Aurrekontuek EAEra bideratutako inbertsioa % 9,2 hazi da, Sanchezen esanetan
Pedro Sanchez Espainiako presidenteak gaur Kongresuan zehaztu duenez, Estatuko aurrekontu orokorren proiektuak Euskal Autonomia Erkidegorako (EAE) aurreikusi duen diru partida % 9,2 hazi da, aurreko urteekin alderatuta. Hala, trantsizio ekologikorako 120 milioi euro gorde dira, 84 milioi tren azpiegituretarako, 294 milioi abiadura handirako eta 26 milioi uraren kalitaterako.
Espainiako Gobernuaren kontrolerako saioa dago gaur Kongresuan, eta bertan eman ditu kopuruok Sanchezek, Aitor Esteban EAJko bozeramaileak egindako galdera bati erantzunez. Bozeramaile jeltzalea kritiko azaldu da Exekutiboa hainbat konpromiso betetzeko behar duen denborarekin: "Ministerio batzuek denbora larregi behar dute partidak banatzeko".
"Ekintzek baieztatzen dituzte gauzak. Guretzat konpromisoak garrantzitsuak dira, serio hartzen ditugulako", ohartarazi du EAJren Kongresuko eledunak.
Sanchezek ihardetsi du EAJ "bazkide estrategiko eta lehentasunezkoa" dela Gobernuarentzat Estatuko aurrekontu orokorrak negoziatzeko orduan. "Ziur izan zure taldearekin hartutako konpromisoak serio hartzen ditugula", azpimarratu du Espainiako presidenteak. Sanchezen aburuz, aurrekontuetan egindako "aurrerapen handiak" begiratzea besterik ez dago, eta horren ildoan, Europako funtsetatik ingurumen politiketarako eta etxebizitzarako bideratutako 194 milioi euroak aipatu ditu.
Abiadura Handiko Trena (AHT)
Estebanek bestelako iritzia du. Haren hitzetan, "zuzendu daitekeen aurrekontua oso txikia da, politika transformatzaileak Europako funtsetan daudelako, eta jarri duzuen eskeman horren arabera, ezin da zuzenketarik aurkeztu. Hemen azpimarratu behar dena da aurrez hartutako konpromisoak betetzeko orain eta etorkizunean dagoen borondatea".
Horren harira, bi adibide jarri ditu: bata, AHTren EAEko hiriburuetako sarbidea (kudeaketa agindua noiz sinatuko zain dago Jaurlaritza) —"Zeri ari zarete itxaroten? Zergatik behar da hainbeste denbora gero sinatu behar baduzue?"—, edo trena lur azpitik sartzeko protokoloa (iaz sinatu behar zen). "Tankerako ekintzen baieztatzen dituzte gauzak", azpimarratu du.
Zure interesekoa izan daiteke
Tubos Reunidoseko langileek elkarretaratzea egin dute Bilboko San Mameseko zabalgunean
Athletic-Betis partidaren atarian lan erregulazioa eta altzairutegia ixtearen kontrako jarrera azaldu dute. Gainera borondatezko bajei atxikimendua emateko prozesua kritikatu dute eta zalantzak dituzte 301 langileek izena eman ote duten.
LABek "ez du derrigorrezko kaleratzerik onartuko" Tubos Reunidosen
Garbiñe Aranburu LABeko idazkari nagusiak adierazi du ez dutela enpresaren "xantaia" onartzen, eta erantsi du ez dutela onetsiko 300 langile kaleratu behar izatea enpresaren bideragarritasunaz negoziatzen hasteko.
Indarrean dira Irango gerrak sortutako krisiaren aurka Espainiako Gobernuak hartutako neurriak
Elektrizitatea eta erregaiak merkeagoak dira, besteak beste, BEZa % 21etik % 10era jaitsi delako.
Aldizkari ofizialak argitaratu ditu jada Espainiako Gobernuaren krisiaren aurkako neurriak, eta bihar jarriko dira indarrean
Elektrizitatearen BEZa % 21etik % 10era jaitsiko da, gasolinaren, gasolioaren eta beste hidrokarburo batzuena bezalaxe.
Tubos Reunidoseko langileek trafiko arazoak eragin dituzte Bilbon, Sabino Arana etorbidea moztuta
Tubos Reunidoseko langileek Sabino Arana etorbidea moztu dute. Argazkia: EITB Media
EBZk inflazioaren gorakada eta hazkundearen moteltzea aurreikusi ditu, Ekialde Hurbileko gerraren ondorioz
Abenduko proiekzioekin alderatuta, aurten bereziki inflazioak gora egingo duela ohartarazi du Europako Banku Zentralak (EBZ), Ekialde Hurbileko gerraren ondorioz energiaren prezioak nabarmen igo direlako.
Angularik ezin dela arrantzatu berretsi du EAEko Justizia Auzitegi Gorenak
Iazko azaroan, 2025-2026rako aurreikusitako angularen kanpaina bertan behera geratu zen EAEn, Eusko Jaurlaritzaren txostenek espeziea egoera kritikoan zegoela egiaztatu baitzuen.
Diesel litroa 2 eurotik gora dago Hego Euskal Herriko gasolindegi askotan
Gasolioaren prezioa % 30,78 igo da martxoan, Irango gerrak eragindako ezegonkortasunaren ondorioz, eta maximo berria ezarri du, litroko 1,916 eurora iritsi baita EAEn, batez beste, 2022ko uztailetik izan duen preziorik garestiena.
Euskadiko CCOOk gaitzetsi du ELAk "seinalamendu kanpaina" darabilela haren kontra, eta adierazi du euskararen aldeko jarrera "integratzailea" duela
Comisiones Obrerasek salatu du sindikatuaren aurkako manifestazio kanpaina bat darabiltzatela beste sindikatuek, euskararekiko eta hizkuntza eskakizunekiko duen jarrera dela eta. Santi Martinez idazkari nagusiak, gainera, Korrikan parte hartzeko "betoa" jarri izana gaitzetsi du, eta sindikatu abertzaleak haien kontra "erakunde ultra batek egingo lukeen moduan" jokatzen ari direla uste du.
Aste Santuan greba egingo dute Bilboko aireportuko Grounforceko lurreko asistentziako langileek
Lanuzteak martxoaren 27an hasiko dira eta apirilaren 1ean (asteazkena), apirilaren 3an (Ostiral Santua) eta 6an (Pazko Astelehena) izango lukete eragina. KPIaren diferentzialari eta erosahalmenari eustea aldarrikatzen dute langileek. Handling enpresa horrek zerbitzua ematen duen Estatuko aireportu guztietan izango dira greba-deialdiak.