Bidesariak 2 eta 16 zentimo artean igo dira Bizkaiko errepideetan
Bizkaiko Foru Aldundiak 2021erako bidesarien tarifak bi eta 16 zentimo artean igo ditu AP-8an, Hegoaldeko Saihesbidean eta Artxandako tuneletan.
Foru Aldundiko iturriek jakitera eman dutenez, AP-8an ibilgailu arinen tarifak 2 eta 16 zentimo artean igoko dira. Prezioa 0,40 eurokoa da ibilbide laburrenean (Ermua- Gipuzkoako muga), eta 5,01 eurokoa ibilbide luzeenean (Galdakao - Gipuzkoako muga).
Ibilbide beretan, 0,73 eta 12,21 euro ordainduko dituzte (0,03 eta 0,47 euro gehiago) I motako ibilgailu astunek; eta 0,84 eta 13,76 euro (0,03 eta 0,53 euro) II motakoek.
Hegoaldeko Saihesbidean — doakoa 00:00etatik 06:00etara— ibilgailu arinek 0,57 euro ordainduko dituzte ibilbide laburrenetan (Bilbo Ekialdea - Bilbo Hegoaldea eta Bilbo Hegoaldea - Ortuella), gaur egungo tarifa baino 3 zentimo gehiago. Ibilbide luzeenean (Bilbo Ekialdea – Santurtzi), tarifa 1,39 eurokoa da, 6 zentimo gehiago.
I motako ibilgailu astunek 2,12 eta 5,07 euro ordainduko dituzte (0,09 eta 0,22 euro gehiago); eta II motakoek, 2,40 eta 5,72 euro (0,10 eta 0,25 euro gehiago).
Artxandako tunelen tarifak — doakoak 00:00etatik 06:00etara — 4 zentimo igoko dira mota guztietako ibilgailuetarako. Honela geratuko dira: 1,27 euro ibilgailu arinentzat eta 1,34 euro I eta II motako ibilgailu astunentzat.
Gastuaren muga
Azpiegitura horien erabiltzaileentzako gastuaren gehienezko muga ere eguneratu du Aldundiak. Bidesaria programari atxikitako bizkaitarrek hilean 33,45 euro ordainduko dituzte gehienez, ordainpeko hiru foru bideetan egindako ibilbideetan.
Gastuaren muga 48.93 eurokoa izango da hilean, AP-8an (Gipuzkoa) edo AP-1ean (Araba) ordaindutako bidesarietan, betiere bidaia Bizkaian hasi edo amaitzen bada.
Albiste gehiago ekonomia
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.