78 enpresa eta erakundek Hidrogenoaren Euskal Korridorea sortu dute
78 erakunde publiko eta pribatuk Hidrogenoaren Euskal Korridorea sortu dute astelehen honetan Bilbon, besteak beste, energia, mugikortasuna, industria eta zerbitzuak eta bestelako sektore estrategikoen deskarbonizazioan aurrera egiten lagunduko duen ekimena. 1.300 milioi euroko inbertsioa ekarriko du 2026ra arte, eta zuzeneko 1.340 lanpostu eta zeharkako 6.700 sortuko ditu.
Zortzi erakunde publikok, 12 prestakuntza-zentrok eta enpresa-elkartek eta 58 enpresak sinatu dute gaur Korridore honi atxikimendua. Hala ere, beste 60 konpainia ekimen honetan parte hartzea pentsatzen ari dira. Proiektu honen helburua EAEn "hidrogenoaren ekosistema" sortzea da, energia, industria, zerbitzuak eta mugikortasun sektoreen deskarbonizazioan aurrera egin ahal izateko.
Petronor-Repsolek bultzatutakoa proiektu honek 34 ekimen zehatz ditu. Urtean 20.000 tona hidrogeno ekoitzi nahi ditu eta horrek, atmosferara urtean 1,5 milioi tona CO2 gutxiago isurtzea ekarriko luke.
Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumen sailburuak parte hartu du sinatze-ekitaldian, eta gogorarazi du proiektu hori Europako berreraikuntzarako funtsak jasotzeko Jaurlaritzak proposatutako proiektuetako bat dela (400 milioi euro eskatzen dira).
Sailburuak nabarmendu duenez, proiektu hori "gauzatu egingo da". Europar Batasunaren babes finantzarioa izanez gero, "aurrera egiteko eta ekimenak bizkortzeko" baliko du, baina Europako baliabiderik ez badago ere "aurrera" jarraituko duela esan du.
Hidrogenoaren aldeko apostua
Trantsizio energetikorako eta klima-aldaketaren aurkako borrokarako hidrogenoa "ezinbesteko elementua" dela azpimarratu du Tapiak , eta gaineratu du "beharrezkoa" dela esparru horretan "posizionamendu estrategikoa" hartzea, eta Euskal Autonomia Erkidegoak "parte izan behar duela".
Europar Batasunak energia deskarbonizatzeko hidrogenoaren aldeko "apustu argia" egin duela gogorarazi du eta Europa "eraldaketa horren lider" bihur daitekeela azpimarratu du. EAE estrategia horren "hub" gisa koka daitekeela uste du Tapiak, erkidegoaren "indarrak" kontuan hartuta.
Horretarako, sailburuak adierazi du Eusko Jaurlaritzak baduela "estrategia global" bat energiaren alorrean, eta orain estrategia horrek bat egiten duela Hidrogenoaren Korridorearekin, Energiaren Euskal Erakundearen (EEE) eta parke teknologikoen bidez, aberastasuna eta enplegua sortzeko balioko duen eraldaketa industriala lortzen laguntzeko.
Emiliano Lopez Achurra Petronorreko presidentearen esanetan EAE "beti izan da protagonista" Espainiako Estatuko garapen industrial energetikoan, eta etorkizunean, korridore horrekin, hidrogeno europarraren estrategian eragile esanguratsua izan daitekeela uste du. "Atlantikoko euroeskualdearen ardatz teknoindustrial bihurtzeko" EAEk kokapen geografiko "pribilegiatua" duela uste du.
Raul Blanco Espainiako Gobernuko Industria eta ETE idazkari nagusiak, bestalde, Hidrogenoaren Euskal Korridorea hidrogeno berdearen industria bat sortzeko "mugarria" dela esan du.
Zure interesekoa izan daiteke
Tubos Reunidosek hartzekodunen konkurtsoa aurkeztu du
Enpresak maiatzaren 6an bilera egingo du Trapagaran eta Amurrioko langile batzordeekin. Bestalde, Amurrioko greba mugagabearekin jarraitu ala ez erabakitzeko asanblada egin ahal izateko beharrezkoak ziren 235 sinadurak aurkeztu dituzte Lan Ikuskaritzaren aurrean.
Medikuek mahai sektoriala eratzea eskatu dute, “Osakidetzaren egitura aldatzeko”
Salatu dutenez, lanean jasaten duten "gainkargak" etengabe luzatzen diren "agenda txikle" deritzonak eragiten dizkie, eta horrek haien osasunerako kaltegarria da.
Gipuzkoan, hiru kontrataziotik bi goi-mailako ikasketak dutenek beteko dituzte
Unibertsitatera joan direnek zein graduondoa dutenek kontratuen % 47 biltzen dute, eta bereziki nabarmentzekoa da STEM profilen eskaera handia. Nolanahi ere, kontratazioa aurreikusten duten enpresa guztiek diote zailtasunak dituztela langileak aurkitzeko eta lanpostuak betetzeko.
Eusko Jaurlaritza, Gipuzkoako Foru Aldundia eta Papresako batzordea gaur arratsaldean bilduko dira, CL Groupen eskaintzaren ostean
Hitzordua arratsaldean izango da, Gipuzkoako Foru Jauregian, Extremadurako enpresak Errenteriako paper-fabrika 39 milioi euroren truke erostea planteatu baitu, plantillaren % 72ri eutsita. Langileek aurreratu dute ez dutela proposamena onartuko.
Egunean 188.000 petrolio upel gehiago ekoitziko ditu OPEP+ aliantzak ekainetik aurrera
Bestalde, merkatuaren egoera gertutik aztertzen jarraitzeko konpromisoa hartu dute aliantza osatzen duten herrialdeek, eta berretsi dute garrantzitsua dela "ikuspegi zentzuduna" izatea, "baita ekoizpenaren doikuntza handitzeko, gelditzeko edo kentzeko malgutasuna izatea ere".
Pentsiodunek gutxieneko pentsioak LGSra arte osatzea eskatuko dute berriz ere datorren ostegunean Gasteizen
Mobilizazio horrekin, Eusko Jaurlaritzari eta Legebiltzarrari gogorarazi nahi diete "ezin dela denbora gehiagoz luzatu gutxieneko pentsioen osagarria LGSraino iristeko konpromisoa, are gehiago bizitzaren kostua nabarmen garestitzen ari denean", defendatu dute pentsiodunek.
Euskal langileria kalera atera da Maiatzaren Lehenean
ELA eta LAB deialdi bereizietan atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira.
Gutxieneko soldata propioa ezartzeko aldarriarekin "jarrera argia" eskatu dio ELAren idazkari nagusiak lehendakariari
1.500 euroko gutxieneko soldata propioa ezartzeko “patronala interpelatzen eta presionatzen” jarraitzeko prest agertu da Mitxel Lakuntza. Eskubide sozialen alde egiteaz gain, euskaraz bizitzeko eta lan egiteko eskubidea ere aldarrikatu du ELA sindikatuaren idazkari nagusiak.
Berdelaren kostera txarraren eragina arintzea lortu da, eta antxoaren bilakaera "hobea" izan da Euskadin
Arrantza-sektoreko ordezkariak kezkatuta agertu dira berdelaren egoerarekin, eta berreskuratze-neurrien beharra aztertzeko eskatu dute. Ildo horretatik, antxoari ezarritako kudeaketa-ereduaren eragin positiboa nabarmendu dute.
Maiatzaren 1eko mobilizazioetan, LGS propioa, pentsio eta soldata "duinak" eta etxebizitza eskubidea aldarrikatu dituzte
ELA eta LAB bakoitza bere aldetik atera dira kalera, ESK eta LSB-USO bezala; CCOO eta UGT, aldiz, elkarrekin mobilizatu dira. Alderdi politikoek ordezkariak bidali dituzte deialdi horietako askotara.