Confebask: "Bilboko Portuko gatazka konpontzeko neurri zorrotzak eskatzen ditugu"
Eduardo Zubiaurre Confebaskeko presidenteak nabarmendu duenez, Bilboko Portua "lehen mailako agente ekonomikoa da" eta zamaketarien greba eragiten ari den kaltea kritikatu du. "Dozenaka langilek eragin oso handia sortzen ari dira euskal ekonomian", erantsi du.
Radio Euskadin egin dioten elkarrizketa batean, Zubiaurrek deitoratu du "atzerapenak" daudela produktuen inportazio eta esportazioan, eta "araudiaren urratze larriak" gertatzen ari direla. "Bitartekaritza azkar eta eraginkorra eskatzen dugu, neurri zorrotzak hartu behar dira", azpimarratu du. Zubiaurreren iritziz, arbitraje eta nahitaez bete beharreko laudo bat "eraginkorra" izango litzateke.
Kongresuan izapidetzen ari diren Estatuko aurrekontu orokorren proiektuaren harira, Confebaskeko presidenteak uste du "oso errealistak ez" direla eta Espainiako Estatuak pila dezakeen zorrarekin kezkatuta agertu da, EAEko ogasunei eragingo ez diela uste badu ere. Horren ustez, "jasangarritasuna eta ekonomiaren suspertzea jokoan daude". Horren ildoan, adierazi du Confebask "inbertsioaren aldeko baino, gastu arruntaren aldekoa" dela. "Kontu handia eduki behar da neurri fiskalekin, ekonomiaren suspertzea oztopatu ez dezaten", azaldu du.
EAEko patronalak aurreikusi duenez, 2021eko lehen zatia "jardun gutxikoa eta zailtasunez betea" izango da, eta enpresei "euste" egokituko zaie.
Dieselari ezarritako zerga hizpide hartuta, EAJren iritzi berekoa da Confebask: "Ibilgailuen salmentari eta erabilerari kalte egingo die eta zuzenen eragingo dio automobilgintzari".
ELAk Petronorren harira zabaldutako oharrari buruz ere galdetu diote Zubiaurreri. Sindikatuak salatu duenez, petrolio enpresak ez du Sozietateen gaineko Zerga ordaindu. Confebaskeko presidenteak erantzun du ez duela horren berri, baina honakoa erantzun du: "Herri honen Ogasun publikoaren zergadun nagusiak zerga ordaintzen ez badu, izango da ikerketa eta garapenean, enpleguan eta aktiboen inbertsioan egindako inbertsioek kenkariak eragiten dizkiotelako". Izan ere, Zubiaurreren esanetan, "ekarpen fiskala legediaren arabera egiten da beti".
Azkenik, absentismoaz, honakoa esan du: "Lan arloko absentismoak lehiakortasunari kalte egiten dio eta krisiaren eragina handitu egiten du. Absentismoak ezaugarri sozial eta kulturalekin du zerikusia".
___________________________
Jatorrizko informazioa Radio Euskadik landu eta eitb.eus-ek itzuli du.
Zure interesekoa izan daiteke
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.