CAFek trenak egiteko kontratuak lortu ditu Frantzian eta Suedian
AB Transitio enpresa suediarrak CAFi esleitu dio eskualdeko trenen hornidura, 250 milioi euro baino gehiagoren truke, 2014an enpresa publikoak eskualdeko trenak erosteko sinatutako akordioa oinarri hartuta.
Oinarrizko kontratuaren arabera, lau bagoiko 20 tren elektriko eta hiru bagoi eta lokomotora izango dituzten 8 biodiesel-elektriko egingo dituzte. Gainera, 19 tren elektriko eta 7 biodiesel-elektriko gehiago egiteko aukera aurreikusten ditu.
Kontratua 250 milioi eurotik gorakoa da, eta ia bikoiztu egingo litzateke, kontratuak barne hartzen dituen ibilgailu gehigarrien aukera guztiak erabiliz gero. Lehen unitateak 2023. urtearen amaieran ematea aurreikusten da.
Beasaingo enpresak bezero horrentzat egingo dituen trenak Civity Nordic plataformakoak dira, eta muturreko baldintza klimatikoetan (-40 ºC eta +40 ºC artean) eman dezakete zerbitzua. Suediako lau eskualdetan erabiliko dituzte: Jönköping County, Kalmar County, Kronoberg eta Blekinge.
Hasiera batean, tren berriak Krösat'gen eta Kustpilen lineetan ibiliko dira. Azken honetan linea elektrifikatzeko plan bat dago; horregattik BMU trakzio-mota bikoitza duten trenak erosteko erabakia. AB Transitio izango da kontratua sinatuko duen erakundea eta trenen jabea, eta 'leasing' bat egingo du aipatutako Suediako lau eskualdeetan.
Unitate horiek bi helburu nagusirekin eskuratu dituzte: datozen urteetan linea horien zerbitzuak zabaltzea eta gaur egun dagoen flota (EMUak eta DMUak) ordeztea, premia gero eta handiagoei aurre egin ahal izateko, zerbitzuaren kalitatea eta trenbide bidezko garraio publikoaren ingurumen-inpaktua hobetuz biodieselaren erabilerari esker, erregai hori % 100 berriztagarria baita.
146 tren Parisera
Bestalde, CAFek Pariserako 146 tren eraikiko dituela baieztatu dute, Almston konpainia frantziarrak ezarritako blokeoa amaitu eta gero.
Kontratu hori otsailean lortu zuten CAFek eta Bombardien enpresa kanadarrak. Alabaina, Bombardierrek Almston bereganatu zuenean, enpresa frantziarra proiektutik erretiratu zen. Parisko garraioaren kudeatzaileak (RATP) eta Frantziako operadore publikoak (SNCF) gaizki hartu zuten erabaki hori.
Harrezkero, Almstonek hainbat bilera egin ditu bi erakunde publikoekin, kontratuaren xehetasunak ezagutzeko eta zalantza guztiak argitzeko, eta azkenean egitasmoarekin aurrera jarraitzea erabaki du.
Atzerapen horrek ez du eraginik izan kontratuan eta baldintzak urtarrilean iragarritakoak berberak dira: 2.560 milioi euro ordainduko dituzte tren berriengatik eta CAFi % 40a dagokio, 1.000 milioi euro inguru.
RATP eta SNCF sozietate publikoek azpimarratu dute proiektu oso garrantzitsua dela, tren berriak zirkulazio gehien duen Europako bigarren linea berritzeko erabiliko dituztelako. Linea horrek, besteak beste, Parisko bi aireportuak (Charles de Gaulle eta Orly) lotzen ditu.
CAFek ere egitasmoaren garrantzia nabarmendu du, Paris Europako garraio gunerik handiena dela iritzita. Horrez gain, Frantzian azken urteotan hainbat kontratu lortu dituela gogoratu du, azkenekoa 2019an.
Albiste gehiago ekonomia
Euskal kostaldean udan pisua alokatzea gutxi batzuen eskura dagoen luxua bilakatu da
Opor garaiko alokairuen prezioak % 40 igo dira azken bost urteetan. Jabe askok etekin ekonomikoa bilatzen dute: nahiago dute alokairuen epeak laburtu eta diru-sarrerak handitzea.
Euskal ekonomia % 2,2 hazi da iaztik
Enpleguak % 1,4 egin du gora bigarren hiruhilekoan, Eustaten datuen arabera. Lehen hiruhilekoarekin alderatuta, igo egin dira bai BPGa (% 0,5), bai enplegua (% 0,3).
Eusko Jaurlaritzak 1.385 eurorainoko tartea aurreikusi du EAEko gutxieneko soldata negoziatzeko
Eusko Jaurlaritzak Euskadiko hitzarmenetan gutxieneko soldata planteatu du Euskadin: 1.268 eta 1.385 euro gordin artekoa 14 ordainsaritan, hau da, Estatuarekin alderatuta % 7 eta 17 gehiago.
Hauek dira Euskadik kudeatuko dituen sendientzako laguntza berriak
Eusko Jaurlaritzak bere gain hartuko du Gizarte Segurantzaren kotizazio gabeko hainbat familia-prestazioren kudeaketa eta ordainketa, Euskadin 20.000 pertsona ingururentzat onuragarria izango den eta 100 milioi euro inguruko inbertsioa suposatuko duen transferentzia baten bidez.
Jaurlaritzak eta Espainiako Gobernuak SEPIren parte-hartzea bideratu dute, Talgoren operazioa gauzatu ahal izateko
Joan den astean, SEPIk Talgo erosteko operazioan "atzera egin" zuela salatu zuen Eusko Jaurlaritzak.
Euskadik babes ofizialeko 1.000 etxebizitza berreskuratuko ditu irailetik aurrera
Erabaki "estrategikoa" da, Euskadiko etxebizitza-parke babestua indartzeko eta, aldi berean, 20 milioi euro inguru sartzeko aukera emango duena. Diru hori alokairu-erregimeneko etxebizitza publiko berriak eraikitzeko erabiliko da oso-osorik.
Ertzainak urriko nominan hasiko dira soldata-igoerak kobratzen
Gobernu Kontseiluak Ertzaintzaren lan-baldintzak (2028ra arte) arautzen dituen akordioa baliozkotzen duen dekretua onartu du. Agenteek urtean 4.200 euro gordineko gutxieneko igoera jasoko dute, eta urriko nominan hasiko dira jasotzen.
Ekainean, urtearteko KPIa % 2,8raino igo da EAEn, eta % 2,4an kokatu da Nafarroan
Espainiako Estatistikako Institutuak argitaratutako datuen arabera, Euskal Autonomia Erkidegoak du erkidegoetan tasarik altuena, Balearrekin batera; izan ere, % 2,8ko indizea dute biek ala biek.
Villavesetako langileek bertan behera utzi dute greba, eta irailean lanuzteei helduko diete berriro
Iruñerriko autobus zerbitzuko beharginek erabakia batzarrean hartu dute. Ondorioz, asteartetik zerbitzua normaltasunez emango dute, udan zenbait mobilizazio eginez.
UEFA Europa Ligako finalaren itzulkina inbertsioa halako hamar izango dela uste du Bilboko Udalak
Bilboko Elkarrekinek eta EH Bilduk datu zehatzagoak eskatu dituzte, ingurumen-inpaktuari, benetan sortutako enpleguari eta proiektatzen den hiri-ereduari buruz.