"Hidrogeno berdeak" garraio astunen sektorea "deskarbonizatzen" lagunduko du
Energiaren sektoreak itxaropenez begiratzen dio hidrogenoari, energia berriztagarrien osagarri izateko. Tradizionalki, hidrogenoa erregai fosiletatik sortzen da (beraz, CO2 asko isurtzen du ekoizpen-prozesuak), baina iturri berriztagarrien bidez lortutako elektrizitatea urari aplikatuta ere sor daiteke, elektrolisi prozesuaren bidez; hortik dator "hidrogeno berdea" terminoa. "Ekonomiaren sektore batzuk deskarbonizatzeko balioko du, beste alternatiba batzuekin, bateriekin, esaterako, deskarbonizatzea oso zaila izango baita; garraio astuna, adibidez", esan du Nuria Gisbertek, CIC energiGUNEko zuzendari nagusiak.
Energia berriztagarrien bidez lortutako elektrizitatea metatzeko ohiko modua bateriak dira. "Bateriak eta hidrogenoa ez dira irtenbide baztertzaileak, osagarriak izango dira beti", Gisberten hitzetan, eta honakoa gaineratu du: "Oro har, aplikazio guztiei ezin zaie soluzio teknologiko bera eman; beraz, bateriak eta hidrogenoa eskutik hartuta joango dira aplikazio desberdinetarako".
Hidrogenozko erregai pila bat CIDETEC ikerketa-zentroan (Donostia). Argazkia: Elhuyar
Hidrogenozko botila bat, CIDETEC ikerketa-zentroan (Donostia). Argazkia: Elhuyar
Hidrogenoaren abantaila nagusia energia epe luzera metatzeko aukera da. "Izan ere, hidrogenoa ez da erregai bat", Iker Alecha CIDETEC ikerketa-zentroko ikertzailearen esanetan, "energia-bektore bat da, eta horrek esan nahi du ekoizten den unean biltegira daitekeela, eta, gero, aplikazioaren arabera, ahal den unean atera eta erabil daitekeela".
Baina denak ez dira abantailak. "Puntu ahul gisa, esango nuke hidrogenoa banatzeko sarea gaur egun ez dagoela ezarrita edo zabalduta, kostu handia duelako eta teknologia hasiberria delako", esan du Alechak.
Iker Alecha, CIDETEC ikerketa-zentroko ikertzailea (Donostia). Argazkia: Elhuyar
Ahulezia horren adibide bat da auto elektrikoen sektoreak ibilgailu elektrikoaren aldeko apustu garbia egin duela. "Azkenean, lortuko dituzten merkatu-kuoten arabera hartuko dituzte erabakiak. Egia da saldutako hidrogeno-autoak 10.000-12.000 unitate inguru izan zirela iaz. Eta egia da salmenten balio absolutuak bikoiztu egin direla urtetik urtera, baina, konparazioa egiteko, auto elektrikoaren milioika unitate saldu dira", gaineratu du Gisbertek. Gainera, horren esanetan, marka batzuek bakarrik egin dute hidrogenoaren aldeko apustu argia.
Nuria Gisbert, CIC energiGUNEko zuzendari nagusia (Miñao, Araba). Argazkia: Elhuyar
Auto elektrikoa, kalean kargatzen. Argazkia: Europako Batzordea
Hidrogeno berdeak itxaropen handia ekarri du, baina, gaur egun, epe luzerako apustua da.
Aste honetan bertan aurkeztu dute Hidrogenoaren Euskal Korridorea. 78 erakunde publiko eta pribatu batu dira alor horretan aurrera egiteko sortu duten proiektu horretara.
Zure interesekoa izan daiteke
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Sute txikiak, atzerapenak Metroan, arazoak TUVISAn... hainbat gorabehera eragin ditu beroak
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu. TUVISAk ere gorabeheren berri eman du bere zerbitzuan.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.