Azken hamarkadan, nabarmen handitu da hipotekarako eskatzen dugun diru-kopurua: % 30 gehiago
Azken hamarkadan, etxebizitza ordaindu ahal izateko hipoteken zenbatekoak gora egin du Euskadin, Nafarroan eta Espainian. Izan ere, 2024. urtean azken hamarkadako markak hautsi ditugu.
Azken hamarkadan, etxebizitza ordaindu ahal izateko hipoteken kopuruak nabarmen egin du gora Euskadin, Nafarroan eta Espainian. Izan ere, azken hamarkadako markak hautsi ditugu 2024. urtean: EAEn % 82ko hazkundea izan da, % 50ekoa, Nafarroan, eta % 103koa, Espainian.
Bestalde, 2007an, hipoteken batez besteko zenbateko maximoak 164.406 eurokoak ziren. Egun, EITB Dataren arabera, 159.813 euroko hipoteka dugu, batez beste, Euskadin, "burbuila" sasoiko kopuruetatik oso gertu.
Nafarroan, batezbesteko hipoteka 127.932 eurokoa da, eta Espainian, 145.361 eurokoa.
Azken hamar urteetako bilakaerari begiratuz gero, batez besteko zenbateko hori % 32,9 igo da Euskadin, % 23,8, Nafarroan, eta % 42,2, Espainian.
Zer hipoteka mota eskatzen dugu?
2024an, tasa finkoko hipotekak erdiak baino gehiago ziren Euskadin, % 52,1 zehazki. Hori ez zen ohikoa 2007an, orduan tasa finkoko hipoteken kopurua oso-oso txikia zen eta. 2016an hasi ziren ugaritzen.
Familien finantza-ahalegina
2024an, finantza-ahaleginaren tasa daturik altuenera iritsi zen (% 30) Euskadin, serieko balio txikiena baino ehuneko hiru puntu gorago kokatuta.
Hala, balio hori askoz handiagoa zen 80ko eta 90eko hamarkadetan. Orduko hartan, ahalegin finantzarioaren gorakada etxebizitzaren batez besteko prezioaren igoerak eragin zuen.
Zure interesekoa izan daiteke
Ipar Euskal Herriko laborariek A64a blokeatu dute dermatosi nodularraren aurkako neurriak salatzeko
Mobilizazioak bart abiatu dituzte, errepidean traktoreak eta lasto fardoak jarrita. Gaixotasuna kontrolatzeko, neurri zorrotzak hartu ditu Frantziako Gobernuak, eta kasuren bat agertuz gero, etxaldeko behi guztiak hiltzeko agindua eman du. Abeltzainek astelehenera arte jarraituko dute protestan, Macronen gobernuari euren “haserrea” helarazteko.
Jaurlaritza berdelaren kuota murrizteak eragingo dituen galerak arintzeko neurriak bilatzen ari da
Bilerak deituko ditu kuota berrien eragin ekonomikoa aztertzeko eta galerak arintzen lagunduko duten neurriak aztertzeko. Gainera, beste espezie batzuentzat ere murrizketak aurreikusi ditu Europar Batasunak.
EBk % 73 murriztu du berdelaren kuota 2026ko lehen sei hilabeteetarako
Antxoari dagokionez, albiste onak euskal arrantzaleentzat, gehieneko muga baimendu baita (29.700 tonako harrapaketak). Onartutako kuotak ekainera arte egongo dira indarrean, negoziazio berrien zain.
EBk 3 euroko tasa ezarriko die uztailetik aurrera Shein eta Temu plataformetan egindako erosketei
2028rako aurreikusitako behin betiko muga-zergen erreforma indarrean sartu arte egongo da indarrean. Erreforma horren bidez, EBk amaiera eman nahi dio 150 eurotik beherako balioa duten produktuak muga-zergak ordaintzetik salbuetsita egoteari.
Aurreko egunetako antzerako jarraipena izan du medikuen grebak ostiralean EAEn
Osakidetzak emandako datuen arabera, goizeko txandan % 19,63k egin du lanuztea eta arratsaldekoan, berriz, %9,22k.
Talgoko Batzarrak kapitala handitzea eta Sidenor eta SEPIren sarrera onartu ditu, Eusko Jaurlaritza barne
Konpainiak "laster" formalizatuko du Sidenor buru duen euskal partzuergoak konpainiaren % 29,76 eskuratzea. SEPIk 45 milioi euro jarriko ditu kapitalaren % 7,8 kontrolatzeko, 4,25 euro akzioko, kapital-gehikuntzara joz.
Pozik hartu dute Arabako erresidentzietako langileek gatazkaren konponbidea, 6 urteko borrokaren ondoren
Soldata % 32,5 igoko zaie eta hilean 1.500 euro gordin irabaztera iritsiko dira. Elkarrekin-Podemosek aurrekontuak onartzeko baldintza gisa gai hau jarri izana eskertu dute.
Bisigua, zapoa, itsaskiak... Zenbateko astindua izango da Eguberrietako menua gure poltsikorako?
Gabonak ate-joka ditugu eta MercabIlbao elikagaien banaketarako funtsezko nodoa da. Txikizkariak bertara joaten dira produktuak erostera, ondoren haien dendetan saltzeko. Gaur, goizean zehar, etengabe ikusi ditugu alde baterik bestera produktuak begiratzen eta erosten. Zer igo da gehien egun hauetan? Zer saltzen da gehien?
EAJk eta PSE-EEk oposizioaren babesik gabe onartuko dituzte Bizkaiko 2026ko Aurrekontuak
Bizkaiko Batzar Nagusiek atzera bota dituzte oposizioak aurkeztutako hiru osoko zuzenketak. Gauzak horrela, 2026ko aurrekontu proiektuak beste aurrerapauso bat eman du, behin betiko onespena eman aurretik.
Nafarroako medikuek bat egin dute Estatuko medikuen greba orokorrarekin
Gaur elkarretarartzea egin dute goizean Vianako Printzea Kontsulta-zentroaren aurrean. Osasunbideako medikuak funtzionario deiren heinean, ez dute Estatuko gainerako medikuen gisan Estatutu propioa eskatzen, baina, horien moduan, baldintzak hobetzea eskatzen dute, 24 orduko goardiak amaitzea, asteko lan-ordu kopurua murriztea eta atsedenerako asti nahikoa izatea, besteak beste.