Patronalak eta sindikatuek Gipuzkoako metalaren lan-hitzarmena berritu dute
Adegi patronalak eta ELA, LAB eta CCOO sindikatuek Gipuzkoako metalgintzaren lan-hitzarmena berritzeko akordioa itxi dute. 40.000 langileri eragingo die herrialde osoan, hiru urteko iraupena izango du, eta eragin orokorrekoa izango da.
UGTk sinatu ez duen akordio horri esker Gipuzkoako lan-hitzarmen garrantzitsuena berrituko da 10 urteren ostean, COVID-19ak zaildutako negoziazioak tarteko.
Adegik eta ELAk duela 15 egun sinatutako aurreakordioaren arabera, gutxienez beste sindikatu batek sinatu behar zuen eraginkortasun orokorra izateko.
Berdintasunaren alde sartu dituzten neurriei esker lortu dute LABek eta CCOOk ere bat egitea eta sektorearen lan-hitzarmena berritzea. Hala, 2010-2011koa sinatu zen baldintza beretan sinatu dute azkeneko hau ere.
Hala, berdintasunaren alorrean, aurrerantzean "enpresek legeak agindutakoa baino informazio gehiago eman beharko dute, eta epe jakin batzuetan", eta baimenen kasuan, ez da derrigorrezkoa izango elkarrekin bizitzea; soldaten aldaketa kolektiboak soilik akordio bidez egin ahal izango dira; eta Gipuzkoako lan-hitzarmenak lehentasuna izango du Espainiako Estatukoaren aurrean.
Berdintasun Batzordea martxan jartzea ere adostu dute; izan ere, 2007-2009 lan-hitzarmenean sinatu zuten sorkuntza Adegik, LABek, CCOOk eta UGTk, baina "ez da jarduerarik izan" 13 urte pasa eta gero.
Adegik azpimarratu du akordioa "historikoa" dela, eta "negoziazio prozesu eredugarriaren" ondorio dela, "gatazkarik gabe, azkar, eta bi aldeen jarrera positiboarekin, konfiantza ariketaren erakusgarri".
Sektorean gehiengoa duen ELA sindikatua "oso gustura" agertu da adostutako edukiekin, "Gipuzkoako metalaren lan-hitzarmena erreferente" izango delako.
Aitortu du ez dela "negoziazio erraza" izan, eta "ELAk onartutako edukiei beste sindikatu batzuk batu izanak akordioaren garrantzia historikoa" uzten duela agerian. % 9,6ko soldata igoerak eta lan-erreformen aurkako "babesa" jasotzen ditu akordioak.
LABek, bestalde, adierazi du "ardura ariketa bat" egin dutela, eta subrogazio eta berdintasun alorretan emandako aurrerapausoak goraipatu ditu, baimen batzuen hobekuntzarekin eta soldaten eguneraketarekin batera.
Hala ere, onartu du lan-hitzarmenean gai batzuk ez direla "behar den bezala" agertuko, tartean "lanorduen murrizketa edo aldi baterako ezintasunen osagarriak". Horregatik, "borrokan jarraitzeko" eta "lan eremuan" hobekuntzak lortzen saiatzeko konpromisoa hartu du.
CCOOk begi onez jo du "patronalaren mugimendua Gipuzkoako metalgintzako langile guztien lan-hitzarmena lortzeko", eta "10 urte baino gehiago" pasatu direla gogorarazi du.
Akordioa "ona" den arren, CCOOk uste du "lan-hitzarmen hobea posible" zela "ELAk gainerako sindikatuekin negoziatzeko eta mobilizatzeko prestutasuna izan balu, patronalak mahai gainean jarri zion lehenengo proposamena sinatu beharrean".
UGTk, berriz, ez du akordioa sinatu, eta Adegik gaur egindako ekarpenak "adar jotzea" direla salatu du. Era berean, % 9,6ko igoera, 10 urtez lan-hitzarmena berritu gabe egon ostean, urteko % 1eko igoeratik beherakoa dela adierazi du.
Albiste gehiago ekonomia
LABen ustez "udazken gorria" datorkio patronalari, EAErako LGS propioa negoziatzea onartu ezean
Igor Arroyo LABen koordinatzaile nagusiak adierazi duenez, patronalak 1.500 euro gordineko langilearteko soldata ezartzeko proposamena "blokeatzen" jarraitzen badu, sindikatuak "gatazkak sortuko ditu, mahaiz mahai, diru-sarrera horien azpitik dauden sektore guztietan". Imanol Pradales lehendakariari ere dei egin dio, eta Confebaski "presioa" egiteko eskatu dio, negoziazio mahaian "eser dadin". Eusko Jaurlaritzak "horretarako baliabideak" dituela gaineratu du.
Espainiako Gobernuak ez du onartu aireportuen kudeaketa osoa Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina osorik eskualdatzea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.