Azpiazu: "Elkarrekin Podemosi beste kontraproposamen bat egingo diogu"
Pedro Azpiazu Ekonomia eta Ogasun sailburuak uste du "bide txiki bat dagoela" Elkarrekin Podemosekin aurrekontuen inguruan "akordio zabalagoa lortzeko" eta horregatik "gaur edo bihar, beste proposamen bat egingo diegu, kontraproposamen bat".
Sailburuak Egun on Euskadi saioan adierazi duenez, "oraindik ikusiko dugu zer gertatuko den". Izan ere, "akordio zabala lortzeko elkartu gara alderdi guztiekin", azaldu du. Voxek eta PPk "ezezkoa eman dute hasieratik", gaineratu du. EH Bilduk eta Elkarrekin Podemosek, berriz, "proposamen bat egin dute bakoitzak" eta Elkarrekin Podemosen kasuan "ikusiko dugu posible den ala ez. Ez da erreza, baina Jaurlaritzaren gogoa akordio hori zabaltzea da".
Ildo horretan, gaur arratsaldean Elkarrekin Podemosekin duten bileran aurrekontuen esparruan hitz egiteko asmoa duela azpimarratu du sailburuak, "hori baita tokatzen dena". "Badago jokoa aldaketak egiteko eta ikusi beharko dugu geure proposamena eurentzat nahikoa den ala ez", gaineratu du.
Astelehenean emendakinak aurkezteko epea amaitzen da eta hortaz, "gaur, bihar, larunbatean eta igandean lan egingo dugu akordioetara iristeko".
Epe luzerako politika fiskala aldatzeari buruz galdetuta, sailburuak esan du erabaki hori "atzeratu egin beharko dela", egungo egoeran hazkunde ekonomikoaren aurka doalako, baina "ikusi beharko da, etorkizunera begira, hurrengo belaunaldiek zenbateko gastua ordaintzen duten eta epe laburrean zenbat ordaindu beharko den zergekin".
Horren harira, hausnarketa hori "legegintzaldi honetan egingo dutela" esan du, Eusko Jaurlaritzaren "konpromisoa hori izan zelako", nahiz eta covid-19ak egoera aldatu duen.
EH Bilduren proposamenari dagokionez, "eskatzen dutena aurrekontu eremutik kanpo dago", izan ere, erreforma fiskala eta Europako funtsak barne hartzen dituen "planteamendu integrala" da.
Carlos Iturgaiz Euskadiko PPko buruaren planteamenduari dagokionez (kontuak "errealitatetik kanpo" daudela esan zuen), Azpiazuk esan du "kritika politiko merkea" dela.
Voxen iritzien ("gastu ideologikoak" zituztela adierazi zuen) harira, berriz, sailburuak esan du: "alderdi horrek zer esango du".
Zure interesekoa izan daiteke
Saltokietan eskuko telefonoarekin ordaintzeko aukera emango du Bizumek maiatzaren 18tik aurrera
CaixaBank, Sabadell eta Bankinter izango dira Bizum bidezko ordainketak baimentzen lehenak. Laboral Kutxak ere hilaren 18tik aurrera eskainiko du aukera, baina denda kopuru mugatu batean.
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.