EH Bilduk eta Elkarrekin Podemosek Euskaltel saldu izana kritikatu dute
Laster iritsi dira MasMovilek Euskaltel erosi osteko erreakzio politikoak. Eusko Legebiltzarreko oposizioko bi indar nagusiek, EH Bildu eta Elkarrekin podemosek kritikatu egin dute Euskaltel MasMovil enpresari saltzeko operazioa.
EH Bilduko idazkari nagusi Arnaldo Otegik, EAJren kudeaketa kritikatu du Twitterren: "digitalizazioaren aroan, etorkizunean Euskaltel bezalako enpresa publiko batean inbertitu beharrean, EAJri pribatizatzea otu zitzaion, Burtsara aterata. Publikoa izateari utzi arren, errotzea ziurtatuta zegoela esan ziguten. Gaur badakigu ezetz" adierazi du.
Koalizioko legebiltzarkide Iker Casanovak "eskandalua" dela operazioa eta "ondorioak" izan beharko lituzkeela gaineratu du; horren haritik ardura politikoak galdegingo dituztela adierazi du.
Miren Gorrotxategi Elkarrekin Podemoseko bozeramailearen ustez, Euskaltelen salmenta "euskal subiranotasunarentzako albiste txarren zerrenda luze baten azkena da. Enpresa publikoen salmentak etorkizunean erabakitzeko gaitasuna galtzea dakar, are gehiago telekomunikazioen sektore estrategiko eta etorkizuneko batean".
Roberto Uriarte alderdi bereko diputatuak esan du: "Abertzalea eta liberala izatea, helburu nazionalistak dituen enpresa publiko bat sortzea eta Espainiako enpresa pribatu bati entregatzea. Eta dena Euskadiren onerako eta ilea nahasi gabe. Txapela kentzen dut".
Leihakortasunaren ondorio
Laura Garrido Euskadiko PPko idazkari nagusiak ETB1eko Egun On Euskadi saioan egindako elkarrizketa batean adierazi duenez, operazioa "mundu lehiakorraren" ondorio da. Euskaltelen euskal izaera babesteko "apustua egin zen arren", gaineratu duenez, "badirudi apustu hori ez dela amaierara arte iritsiko eta Euskaltel talde handiago batean sartuko dela. Mundu lehiakor batean gaude eta talde handiek aukera gehiago dituzte, eta kasu honetan agerikoa izan da ezagutu dugun erabakia", adierazi du.
LABek "espoliazioa" dela dio
LAB sindikatuak, bestalde, MasMovilen EEParekin "Euskaltelen pribatizazio eta espoliazio prozesu eskandalagarriari" amaiera jartzen zaiola; Eusko Jaurlaritzak prozesu hori babestu izana salatu dute, "eginez, zein ez eginez", izan ere, sindikatuaren ustez, Eusko Jaurlaritzak ez du "Euskaltelen interes publikoa defendatzeko eta haren erabakigunea Euskal Herrian mantentzeko inongo interesik eduki.
Sindikatuak komunikatu batean adierazi duenez, "euskal gizarteari lapurtu egin zaio bere eredu digitala birpentsatzeko eta herri honetako langileen zerbitzura dagoen eredu baterantz aurrera egiteko zuen tresna publiko bakarra".
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metroko
Nafarroaren aurretik (% 6,4) dago etxebizitza berrien prezioaren urte arteko igoeran. Hiriburuen arabera, batez besteko preziorik altuena Donostian dago, gero Bilbon eta azkenik Gasteizen.
Euskadik 3.074 langabe gutxiago zenbatu ditu iazko uztailarekin alderatuta, eta 78.743 kontratu berri sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude eta 21.865.503 kotizatzailera iritsi dira, maximo historiko berri bat.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".