Aurrekontuen inguruko azken eskaintzari ezetz esan dio Elkarrekin Podemosek
Elkarrekin Podemosek Eusko Jaurlaritzaren 2021erako Aurrekontuen inguruko azken eskaintza baztertu du, Gasteizko Exekutiboak esan duenez.
Larunbatean bildu dira bi aldeek, eta bileraren ostean, Pedro Azpiazu Ekonomia eta Ogasun sailburuak nabarmendu du Exekutiboak "ahalegin" negoziatzailea egin duen arren, kontu publikoetan 97 milioi euroko inpaktua eskainiz, Elkarrekin Podemosek uko egin dio Aurrekontuak babesteari.
"Ez daukat argi nola kokatu ezezko hori, ez dakit bertigo politikoko kontua izango ote den, Elkarrekin Podemos osatzen duten alderdiek eskertu eta onartu egin baitute Eusko Jaurlaritzak beraientzat garrantzitsuak diren esparruak sakontzeko egindako ahalegina", esan du Azpiazuk bere sailak zabaldutako adierazpenetan.
Sailburuak azaldu duenez, Jaurlaritzak "osasuna, zaintza, berdintasuna eta genero-indarkeria, gizarte babesa eta inklusioa, hezkuntza, etxebizitza, enplegua, ingurumena eta energia" bezalako alorretan egin dio eskaintzak Elkarrekin Podemosi, "politika batzuk indartzeko eta beste batzuk bizkortzeko" konpromisoa hartuta.
Exekutiboaren helburua da "euskal gizartearentzat zaila den une honetan babes zabalagoak lortzea, nahiz eta gehiengo osoak ematen digun laguntzarik baino gehiago behar ez izan". Zentzu horretan, Elkarrekin Podemosi egindako eskaintzak "% 12,2ko igoeran eragitea ekarriko luke", koalizioak Legebiltzarren duen "pisua % 8koa" izan arren.
Azpiazuk "zintzotasunez, ausardiaz eta intentsitatez" saiatu direla esan du, "benetan uste dugulako ohiz kanpoko egoera baten aurrean gaudela", eta Elkarrekin Podemosen babesik gabe onartuko dituzten Aurrekontuak "Euskadin gizartea berreraikitzeko eta ekonomia eta enplegua suspertzeko bidea" direla.
Eskaintzak ez zituen Elkarrekin Podemosentzat "oinarrizkoak" ziren elementuak
Koalizioaren arabera, Eusko Jaurlaritzak ez du izan Elkarrekin Podemosentzat "oinarrizkoak" ziren elementu batzuk eskaintzeko "borondate politikorik", adibidez, "gizarte politikak, adinekoen egoitzen publifikazioa, osasun zerbitzuen pribatizazioan atzera egitea eta erreforma fiskala". Horregatik, "tamalez" akordioa ez da posible izan, Miren Gorrotxategik azaldu duenez.
Aurrekontuen osoko zuzenketa aurkeztuko duten galdetuta, Gorrotxategik azaldu du zuzenketa "prest" dutela, baina orain koalizioak formalizatzen duen erabaki behar duela".
Azpiazuri erantzun dio koalizioak ez duela "bertigo politikorik" izan, eta hori, esaterako, EAJ eta PSE-EE buru duen Gasteizko Udaleko aurrekontuen Elkarrekin Podemosen babesean ikusiko da.
Negoziaketak ez dira "errazak" izan koalizioarentzat, EAJ-PSEren gehiengo absolutuagatik eta astelehenean zuzenketak aurkezteko epea ireki arte denbora gutxi zegoelako, baina hala ere "pozik" azaldu da prozesuagatik eta hitzarmena "zintzotasunez eta leialtasunez" lortzen saiatzeagatik.
Gorrotxategik esan du Jaurlaritzak erabaki duela gaurkoa azken eskaintza izatea. Bozeramailearen arabera, "gerora" elkar ulertzeko aukera egoteko lanean jarraituko dute.
Zure interesekoa izan daiteke
Euskadiko Lan Ikuskaritzak lege iruzurrez egindako 42-47 behin-behineko kontratu atzeman ditu Tubos Reunidosen
Langileen batzordeak bilera izan du goizean Eusko Jaurlaritzako Lan Ikuskaritzako ordezkariekin, Gasteizen, eta batzarrak iraun duen bitartean, dozenaka langilek protesta egin dute atarian.
Erregaien krisiak arrantza-sektorea astindu du: lehen ontziak geldirik, Ondarroan
Gasolioaren garestitzeak alturako flotaren zati bat portuan egotera behartu du. Bitartean, sektoreak bideragarritasuna bermatzeko laguntza gehiago eskatzen ditu.
Behargin bat hil da Goiaingo industrialdean, lan-istripuz
Ezbeharra 20:00ak aldera gertatu da, eta bertaratu diren larrialdi-zerbitzuek ezin izan dute langilea suspertu.
Osasun Ministerioak bi bilera egingo ditu aste honetan, medikuen grebari buruz hitz egiteko
Ostegunean greba batzordearekin bilduko da, mobilizazioak eragin dituzten gatazka-puntuak aztertzeko. Ondoren, ostiralean, egoeraren berri emango die autonomia-erkidegoei Osasun Sistema Nazionaleko Lurraldearteko Kontseiluan.
Tubos Reunidosek enplegu-erregulazioko espedientea aurkeztu du, eta 285 kaleratze iragarri
200 langile baino gehiago (152, Amurrion, eta 53, Trapagaranen) hitzartutako kaleratzeen bidez egotziko dituzte. Aldi baterako kontratudun langileak (80 bat), ordea, hilaren amaieran kaleratuko dituzte.
Tubos Reunidos onbideratzeko aukera txikiena ere esploratzeko eskatu dio Otxandianok Jaurlaritzari, enpleguaren aldeko konpromisoari azkenera arte eusteko
Pello Otxandiano EH Bilduren bozeramaileak Euskadi Irratian egin dioten elkarrizketan adierazi duenez, gaur bertan ELA, LAB, CCOO eta UGT sindikatuen idazkari nagusiekin harremanetan jarriko da hizkuntza eskakizunen aferari irtenbidea emateko EH Bilduk planteatzen duen proposamen zehatza aurkezteko; EAJk eta PSE-EEk mahai gainean daukate dagoeneko.
Osasun mentala eta itxaron-zerrendak, Nafarroako lan-absentismoaren gorakadaren gakoak
Langileen % 67k ez zuen bajarik izan 2025ean, baina talde txiki batek biltzen ditu absentzia-egun gehienak, Absentismo Barometroaren arabera.
Esportazioak eta inportazioak % 4,5 eta % 6,1 murriztu dira, hurrenez hurren, urtarrilean Euskadin
2026ko lehenengo hilabeteko saldo komertziala positiboa izan da, 113,2 milioi eurokoa, eta esportazioen eta inportazioen arteko harremana neurtzen duen indizea % 105,5ekoa izan da.
Brenta % 13 jaitsi da, kolpetik, Trumpek Irango erasoak etengo dituela iragartzearekin bat; 100 dolar ingurura itzuli da gero
Trumpen iragarpena islatu egin da Ibex 35ean, saio erdian lehengoratu eta % 1,08 igo da, 16.893,9 punturaino.
Confebask ez da joango ELAk eta LABek gutxieneko soldata propioa negoziatzeko biharko deitutako bilerara
Patronalak argudiatu du EAEko Auzitegi Nagusiak ebatzi zuela afera hori negoziatzea "legez kanpokoa" zela. Batzarra bihar, M17ko greba orokorra egin zenetik astebetera, egin asmo zuten bi sindikatu abertzaleek. Hain justu, Confebasken ezezkoa "probokaziotzat" jo dute biek ala biek, eta Jaurlaritzari "ekidistantziak bilatzeari" uzteko eskatu diote. Azken horrek elkarrizketarako deia egin die bi aldeei.