Hezkuntzan COVID-19ari aurre egiteko neurri zehatzak eskatu dituzte sindikatuek
ELA, LAB, Steilas, CCOO eta UGT sindikatuek manifestazioak egin dituzten Bilbon, Donostian eta Gasteizen, "aurrez aurreko ikasturte segurua eta adostua" bermatzeko premiazko neurriak eskatzeko.
Hitzetatik ekintzetara pasatzeko eta Hezkuntza COVID-19ari aurre egiteko neurri zehatzak hartzeko eskatu diote Steilas, ELA, LAB, CCOO eta UGT sindikatuek Eusko Jaurlaritzari. Halaber, Jokin Bildarratz Hezkuntza sailburuak lantaldea handitzeko egin duen iragarpena "propagandatzat" jo dute.
Sindikatuek manifestazioak egin dituzte arratsalde honetan Bilbon, Donostian eta Gasteizen, "aurrez aurreko ikasturte segurua" aldarrikatzeko eta segurtasun neurriak adostea exijitzeko.
Bilboko mobilizazioa abiatu aurretik, Miren Zubizarreta eta Irati Tobar ELA eta LAB sindikatuetako ordezkariek Jokin Bildarratzek gaur goizean egindako adierazpenak izan dituzte hizpide. Hezkuntzako sailburuak iragarri du 300 irakasle kontratatuko dituzte ordezkapenetarako.
"Propaganda dela uste dugu. Berriro zifrak aipatu ditu. Abuztuan esan zuen 1000 irakasle gehiago kontratatuko zituztela eta orain 500 aipatu dituzte, baina ez da kontrataziorik gauzatu. Zifrekin jolasean ari dira", salatu du Tobarrek.
Manifestazioaren amaieran irakurritako agirian, benetako negoziazio batik ekiteko eskatu diote Hezkuntza Sailari, ikasturteko honetarako beharrezkoak diren aparteko baliabideak adosteko.
"Ikasturtean nolabait martxan jarri bada, ikastetxeetako zuzendaritzek eta langileek egindako lanari esker izanda, Hezkuntza Sailak desagertuta baitago", nabarmendu dute.
Halaber, sindikatu ezberdinekin egindako bitariko aurkezpen bilerez gain, Jaurlaritzak ez duela "inolako urratsik" eman eta negoziazioa abiatzeko batzarrik deitu ez duela salatu dute.
"Hezkuntza Sailak datorren asterako deitu duen bilera, sindikatuek, ikasleen gurasoak eta kolektibo ezberdinek egindako mobilizazioen ondotik iritsi da; baina, bitartean, aldebakarreko erabakiak hartzen jarraitzen dute eta adostu gabeko kontratazio prekarioak egiten ari dira, sukaldaritza eta garbiketa bezalako sektoreetan", ohartarazi dute.
"Hezkuntza Sailak ardura bere gain hartu behar du eta berari dagokio ikastetxeetan osasuna eta segurtasun bermatuko duten neurriak hartzea eta baliabideak jartzea, betiere eragile ezberdinekin adostuta", erantsi dute.
Horrela, bada, urriaren 7rako deitu duen bilerara "plan oso bat" negoziatzeko eta adosteko borondatearekin joan dadila galdegin diote.
Albiste gehiago ekonomia
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.