Urkulluren eskaria baztertuta, Estatuak ez du zamaketarien greban eskurik hartuko
Iñigo Urkullu lehendakariak Pedro Sanchez Espainiako Gobernuko presidenteari gutun bidez eskatu dio Ministroen Kontseiluak "nahitaezko arbitrajea" onar dezala, Bilboko Portuko zamaketariek egiten ari diren greba mugagabeari amaiera emateko. Alabaina, Garraio Ministerioak aurreratu du oraingoz ez duela horrelakorik egingo eta gatazka negoziazioa bidez konpontzeko deia egin die aldeei.
Bilboestibako zamaketariak greba mugagabea egiten ari dira duela astebetetik, urrian hitzarmen kolektiboaren inguruan egindako lanuzteekin bat eginda.
Bingen Zupiria Eusko Jaurlaritzako bozeramaileak gaur goizean jakinarazi du nahitaezko arbitrajearen formula hori erabiltzeko eskatu diola lehendakariak Espainiako Gobernuari. Ezohiko neurri hori gatazka konpontzeko zantzurik ez dagoen greba egoeretan hartzen da.
Zupiriak azaldu duenez, grebak eragin handia izan du EAEko ekonomian eta inguruko erkidegoetakoetan (Nafarroa, Gaztela eta Leon eta Errioxa), eta lehengaien inportazioarekin eta esportazioarekin, produktu siderometalurgikoen garraioarekin, makina-erremintarekin eta automobilarekin lotutako hainbat sektoreri eragin die.
COVID-19aren ondorioengatik "hain egoera delikatua" den honetan, greba jarduera mota guztietan izaten ari den ondorio negatiboek "egoera honi amaiera emango liokeen arbitraje hori eskatzera eraman dute lehandakaria", adierazi du bozeramaileak.
Espainiako Gobernuak baztertu egin du esku-hartzea
Bestalde, Jose Luis Abalos Garraio ministroak esan du Espainiako Gobernuak ez duela lan-gatazka horretan esku-hartzeko asmorik eta aldeei negoziatzeko deia egin die.
Idurre Bideguren EH Bilduko senatariak egindako galderari erantzunez, Abalosek adierazi du 2013ko lan-hitzarmena berritu nahi dutela, baina Europako nahiz Estatuko araudiak aintzat hartuta eguneratze hori ez dela posible azaldu du.
Garraio ministroak baieztatu du zamaketa-enpresek eta Eusko Jaurlaritzak lan-gatazka horretan esku-hartzeko eskatu diotela Espainiako Gobernuari.
"Gatazka arretaz jarraitzen dugu eta aldeek bitartekaritza bat onartzea gustatuko litzaiguke, elkarrizketaren bidez grebari amaiera emateko eta, ondorioz, portuetan eta, oro har, jarduera ekonomikoak izaten ari diren kalteak amaitzeko", azpimarratu du.
"Derrigorrezko arbitrajea ezartzeko erabakia Lan Agintaritzak hartu beharko luke eta Ministroen Kontseiluak onartu. Egoera horretara iritsi behar ez izatea espero dugu", berretsi du.
Zure interesekoa izan daiteke
Ikuskizunetako teknikarien grebaren deitzaileak pozik agertu dira, lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Behineko kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian lan egiteagatiko plusik ez jasotzea edota lana eta bizitza pertsonala uztartzeko zailtasunak izatea salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.
Euriborrak % 2,855ean itxi du uztaila, mailarik altuena 2024ko irailetik
Ekainarekin alderatuta, tasa oinarrizko 6 puntu igo da.
Euroguneko inflazioa % 2,9an kokatu da uztailean, hamarren bat igota
Eurostatek argitaratu berri duen urte arteko tasa % 3,8koa da Espainian, ekainekoa baino bi hamarren handiagoa, eta % 2,4koa Frantzian, joan den hilean baino lau hamarren handiagoa. Energiaren esparruan igo da gehien inflazioa.
Gipuzkoako Moeve gasolindegietako langileek greba ziklo bati ekin diote, lan-baldintzak hobetzeko asmoz
Lehenengo lanuztea ostegunean hasi zen, 22:00etan, eta igandean amaituko da. Mobilizazioen artean, gaur elkarretaratzea egin dute AP-8 autobidearen Oiartzungo gasolindegian.
Gasolina eta gasolioa 6 zentimo baino gehiago garestitu dira litroko, Hidrokarburoen Zerga Bereziaren igoeraren ondorioz
Batez beste, gasolina depositua betetzeak duela urtebete baino 8,5 euro gehiago balio du, eta gasolio deposituak ia 16 euro gehiago, abuztuko irteera-operazio betean.
38 urteko langile bat oso larri zauritu da Alesbeseko kontserba-enpresa batean izandako istripuan
Foru Gobernuak zabaldutako oharraren arabera, langileari ur irakina erori zaio gainera, eta erredurak ditu gorputzaren % 80an.
Bazka erosketa bateratua aztertuko du Euskadik, lehorteak eragindako larre-eskasia dela eta
ENBA sindikatuko eta UAGA Arabako nekazarien elkarteko ordezkariak Eusko Jaurlaritzarekin bildu dira Lakuan, beroak eta euri faltak lehen sektorean eragindako kalteak aztertzeko.