Gipuzkoak zibersegurtasuneko "puntako" laborategi berria inauguratu du ZIURren
ZIUR Gipuzkoako Zibersegurtasun Industrialeko Zentroak zibersegurtasuneko laborategi "aurreratu eta puntako" berria inauguratu du gaur. Zentroa 2019 amaieran zabaldu zuten, eta azpiegitura berri horrekin jardun betean aritu ahalko da aurrerantzean.
Laborategiak 350.000 euroko inbertsioa izan du, eta gaur bertan hasi da Gipuzkoako enpresa industrialei, fabrikatzaileei eta teknologia zein ezagutza zentroei doako zerbitzua eskaintzen.
Markel Olano Gipuzkoako ahaldun nagusiak Donostiako Zuatzu enpresa parkean dagoen ZIUReko instalazio berriak bisitatu ditu, Jabier Larrañaga Ekonomia Sustapen, Turismo eta Landa Inguruneko foru diputatuarekin, Eneko Goia alkatearekin, Koldo Peciña ZIUReko zuzendariarekin eta Maria Penilla azpiegituraren zuzendari teknikoarekin batera.
Azpiegitura berriak 350.377,85 euroko kostua izan du (BEZa barne), eta Gipuzkoako industria-enpresentzat, zibersegurtasunaren sektorearekin lotutako fabrikatzaileentzat (bai industria-produktuentzat, bai zibersegurtasun-soluzioentzat) eta teknologia- eta ezagutza-zentroentzat da.
Ahaldun nagusiak gogorarazi duenez, zibersegurtasun zentroak lurraldeko 300 industria-enpresa baino gehiago hartu ditu dagoeneko bere bizitzako lehen urtean, eta sektore horri lotutako elkarteekin, klusterrekin, teknologia-zentroekin eta ezagutza-zentroekin lan egiten du.
Olanoren esanetan, 2020an munduak digitalizazio prozesua presaka egin behar izan du, pandemiaren ondorioz. "Gauetik goizera, gure enpresek errealitate berrira egokitu behar izan dute, telelana egin eta harreman-moduak aldatu; horrek esan nahi du, kasu gehienetan, digitalizazio-prozesuetan sakondu behar izan dutela".
"Argi dago abantailak ematen dituela, baina zibersegurtasuna bezalako mehatxuak ere badakartza, eta, hori kontuan hartzen ez bada, enpresaren beraren bideragarritasuna arriskuan jar dezake ", ohartarazi du.
Horren adibide gisa, Olanok gogorarazi du, IBMren ikerketa baten arabera, pandemiaren hasierak zibereraso globalen % 40ko hazkundea ekarri zuela, eta Europan, berriz, % 125ekoa izan zela gorakada hori. Ildo horretan, Gipuzkoak zibersegurtasunaren alorrean dituen "potentzialtasunak" azpimarratu ditu, "arrakasta izateko osagai guztiak" dituela iritzita.
Zibersegutasuna probatzeko tresna
Laborategiari dagokionez, Olanok esan du ziurtapen laborategi bihurtzeko asmoarekin hasi duela bere ibilbidea. "Gure helburua epe ertainean Gipuzkoako industrian erabiltzen diren produktu eta sistemen zibersegurtasuna frogatu, neurtu eta ziurtatzeko tresna bihurtzea da", zehaztu du.
Era berean, proiektu hau Next Generation Euskadi proposamenean sartu dutela esan du. Guztira, 4,6 milioi euroko inbertsioa eta 13,8 milioi euroko zenbatekoa eskatu dute.
Bestalde, Eneko Goia Donostiako alkateak azpimarratu duenez, "Donostia lurralde industrial baten hiriburua da, eta ezagutza, ikerketa eta zerbitzuak eskaintzen dizkio, enpresek gure mugetan eta mugetatik kanpo punta-puntakoak izatea eragiten duen jarduera garatu ahal izan dezaten".
Zentzu horretan, "ZIURen egoitza hartzea beste urrats bat da ezagutza aurreratuaren hiri gisa eta lurralde osorako zerbitzuen gune gisa egiten dugun apustuan".
Zure interesekoa izan daiteke
EAEko apartamentu turistikoetako gaualdiak % 23,3 igo dira uztailean, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete berarekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasierarako" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean, Barredok azaldu du Bazka Mahaia oraindik deituta ez dagoen arren, horrek ez duela esan nahi atzerapenak egongo direnik: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.