Metroaren etorkizuneko geralekuak, hemen
Hiru hamarkadaz ibili da Bilboko metroa, eta, orain, 800 milioi euro baino gehiagoko inbertsioa egin beharko du flota berritzeko eta 4. eta 5. lineak martxan jartzeko.
Bilboko metroa 30. urteurreunean murgilduta egon arren, etorkizunari begira ari da. Elixabete Etxanobe Bizkaiko ahaldun nagusiak aurreratu duenez, 700 eta 800 milioi euro arteko inbertsioa egitea aurreikusita dago, flota berritzeko eta linea berriak martxan jartzeko.
"Etorkizuneko metroak" tren eta komunikazio-sistema berria izango ditu, izan ere, konboi berriak enkargatzeko kontratua urte amaierarako prest egongo da.
Gainera, 37 unitate berrik bagoi sentsorizatudun sistema berritzailea izango dute, metro barruan gertatzen denari buruzko informazioa denbora errealean emateko.
Gaur egungoak ordezkatuko dituzten 37 trenek bidaiarien kopurua % 11-15 handitzea ahalbidetuko dute, eta denbora laburragoan zirkulatzeko gai izango dira, eskaera handieneko uneetan maiztasuna hobetzeko.
"Unitate horiek ia dena neurtzeko eta komunikatzeko gai izango dira, eta horrek benetako iraultza ekarriko du metroa mantentzeko eta jarduteko moduan", dio Eneko Arruebarrena Metro Bilbaoren zuzendariak.
Flota-aldaketak energia-kontsumoa % 35 murriztea ere ekarriko du.
Bestalde, Metro Bilbao 4. eta 5. lineak prestatzen ari da, "etorkizuneko lineak", Etxanoberen hitzetan, metroa Galdakaoko Ospitalera eta Irala, Errekalde, Basurtu eta Zorrotzara eramango dutenak.
Zure interesekoa izan daiteke
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.
Greba mugagabea bertan behera utzi dute Tubos Reunidosen, eta bi mobilizazio egun iragarri dituzte, maiatzaren 26an eta 28an
Gaur Amurrioko lantegian bildu diren gehienek greba bertan behera uztea eta 24 orduko lanuzteak hastea erabaki dute. ELA, LAB eta ESK sindikatuek adierazi dutenez, hemendik aurrera, "erantzukizun gehiago" eskatuko dizkiete erakundeei, eta, beraz, bilerak deituko dituzte.
Tubos Reunidoseko langileak greba mugagabearen etorkizuna erabakitzeko batzarra egiten ari dira
Tentsio handia da Amurrioko lantegian, azken mugimendu sindikalen eta hartzekodunen konkurtsoaren osteko eszenatoki-aldaketaren ondoren.
Ekainaren 1era arte irekiko dute Tubos Reunidoseko konkurtso-administratzaile izateko hautagaitzak aurkezteko epea
Gasteizko epaitegi batek Tubos Reunidos taldeko zazpi sozietate hartzekodunen borondatezko konkurtsoan deklaratu zituen joan den asteartean, eta PKF-Attest Concursal izendatu zuen horien konkurtso-administratzaile.
LAB Tubos Reunidosen greba bertan behera uzteko aukeraren alde agertu da, eta ESK-k luzatzearen alde egin du
Bi sindikatuek, ELArekin batera, batzarra deitu dute ostiralerako, lanuztearekin jarraitu ala ez erabakitzeko.
CAFen Beasaingo eta Irungo lantegietan enpresaren azken eskaintza ontzat eman dute
Hiru urteko iraupena izango du akordioak, eta, besteak beste, soldata igoera eta zenbait kolektibotan lan-orduak murriztea adostu dute. Enpresak konpromisoa hartu du gutxienez 190 langile kontratatzeko Beasainen, eta beste 40, Irunen.
Argiaren eta gasaren BEZaren murrizketa bertan behera geratuko da ekainaren 1ean, eta % 21era itzuliko da, prezioek behera egin baitute
Erregaien (gasolinak, gasolioak eta bioerregaiak, eta profesionalentzako gasolio itzulketa partziala) eta hidrokarburoen gaineko zergaren tasa murriztuak ekainaren 30era arte egongo dira indarrean, apirilean produktu horietarako inflazioa Gobernuak ezarritako % 15eko atalasetik gora baitago.
Urtearteko KPIa % 3,2raino apaldu da EAEn eta % 3raino Nafarroan, apirilean
Espainiako Estatuan, urtebeteko inflazioa bi hamarren murriztu da, % 3,2raino.
Hithiumek bertako langileak, hornitzaileak eta zentro teknologikoak erabiltzeko konpromisoa duela nabarmendu du Irujo kontseilariak
Nafarroan bateria lantegia eraikitzeko negoziazioak aurrera doazela azpimarratu du Mikel Irujo Industria kontseilariak, "poliki baina sendo". Nafarroako Gobernuak bezala, Hithiumek ere enpresa bertako ekosisteman txertatzeko helburua eta konpromisoa dutela azaldu du.
Santurtziko udaltzainek "zorroztasun greba" egingo dute, lan-baldintzak hobetzea eskatzeko
Langileek salatu dute antolakuntzan "ez-betetzeak" izan direla, baita gainerako udal langileekin alderatuta gutxiago irabazten dutela, eta ekitaldi jendetsuetan langileak falta direla. ErNEren arabera, agenteak araudi guztia zorrotz aplikatzen hasi dira, eta errefortzuak eta aparteko orduak egiteari utzi diote.