Tapiak eskatu du eskualdeak eragile izan daitezela Next europar funtsen exekuzioan
Arantxa Tapia Garapen Ekonomikorako sailburuak eskatu du Europako Batzordeak eskualdeak "eragile" gisa onartzea EBko Next Generation funtsak exekutatzeko eta Europako politika ez egitea "Estatuekin soilik".
Sailburuak Euskadiko industria-politika eta lehiaren inguruko jardunaldi baten hasierako ekitaldian egin ditu adierazpenok, Bilbon, Lehiaren Euskal Agintaritzak antolatutako EU Industry Week 2021ean. Hitzaldian adierazi duenez, "eskualdeak garrantzitsuak gara proiektuak garatzeko eta baliabideak eta ehun ekonomikoa sortzeko".
Europako berreskuratze-funtsak eskuratu ahal izateko, estatu kideek apirilaren 30a baino lehen aurkeztu behar dituzte plan nazionalak. Horren harira, sailburuak atsekabea agertu du, Espainia turismoa, merkataritza eta ostalaritza bezalako sektoreei lehentasuna ematen ari zaielako; jarduera horiek "garrantzitsuak dira", zehaztu du, baina "benetan ekonomia eraldatzea eta industria garrantzitsua izatea nahi badugu, agerian jarri beharko dugu", gaineratu du.
Tapiak azpimarratu du Europako funtsekin zer proiektu garatuko diren erabakitzeko irizpideak "kalitatea eta eraldatzeko gaitasuna" izan beharko liratekeela, eta ez soilik "autonomia erkidegoen kokapena".
Sailburuaren arabera, Euskadik proiektu ugari landu ditu eta garrantzitsuak diren proiektuak "bai ala bai" gauzatzearen alde egin du, "Europako baliabideak iristen ez badira” tiraderan ahaztuak ez uztera animatuz.
Zure interesekoa izan daiteke
Grebarako aukera aztertzen ari dira garraiolariak, gasolioaren prezioaren ondorioz
Hileko gastua 2.000 euro inguru igo zaie otsailetik hona, eta garraiolari batzuek momentuz kamioiak aparkatzea erabaki dute. HIRU sindikatuko kamioilariek, berriz, lanuzteak egiteko aukera eztabaidatuko dute asanbladan, eta erabaki bateratua hartuko dute bertan.
Apartamentu turistikoetako gaualdiak % 23,3 igo dira uztailean EAEn, eta sarrerak % 9,7
Landa-ostatuen kasuan, sarrerak % 2,8 handitu dira eta gaualdiak % 5,6 jaitsi, 2025eko hilabete bereko datuekin alderatuta.
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasierarako" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean, Barredok azaldu du Bazka Mahaia oraindik deituta ez dagoen arren, horrek ez duela esan nahi atzerapenak egongo direnik: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.