Milaka pentsiodunek azken hiru urteetako mobilizazioei eusten diete Hegoalden
Milaka pentsiodunek Hegoaldeko lau hiriburuetan eta hainbat udalerritan mobilizazioak egin dituzte larunbat honetan, Euskal Herriko Pentsiodunen Mugimenduak deituta.
Martxarik jendetsuena Bilbokoa izan da, milaka pertsonatik gorako parte hartzearekin, pentsiodunak, sindikalistak, eragile sozialak eta krisian dauden enpresetako langileak tarteko.
Gainera, Gasteizen, Donostian eta Iruñean ere manifestazioak egin dituzte arratsaldean, eta, Ondarroan, Lekeition, Eibarren eta Altsasun, ostera, goizean.
"1080 euro hileko pentsio duinak" eta Gizarte Segurantzako organismo propioaren aldeko aldarriak irakur zitezkeen Bilboko protestaren pankarta nagusian.
Manifestazioetan, azken hiru urteotako pentsiodunen asteroko mobilizazioetan "klasiko" bihurtu diren leloak entzun dira: "Gobernua bata ala bestea izan, pentsioak babestu", "desgrabatutako pentsioa, lapurtutako pentsioa" edota "publikoa ez da saltzen, defendatu egiten da".
Jon Fano Bizkaiko Pentsiodunen Mugimenduaren bozeramaileak gogor kritikatu ditu UGT eta Comisiones Obreras sindikatuak, Espainiako Gobernuarekin eta CEOE zein Cepyme patronalekin pentsioen erreforma negoziatzeagatik.
Manifestazioa Gasteizen. Argazkia: EFE
Pentsiodunen ordezkariaren ustez, "Gobernuak, patronalek, UGTk eta Comisionesek laster itxiko dituzte pentsioen inguruko hainbat akordio", "pentsiodunentzat zein atzetik datozen belaunaldientzat" kaltegarriak izango direnak.
"Gobernuan daudenek ez dute aldatzeko asmorik, baina sindikatuen jarrera kezkagarria iruditzen zaigu, Estatuan dauden 24 milioi langileen eta 9 milioi pentsiodunen interesak babestu beharrean kontrakoa egiten ari direlako", azaldu du Fanok.
Bozeramaleak Pentsiodunen Mugimenduaren aldarriak berretsi ditu: KPI errealean oinarritutako pentsioen igoera eta 1080 euroko gutxieneko pentsioa. Gainera, lan erreformen eta 2011 eta 2014 bitartean egindako pentsioen derogazioaren alde daudela gogorarazi du, baita Gutxieneko Lanbidearteko Soldata 1200 eurora igotzea premiazkoa dela adierazi ere.
Beste alde batetik, Europar Batzordeak Next Generationen berreraikitze funtsak Gizarte Segurantzaren gastuetatik bideratzea kritikatu du Fanok, baita "Gobernuak eta Pedro Sanchezek hori onartzea".
"Mobilizazioekin aurrera jarraituko dugu, Euskal Herriko gehiengo sindikalaren babesarekin", ELAren eta LABen lidergoarekin eta eragile sozialen ageriko presentziarekin, adierazi du Fanok. Ildo beretik, CCOOk eta UGTk protestok ez aldezteri garrantzia kendu dio pentsiodunen ordezkariak; izan ere, delegatu sindikalen "30 a baino ez" direla esan du.
Etorkizunera begira, pentsiodunek aurreratu dute udazkenean "mobilizazio orokor bat" egongo dela, "oso garrantzitsua" izango dena, eta sindikatuen eta beste hainbat kolektiboren babesarekin aurrera eramango dutena.
Zure interesekoa izan daiteke
Behiak txertatzen hasi dira Ipar Euskal Herrian, laborarien protesten artean
Izuran lehen 30 behiak txertatu dituzte jada. Albaitariek lan handia dute aurretik, abelburu guztiak erabat babesteko. Bitartean, laborariek protestekin jarraitzen dute, txertaketak garrantzia ez duelakoan. Ezarritako protokoloa bertan behera uzteko eskatzen diete agintariei.
ELAri kalte-ordaina eman beharko dio Tubos Reunidos Threadsek greba eskubidea larriki urratzeagatik
Enpresak greban zeuden langileak plantillako beste langile batzuekin ordezkatu zituela egiaztatu zuen Lan Ikuskaritzak eta EAEko Justizia Auzitegi Nagusiak ondorio hori berretsi du.
CAFeko langile batzordeak eskatu du kontratuak kalitatezko enplegua ekar dezala "langileentzat eta azpikontratentzat"
Mikel Fernandino LAB sindikatuko ordezkariaren esanetan, albistea oso ona da, eskaria "bolumen handikoa" eta "Europakoa" delako.
CAFek lortu egin du "mendeko kontratua": 1.700 milioi euro Belgikan trenak egiteko
Beasainen egoitza duen konpainiak kontratu horren inguruko ziurgabetasunarekin amaitu du; izan ere, polemika handia piztu zen han, Alstom enpresa frantziarrak dagoeneko hainbat lantegi baititu Belgikan, eta enpresa horrek kontratua ez lortzea kritikatu zuten.
Balenciaga ontziolako langileek atzera bota dute Abu Dhabi Ports talde arabiarraren azken eskaintza
Pasa den azaroaren 30ean, Balenciaga ontziolak salerosketa akordioa sinatu zuen aipaturiko inbertsio talde arabiarrarekin, 11,2 milioi euroren truke. Salerosketa ixteko, ordea, ezinbesteko baldintza da langileekin akordioa lortzea. Antza denez, langileen erosahalmena bermatuko luketen soldatak dira akordiorako korapilo nagusia.
Talgoren erosketaren ondoren, partzuergoko kideek Rivabellosako fabrika bisitatuko dute
Imanol Pradales lehendakaria eta Jose Antonio Jainaga enpresaria buru zirela, akziodun berriek Talgo enpresak Rivabellosan dituen instalazioak bisitatu dituzte. Denek uste dute operazioa funtsezkoa izan dela enpresaren jarduera eta enplegua sendotzeko, eta etorkizun oparoa iragartzen diote tren-enpresari.
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.