Hidrogenoa sortzeko lantegi bat eraikiko dute Bizkaian Petronorrek eta Senerrek
Petronor eta Sener enpresek elektrolizatzaileen (energia moduan erabilgarri izango den hidrogenoa sortzeko aparatuak) lantegi bat eraikiko dute Bizkaian. Aurreikusitakoaren arabera, aurten hasiko dituzte eraikitzeko lanak, eta 2022an ekingo diote jardunari. Litekeena da lantegia Portugaleten egitea, eta 50-60 lanpostu berri sortuko dituzte lehen fasean eta 100 bigarrenean.
Hidrogenoa sortzeko, uraren molekula bere bi osagarrietan (hidrogenoa eta oxigenoa) disoziatu behar da, korronte elektrikoa erabilita.
Lantegi berri hori eraikitzeko, Belgikako John Cockerill bazkidearen laguntza izango dute. Hasiera batean, Petronor hidrogenoarekin hornituko du bazkide horrek, eta, ondoren, asmoa da mundu osoan saltzea.
Petronorrek Muskizen duen findegian sinatu dute astelehen honetan fabrika berria eraikitzeko ituna Emiliano Lopez Atxurra Petronorreko presidenteak eta Jorge Sendagorta Cudos Senerreko kontseilari delegatuak. Esan bezala, 120 milioi euroko inbertsioa egingo dute, eta lantegia faseka eraikiko dute. Hau da, urte batzuk igaroko dira fabrika erabat eraiki arte.
Duela gutxi aurkeztutako Hidrogenoaren Euskal Korridoreak duen 34 proiektuetako bat da aipatutakoa. Guztira, hiru instalazio izango ditu.
Lehena Petronorren esku egongo da, eta 2022. urtearen amaieran hasiko da martxan. 2 MW-eko potentzia izango du, eta hidrogeno berritzailez elikatuko ditu Abantoko Teknologia Parkeko instalazioak.
Bigarrenak (Petronorren, EVEren eta Enagasen esku egongo da) 10 MW-eko elektrolizatzailea izango du. 2024an ekingo dio lanari, eta Bilboko Portuan kokatuko dute. Erregai sintetikoen lantegira zuzenduko du ekoizpena.
Hirugarrena 2025erako aurreikusi dute. 100 MW-erainoko elektrolizatzailea izango du. Petronorren deskarbonizazio prozesuan hartuko du parte, eta Hidrogenoaren Euskal Korridorearen beharrak hornituko ditu.
Albiste gehiago ekonomia
Euriborraren jaitsiera dago hipoteken gehikuntzaren atzean, sektore batzuetan
Guztira 1.922 hipoteka sinatu dira EAEn. Batez beste, 163.000 euro ingurukoak dira, % 2,99ko interes-tasarekin, eta 25 urtera. Hain justu, interes-tasen beherakadak animatu du jendea. Hori eta alokairuaren merkatuaren egoera kaskarra. Paradoxikoki, aldi berean, etxebizitzak garestitzen ari dira. Urteko lehenengo hiruhilekoan % 12 egin du gora prezioak.
Ikasle-egoitza edo pisua? Ikasturte hasierako erabaki handietako bat
Duela urte batzuk alde ekonomiko nabarmena zegoen egoitzan bizi eta beste ikasle batzuekin alokairuko etxean egotearen artean. Bigarren aukera askoz merkeagoa zen. Gaur egun, ordea, arrakala hori murriztu egin da, besteak beste, euskal hiriburuetako pisuen prezioen ondorioz. Hala ere, argi dago abuztu amaieran zailena leku bat aurkitzea dela, egoitzan zein etxea partekatuan.
Etxebizitzen gaineko hipoteka-kopurua % 24 hazi da Euskadin ekainean
Nafarroa, aldiz, jaitsiera izan duen bakarra da Estatuan.
Euskadi eta Nafarroa, batez besteko erretiro-pentsio altuena duten erkidegoen artean
Gizarte Segurantzak 13.620,8 milioi euro erabili ditu abuztuan kotizaziopeko pentsioen hileko nomina arrunta ordaintzeko, eta kopuru horren ia hiru laurden, erretiro-pentsioetarako.
Enplegu erregulazioko espedientearen kaleratzeak 22tik 14ra jaitsi ditu Serveok, eta langileek greba abiatu dute
Enpresak banan-banan negoziatuko du kaleratutako langile bakoitzarekin. Sindikatuek salatu dute Bridgestoneko langileak atzeman dituztela Serveoko beharginen lanak egiten, greba hasi eta bi ordura.
Bigarren Hezkuntzan eta Lanbide Heziketan eskainitako irakasle-plazen % 17 hutsik geratu dira Nafarroan
Eskainitako 473 plazetatik 84 ez dira bete. Lehen Hezkuntzan, berriz, ia ez da lanposturik geratu bete gabe.
Correosek aldi baterako etengo ditu balio txikiko paketeen bidalketak Estatu Batuetara eta Puerto Ricora
Correosek ostiral honetan ohar baten bidez jakitera eman duenez, Estatu Batuetako aduana-arauak aldatu dira, balio txikiko bidalketei aplikatzen zitzaien muga-zergen salbuespena kentzeko. Ondorioz, Correos-ek mota horretako bidalketak 24ko (igandea), 23:59ra bitartean soilik onartuko ditu.
AEBko banku zentrala interes-tasak jaistea aztertzen ari da
Jerome Powell Erreserba Federaleko presidenteak Trumpen garaiko lehen murrizketa iradoki du, eta New Yorkeko burtsak gora egin du.
Grebari amaiera emateko enpresaren eta Udalaren jarrera “arduragabea” kritikatu dute Gasteizko lorezainek
Ohartarazi dutenez, "ez da gatazkaren amaiera ikusten" eta euren lan-aldarrikapenak babesteko herritarren sinadurak biltzen hasi dira.
Europar Batasunak akordio formala itxi du AEBekin % 15eko muga-zerga orokorrerako
Automobilei muga-zergak murrizteko, baldintza da AEBko nekazaritza-produktu eta elikagaiei zergak kentzea.