CCOO eta UGTk bat egin dute "langile klasearekiko zorra" aldarrikatzeko
CCOO eta UGT sindikatuek elkar hartu dute Maiatzaren Leheneko ospakizunetan eta batera atera dira Hego Euskal Herriko lau hiriburuetako manifestazioetan. "Ahora toca cumplir - Langile klaseari zor diogu" lelopean, ehunka lagun bildu dira, egoera epidemiologikaren harira hartutako neurrien ondorioz mugikortasuna mugatuta egon arren.
Bilbo eta Donostiako manifestazioak 11:30ean abiatu dira, Kale Nagusitik eta Alderdi Ederretik, hurrenez hurren, eta Gasteizen eguerdian abiatu da, Andre Maria Zuriaren plazatik. Euskadiko CCOO sindikatuko idazkari nagusi Loli Garcia eta Euskadiko UGT sindikatuko Raul Arza Bilboko mobilizazioan izan dira.
Euskadiko CCOO sindikatuko idazkari nagusi Loli Garciak nabarmendu du Eusko Jaurlaritzak, "saiatu arren", ez duela lortu "langile klasea isilaraztea", mugikortasun-mugei erreferentzia eginez. Langile klaseak pandemia garaian izan duen paperak "gizartearen onespena" baino zerbait gehiago merezi duela azpimarratu du eta "agenda sozial konprometitua" bultzatzeko deia egin du.
Garciaren ustez, beharrezkoa da "negoziazio kolektiboaren egiturazko pisua berreskuratzea" eta "behingoz genero-arrakalekin amaitzea".
Raul Arza Euskadiko UGT sindikatuko buruak, bestalde, bitarteko langileen kopurua murrizteko eskatu dio Eusko Jaurlaritzari. "Ezin dugu onartu Euskadi Espainiako eta Europako buru izatea behin-behinekotasunean. 60.000 langile baino gehiagori buruz ari gara hizketan", gaineratu du.
Arzak azpimarratu duenez, Maiatzaren Lehenean gogoan izan behar dira konfinamenduan "funtsezkoak" izan ziren langileak baina "txertoa jartzeko orduan lehenesten ez direnak", baita azken bost urteetan lan-istripuetan bizia galdu duten "166 euskal langileak" ere.
Bilboko manifestazioarekin bat egin du Idoia Mendia lehendakariorde, Enplegu sailburu eta PSE-EEko idazkari nagusiak, eta "soldata duinak, berdintasuna eta prestakuntzarako eta lan-aktibaziorako eskubidea" aldarrikatu ditu, eta gogorarazi du duela 131 urte Alderdi Sozialistak kalera irteteko deia egin ziela langileei, euren eskubideak defenda zitzaten.
Nafarroak txalotik ekintzara igarotzeko eskatu du
Nafarroan, bi sindikatuek manifestazio bateratu nagusi bat egin dute Iruñean. Bertan, pandemia garaian egindako lanagatik oinarrizko sektoreetako langileak omendu dituzte, eta gobernuei eta enpresaburuei "langileekin duten zorra" kitatzeko garaia dela esan diete.
Chechu Rodriguez Nafarroako CCOO sindikatuko idazkari nagusiaren hitzetan, "Gobernuak pauso bat aurrera emateko garaia da, zorretan baikaude langileekin". Gaineratu du "atzo txalo zaparrada zena benetako aitortza bihurtu behar dela, soldatak igoz, eta enpleguaren egonkortasuna eta zerbitzu publikoak indartuz". Era berean, aldi baterako lan-erregulazioa "pandemiaren inpaktua jaso dutenengana iristea" eskatu du Rodriguezek, baita politika sozialak eta fiskalak hobetzea ere, eta, horretarako, Nafarroara iritsi behar duten Europako berreraikuntzarako funtsak erabiltzea nahi du.
Jesus Santos Nafarroako UGT sindikatuko idazkari nagusiak ere hitz egin du, eta adierazi du lana, konpromiso soziala eta elkartasuna direla "herri honetako langileriaren aurkezpen-gutuna, intolerantziaren, fanatismo berekoiaren eta ultraeskuinak politikari demokratei egindako heriotza-mehatxuen aurrean". Espainiako eta Nafarroako gobernu sozialisten jarrera politikoari "aitortza" egin dio eta, bide batez, krisitik ateratzeko enplegu-plan bat eta sektore astinduenentzako ekintza-planak eskatu dizkie, "lidergo publikoa, aurrekontu-baliabide nahikoak eta adostasun soziala" izanik sustapen horren giltza.
Zure interesekoa izan daiteke
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.
Sopela eta Urduliz bizitegi-merkatuko gune tentsionatu izendatu ditu Eusko Jaurlaritzak
Bizkaiko bi udalerriek urtarrilean eta otsailean eskatu zuten izendapena, eta hiru urteko hasierako indarraldia izango du, luzatzeko aukerarekin.
Espainiako Gobernuak diesela 20 zentimo jaitsiko du irailean, uztailean prezioak gora egin ostean
KPIa lau hamarren igo da uztailean, % 3,6raino Espainia osoan, erregaien eta elektrizitatearen garestitzeak bultzatuta. EAEn, hazkundea bost hamarrenekoa izan da, % 3,7raino. Nafarroan, aldiz, zazpi hamarrenekoa, % 3,4ra arte.
HLREk Megapark merkataritza-gunea saldu dio NEPI Rockcastleri, 254 milioi euroren truke
Akordio honek, NEPI Rockcastlek Europako merkataritza-zentroen sektorean duen presentzia indartuko du, eta Bizkaian erreferentziazko aktibo nagusietako bat gehituko dio bere merkataritza-ondareari.
Euskadiko ikuskizunetako teknikariek grebari eutsi diote, lehen hitzarmen kolektiboaren negoziazioa blokeatuta dagoela salatuta
Lanuzteek abuztuaren 14an eta 26an jarraituko dute, Donostiako eta Bilboko jaiekin bat eginez.
Euskal erakundeek bazka erosketa bateratua egingo dute abeltzaintza ustiategi txikienei laguntzeko
Abuztuan egingo dute erosketa, lehorteak gogorren jo dituen ustiategien benetako beharrak zehazteko inkesta egin ondoren. Dirulaguntza zuzenak, berriz, urte amaieran aztertuko dituzte.
Ikuskizunetako teknikarien grebaren deitzaileak pozik agertu dira lanuzteak izan duen jarraipenarekin
Teknikariok, ESK, LAB, UGT, CCOO, ELA eta CNT Euskal Autonomia Erkidegoko ikuskizunen lehen hitzarmena negoziatzen ari dira, eta patronalari eskatu diote elkarrizketei berriro ekiteko, urtebete baitaramate blokeatuta. Aldi baterako kontratuak, lanaldi oso luzeak, legez ezarritako atsedenaldiak ez errespetatzea, jaiegunetan zein gaueko ordutegian plusik ez jasotzea eta lana eta bizitza pertsonala uztartzeko zailtasunak dituztela salatzen dute.
Langabeziak gora egin du uztailean Euskadin eta Nafarroan: 1.378 eta 534 langabe gehiago dago, hurrenez hurren
Euskadin uztailean 105.590 enplegu-eskatzaile egon dira, ekainean baino 1.378 gehiago. Nafarroan, berriz, 534 langabe gehiago izan dira, 28.843. Eusko Jaurlaritzaren arabera, datu hori hainbat langile lan-merkatuan sartzearekin lotuta dago.
Bizkaiko Golkoa eta Frantzia lotuko dituen goi tentsioko linearako kablea jartzen hasi dira, Lemoiz parean
Bizkaiko Golkoaren eta Frantziaren arteko interkonexio elektrikoa gertuago dago. Goi tentsioko linea honek Gatika eta Bordeletik gertu dagoen Cubnezais batuko ditu eta 276 kilometroko tartea egingo du ur azpian. Ekosistemari kalterik egingo ez zaiola ziurtatzeko, Aztik gainbegiratuko ditu lanak.
Ikuskizunetako teknikariek "enpatia" eskatu diete artistei hiriburuetako jaietan deitutako greban
EAEko lehen lan-hitzarmena negoziatzen ari diren sindikatuek lanuzteak deitu dituzte abuztuaren 5, 14 eta 26rako, lan-hobekuntzak eskatzeko eta patronalari negoziazioei berriro ekiteko eskatzeko.