Corres: "Jaurlaritzak operazioa salba zezakeen, beste gauza bat da nahi izan duen"
MasMovil taldeak Euskaltel bereganatzeko ia 2.000 milioi euroko eskaintza publikoa egin du. Operazioak hiru akziodun nagusien onespena du, tartean Kutxabankena, eta Eusko Jaurlaritzak ere begi onez ikusten du bategitea.
MasMovil taldeak Euskaltel erosteko mugimendua egin ondotik, oso kritiko mintzatu da Jose Angel Corres Bilboko Merkataritza Ganberako presidente eta Euskalteleko kontseilari ohia Radio Euskadiko "Boulevard" saioan egin dioten elkarrizketan. "Ez da albiste ona Euskadirentzat, pena handia ematen dit" adierazi du. Haren esanetan, "euskal enpresa bat galdu eta nazioarteko bat datorkigu".
Egoitza soziala Donostian dagoela onartu arren, Corresen iritziz, "mahai bat eta bulego bat baino ez da, erabakiak harago hartzen dira". Salatu duenez, Kutxabankek Euskaltelen parte-hartzea izateak ez du geldiarazi erosketa, eta Kutxabanken parte-hartzea % 20tik jaitsi izanak salmenta operazioa azkartu du. Ildo horretan, Eusko Jaurlaritzarekiko kritiko mintzatu da, eta, CAFen eta Kaikun egin bezala, diru publikoa jar zezakeela uste du: "Eusko Jaurlaritzak operazioa salba zezakeen, beste gauza bat da nahi izan duen ala ez".
Corresek ez du ulertzen Eusko Jaurlaritzak operazioa begi onez ikustea, "baina ni baino informazio gehiago izango dute". Lanpostu galera egon daitekeela iradoki du Corresek, bikoiztutako lanpostuak murriztu eta berregituraketak egin ditzaketela iritzita. MasMovil taldeak, bere aldetik, lehen bost urteetan Euskaltel marka, EAEn duen egoitza soziala eta enpresan lan egiten duten lanpostuak mantentzeko konpromisoa agertu du.
Zerga bilketari dagokionez ere, diru galera egon daitekeela aurreratu du.
Erredakzioan itzulia
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".