MasMovilek Euskaltel ia 2.000 milioiren truke erosteko eskaintza publikoa egin du
MasMovil taldeak Euskaltelen akzioak ia 2.000 milioi euroren truke erosteko eskaintza publikoa egin du. Operazioak Euskalteleko hiru akziodun nagusien babesa du.
Eskaintza publikoaren berri igande honetan eman diote Balore Merkatuaren Batzorde Nazionalari. Akzio bakoitzeko 11,17 euro ordaintzeko asmoa du Masmovilek, beraz, Euskalteleko akzioen azken sei hilabeteetako batez besteko prezioa kontuan hartuta, % 26,8ko saria.
Eskaintzak gutxienez akzioen % 75 eskuratzeko helburua du. Esan bezala, operazioak Euskalteleko hiru akziodun nagusien( Zegona, Kutxabank eta Alba) babesa du. Hirurek akzioen % 52,32 dituzte.
Lanpostuak eta egoitzak mantenduko dituela esan du taldeak
MasMovilek komunikatu batean esan duenez, lanpostuak eta Euskaltelek eta MasMovilek EAEn eta Rk Galizian dituen egoitzak mantenduko ditu, baita Euskaltel Taldeak dituen Euskaltel, R, Telecable (Asturias) eta Virgin Telco (Estatua) markak ere.
Donostian egoitza duen operadoreak dirutan ordainduko du eskaintza, eta Espainiar Estatuko laugarren telekomunikazio taldea bilakatuko da, Movistar, Orange eta Vodafoneren ostean, baita azken urtetan gorakada handiena izan duena ere. erosteko eskaintza publiko
Esklusio eskaintza ez den arren, MasMovilek adierazi du komunikatuan Burtsan Euskaltelen akzioen esklusioa bultzatzek asmoa.
MasMovil eta Euskaltelen arteok batuketaren emaitza izango den taldeak 14 milioi linea, 2700 milioi inguruko sarrera, zuntzaz konektatutako 26 milioi etxe eta 1500tik gora langile izango ditu, "Espainia osoan presentzia handia" izango du eta "Espainiako telekomunikazio merkatuan lehiatzen jarraitzeko beharrezkoak diren inbertsioei aurre egiteko gai" izango da.
BNP Paribas, Santander, Barclays, Deutsche Bank eta Goldman Sachs bankuen arteko sindikatu batek finantzatu du operazioa.
MasMovilek Cliffor Chance, Castañeda Abogados eta Evergreen Legalen aholkularitza izan du operazioan, eta BNP Paribas, Goldman Sachs eta Barclays izan dira finantza arloko aholkulariak. Euskaltelen finantza arloko aholkularia Citigroup izan da, eta Uria Menendez aholkularitza legala izan du.
"Operazio honekin oso ilusionatuta gaude, Euskaltelen talde bikaina izango dugulako, eta ziur gaude gaur iragarri dugun operazioak Espainian sektorea handitzeari egingo diola mesede, eta ona dela Euskaltelen akziodunentzat zein langileentzat eta, bereziki, bezeroentzat ,gure zuntza eta mugikorren azpiegitura erabili ahalko dutelako, baita dagoen lurraldeetan inbertsioen igoeraz aprobetxatu ere", esan du Meinrad Spenger MasMovileko kontseilari ordezkariak.
Taldeak esan duenez ,"proiektu industrial sendi bat da, inbertsioak egiteko asmoa duena eta geografikoki eta komertzialki osagarria dena".
MasMovilen arabera, erosketak ahalbidetuko du "Espainia mailako inbertsioak azkartzea zuntz optikoan eta 5Gan" eta "konpainiak lan egiten duen lurraldeekin duen konpromisoa indartzea".
Eusko Jaurlaritzak "begi onez" ikusten du operazioa
Bestalde, Eusko Jaurlaritzak "begi onez" ikusten du operazioa; izan ere, "herriko bi enpresen arteko akordioa da". "Erabaki bateratu honek Euskadiren gaitasun teknologikoak eta digitalizazio aukerak sendotzeko balioko du", erantsi du.
"Eusko Jaurlaritzak Euskadiren Transformazio Digitalerako Estrategia onartu behar duen aste berean gauzatu da operazioa, eta bultzada bat suposatzen du, modernizazio digital eta teknologikoan aurrerapausoak emateko, 5G proiektuetan zein Inteligentzia Artifizialean edo Big Datan", nabarmendu du Gobernuak.
Zure interesekoa izan daiteke
Amurrioko Tubos Reunidoseko langileek 24 orduko lanuzteari ekin diote, enplegu-erregulazio prozesuari aurre egiteko
Igandeko 22:00etan hasi da lanuztea. Astelehen honetan bilduko da zuzendaritza Amurrioko zein Trapagarango lantegietako ordezkaritza sindikalarekin, eta enplegu-erregulazioko txostenaren berri emango die.
Talgok 1.332 milioi euroko kontratua lortu du Saudi Arabian, abiadura handiko 20 tren egiteko
Jose Antonio Jainaga urtarrilean tren-konpainia horretako presidente izendatu zutenetik sinatutako lehen kontratu handia da. 20 tren horiek Talgok 2018an hornitu zituen 35 trenei gehitu behar zaizkie.
Makinistek greba abiatuko dute, tren zerbitzuaren krisiaren ostean
Jaurlaritzak % 50eko gutxieneko zerbitzuak ezarri ditu puntako orduetan, eta % 25ekoak gainerako orduetan Bilboko eta Donostiako aldiriko bost lineetan, trenbide-sektoreko sindikatuek otsailaren 9, 10 eta 11n deitutako hiru greba-egunetarako.
Ertzaintzaren lan eskaintzarako lehen probak atzerapenarekin hasi dira, espero baino jende gehiago aurkeztu baita
Aurreikusitakoa baino ordubete eta laurden geroago hasi dira azterketak, leku eta proba gehiago prestatu behar izan dituztelako; izan ere, hautagaien % 70 aurkeztu ohi dira, eta % 85etik gora bertaratu dira gaurkoan. Segurtasun Sailak ohar bidez azaldu duenez, sindikatuei eman diete jada gertatutakoaren berri, baina Legebiltzarrean agerraldia eskatu du azalpenak emateko.
Eusko Jaurlaritzak eta Espainiako Gobernuak gutxieneko zerbitzuak ezarri dituzte datorren asteko trenbideen sektoreko grebari begira
Trenbideko sindikatu nagusiek (CCOO, UGT eta makinisten Semaf) datorren asterako deitutako grebari eutsiko diote, otsailaren 9tik 11ra.
Metal Groupek enpresa-batzordeekin eta administratzailearekin aztertuko du konkurtsoaren eta lantegien itxieraren ondorengo egoera
COOOko iturriek adierazi dutenez, egoera zaila da, eta, gainera, zaila da lantegien jarraitutasuna bermatuko lukeen erosle bat aurkitzea.
Elkarrekin Podemosek zuzenketak aurkeztuko dizkio turismo-zergari "progresiboa eta udalerrien errealitatera egokitua" izan dadin
Miren Echeveste Elkarrekin Podemosen Gipuzkoako Batzar Nagusietako bozeramaileak esan duenez, bere taldeak "jarrera ireki, arduratsu eta eraikitzailearekin" egingo dio aurre zerga honen negoziazioari, "aurreproiektua indartzeko eta herri eta hirietako bizitzarekin bateragarria den turismo eredu jasangarriago baterantz aurrera egiteko".
Adegi: "Absentismoak gizarte osoaren kezka izan beharko luke, ez bakarrik enpresariena"
Jose Miguel Ayerza Adegiko zuzendari nagusiak positibotzat jo du Cebekek gai horretan neurriak hartzeko eskatu izana. "Eragile guztiok partekatu beharko genuke diagnostikoa, eta neurriak jarri beharko genituzke hori murriztu ahal izateko", gaineratu du.
Donostia da hiribururik garestiena: 6.107 euro metro karratuko
Donostia da, alde handiarekin, hiribururik garestiena, Madril, Bartzelona, Palma eta Bilboren aurretik, baina Gasteiz eta Iruñea ere Estatuko 10 hiri garestienen artean daude.
Enplegu-erregulazioko espedientea bertan behera uzteko eskatu du Tubos Reunidoseko enpresa batzordeak, "borrokari" bidea irekita
Mikel Jauregi Industria sailburuak esan du otsailaren 13an Tubos Reunidoseko enpresa batzordearekin egingo duten bileran konponbideak bilatzen saiatuko direla, besteak beste, enplegu-erregulazioko espedientearen ondorioak "txikitzeko".