonen osasuna ezin dela negozioaren helburu izan, ezta interes pribatuen mende egon ere", eta ikusi da zein profesionalek ematen dituzten "oinarrizko zerbitzuak, oso egoera gogorrean lehen lerroan egon garenak", eta horregatik eskatu dute "zerbitzu horiek publiko egitea, enpleguari eta langile guztien lan-baldintzei eutsiko zaiela bermatzeko".
Albiste gehiago ekonomia
Greba mugagabea iragarri dute Iruñeko villavesa autobusetan uztailaren 1etik aurrera
Langileek hilabeteak daramatzate lanuzteak eta protestak egiten, hitzarmena eguneratzea aldarrikatzeko.
Lan mahai bat osatu da Barrualde-Galdakao ESIko larrialdi zerbitzuaren egoera bideratzeko
Inplikatutako alderdi guztiek hartuko dute parte, “diskrezioz” lan eginda. Egoerak eztanda egin du, larrialdi zerbitzuetako langileen zati handi bat bajan dagoen garaian, zuzendari medikoak dimisioa eman duenean.
Eusko Jaurlaritzak hamarren bat apaldu du 2026rako hazkunde aurreikuspena eta % 1,7an kokatu du
Industria izango da ziurgabetasunak eta nazioarteko merkataritzaren moteltzeak gehien eragingo duen sektorea, kanpoko lehiak daukan eraginagatik.
Sindikatuek salatu dute Galdakaoko Ospitaleko zuzendaritza duela bi urtetik zela arazoaren jakitun
Galdakaoko larrialdi-zerbitzuetako langileek duela bi urte salatu zuten lan-karga handiegia zutela, LAB sindikatuko Jessica Gondraren hitzetan. Horren esanetan, zuzendaritzak urte biko epean ez du ezer egin. Sindikatuen ustez, zuzendaritzak egoera baliatu nahi du langileen irudia zikintzeko, Gernika-Lumoko larrialdi-zerbitzua gauez itxita.
Barrualde-Galdakao ESIaren zuzendari medikoak dimititu egin du, larrialdi-zerbitzuko langileen bajak direla eta sortutako krisi betean
Langileen batzordea eta zuzendaritza 13:00etan bilduko dira, Galdakao-Usansolo Ospitaleko Larrialdi Zerbitzuko egoera bideratzeko. Bertan, azken asteetan hainbat baja-mediko eta barne mugimenduak pilatu dira.
Auzitegi Gorenak atzera bota du ABRAren helegitea, eta 'Arabako Mahastiak' jatorri-deitura behin betiko baliogabetzea berretsi du
Uste du bederatzi urte hauetan "kalte larria" egin zaiela "Errioxa jatorri-deiturari, haren kideei, markari eta izen onari".
Gasteizko lorezainak lanera itzuli dira, gutxieneko zerbitzuak betetzeko
Gasteizko lorezainak lanera itzuli dira gutxieneko zerbitzuak betetzeko. Florida parkeko belarra mozten hasi dira. Belarra mozteko bost makina eta sasiak garbitzeko beste pare bat makinarekin ia hiru hilabetez ukitu gabe egon diren lorategiak zaintzen hasteko agindua jaso dute. Ezarritako zerbitzu minimoak gehiegizkoak eta justifikazio gabeak direla salatu dute lorezainek.
Hasi da hegaluzearen denboraldia: 8.000 kilo heldu dira Getariako portura
Datozen egunetan olatu handia espero da, euskal arrantzaleek hegaluze asko arrantzatu baitute kostaldetik gertu. Salneurria: 13 euro.
ELAk helegitea jarriko die Gasteizko lorezainei ezarritako gutxieneko zerbitzuei
Sindikatu abertzalearen ustez, "justifikaziorik gabekoak" dira eta "grebarako eskubidea urratzen dute". ELAk salatu duenez, "orain funtsezkotzat jotzen da baldintza prekarioak dituen lan bat".
Ekainaren 25etik eskatu ahal izango dira ibilgailu elektrikoak erosteko 7.000 eurorainoko dirulaguntzak
Eusko Jaurlaritzak Moves III 2025 plana martxan jarriko du, 14,9 milioi euroko partida bideratuta, mugikortasun elektrikoa sustatzeko eta autoak eta birkarga-puntuak erosteko dirulaguntzak emateko.