ELAk lanpostu publikoak egonkortzeko "premiazko konponbideak" eskatu ditu
ELAk "premiazko konponbideak" eskatu dizkio Eusko jaurlaritzari, sektore publikoko langileen postuak egonkortzeko, astelehenean EAEko Administrazioaren Funtzio Publikoaren Mahaiaren bileraren harira. Gainera, Exekutiboak "urratsak emateko asmorik"ez duela salatu du eta ohartarazi du "benetako urratsak" soilik "mobilizazio eraginkorra" badago emango dituztela.
Egun horretarako, astelehenean, sindikatuak elkarretaratzea deitu du, 15:00etan, Eusko Jaurlaritzaren Gasteizko egoitzaren aurrean. Mahai Orokorraren bilera, deitoratu duenez, "sektore publikoko langileak egoera larrian daudela" gertatuko da. Izan ere, 100 000 pertsonatik gora azpikontratatuta daude, behin behinekotasun tasa % 40koa da, eta erosteko ahalmenaren galera, % 13koa.
Gainera, ohartarazi du lanpostu publikoen tasa "Europako batezbestekotik oso behera dagoela (% 20 28en EBn eta % 12 EAEn).
Pandemia kudeatzeko modua ere kritikatu du ELAk, "langile faltarekin, lan karga handiarekin eta segurtasunean eta lan osasunean gabezia handiekin" egin delako. Egoera horren aurrean, ELArentzat bilera horiek "urteetan bultzatutako dinamiken" errepikapenak baino ez dira.
Horregatik, lan egiteko modua aldatzeko eskatu du, sektore publikoak "premiazko konponbideak, hemen eta orain", behar dituelako. Sindikatu horrentzat 50 000tik gorako behin behineko langileen postuen egonkortzetik eta "galdutako erosteko ahalmena eta murriztutako eskubideak" berreskuratzetik etorriko da konponbidea.
Deitoratu duenez, Eusko Jaurlaritzak ez du "norabide horretan urratsak emateko benetako borondaterik", Kide eta Eskalen Legean sartutako proposamenaren alde egiten duelako. Horrek "ez du inor asetzen, eta talde garrantzitsuak lanpostua egonkortzeko aukerarik gabe" uzten ditu, eta soldata eta "murriztutako" eskubideak berreskuratzeari dagokionez "oso motz" geratzen da.
Horregatik, Jaurlaritzan aldaketa bat lortzeko bide bakarra "mobilizazio dinamika" bat bultzatzea da. "Mobilizazioari ezetz esatea helburua lortzeari ezetz esatea da", esan du ELAk. Sindukatuak ez du ulertzen beste sindikatuek "benetako mobilizazioari ezetz esatea".
Azken bilera
Mahai Orokorraren azken bilera, legegintzaldi honetako lehenengoa, abenduan egin zen. Horren ondoren, Jaurlaritzak 2538 lanpostu berri lan eskaintza publikoan deitzea onartu zuen, lehenetik onartutako 1500ei gehituta: 836 Hezkuntzan, 700 Ertzaintzan eta 1002 Osakidetzan.
Funtzio Publikoko sindikatuekin (ELA, LAB, CCOO eta UGT) ere negoziatzeko tarte berri bat irekiko zuela esan zuen Jaurlaritzak, "enplegu publikoa bultzatzeko", erretiro partzialaren gaineko programa bati buruz hitz egiteko eta Administrazioko langileen soldatari buruzko negoziaketak hasteko.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".