Pentsiodunak: "Escrivaren proposamena ezin da ulertu Gobernu aurrerakoi batean"
Euskal Herriko Pentsiodunen Mugimenduak Jose Luis Escriva ministroak pentsioen erreformarako egindako proposamenak kritikatu ditu, "bere burua aurrerakoitzat duen Gobernu batean ulertezinak" direla iritzita.
Gizarteratze, Gizarte Segurantza eta Migrazio ministroak aste honetan egin du agerraldia Kongresuan, Toledoko Itunaren lantaldean, alde sozialarekin negoziatzen ari den proposamenen berri emateko.
Pentsiodunentzat, ministroak proposatutako neurriek "pentsioak KPIaren gainetik igotzeko aukera guztiak" ixten dituzte, eta "are gehiago zigortzen dituzte erretiro aurreratua hartu nahi dutenak".
"Kotizaziopekoak ez diren pentsioei zenbat igotzeko asmoa duen ere ez du zehaztu, are gutxiago 1.080 euroko gutxieneko pentsioa ezartzea, ezta LGSrekin parekatzea ere", deitoratu dute.
Euren ustez, ulertezina da "bere burua aurrerakoitzat duen Gobernuko ministro batek neurri horiek defendatzea eta proposatzea". "Kongresuan dauden ezkerreko indarrek ozen hitz egin behar dute, neurri horiek salatuz eta horien aurka eginez. Hala, lehenik eta behin, euskal alderdi ezkertiarrak gonbidatzen ditugu horretara", adierazi dute.
Euskal Herriko Pentsiodunen Mugimenduak azpimarratu du ez dituztela protestak eta mobilizazioak bertan behera utziko, maiatzaren bigarren asterako sindikatuekin, beste kolektibo sozialekin eta Estatuko pentsiodunen plataformekin prestatzen ari direna kasu.
Zure interesekoa izan daiteke
Osakidetzak deitutako EPEaren azterketak gainditu dutenen batez besteko tasa % 90 ingurukoa da
Epaimahaiek berehala zuzentzen dituzte azterketak, eta Osakidetzak egun berean edo hurrengo egunean argitaratzen ditu notak. Normaltasunez eta gorabeherarik gabe egin dituzte probak.
Osakidetzako EPEaren azken egun handia BECen
Guztira, 13.112 pertsonak eman dute izena Erizaintzako hautaprobak egiteko. Administrari laguntzaile (16.728 hautagai) eta administrari (9.821) lanpostuak betetzeko azterketak ere egin dituzte goizean.
Kutxa Fundazioak Elgoibarko Geminis enpresa erosi du
Lehendik erosita zuen Itziarko Gurutzpe enpresarekin batzea da operazioaren asmoa, talde indartsu baten bidez nazioartean lehiatu ahal izateko. Guztira 70 milioi euro fakturatzea espero dute.
Medikuek "benetako negoziazioa" eskatu dute, "greba mugagabea saihestu" nahi bada
"Lanbidearen garrantzia eta berezitasuna onartua izan arte", mobilizatzen jarraituko dutela ziurtatu du Euskadiko Medikuen Sindikatuak.
Deustobarometroaren arabera, etxebizitza da oraindik ere kezka nagusia Euskadin, eta galdetutakoen % 47k uste dute euskara eskakizunak gehiegizkoak direla enplegu publikoan
Etxebizitza da Euskadin kezka nagusia, eta osasun arloak garrantzia hartu du berriz herritarrak gehien kezkatzen dituzten arazoen artean. Deustobarometroak, gainera, euskararen egoerari, bizitzaren kostuarekiko kezkari eta etorkizuneko Estatutuan zerbitzu publikoak blindatzeari buruzko kezkak islatzen ditu.
Abian da Osakidetzako inoizko lan eskaintzarik handiena: 100.000 hautagai 3.700 lanpostutarako
Bederatzi kategoria profesionaletarako azterketak egingo dira BECen: Administrazioko eta kudeaketako goi mailako teknikaria, Fisioterapeuta, Laborategiko teknikari espezialista, Zeladorea, Erizaintzako laguntzailea, Zerbitzuetako langilea, Erizaina, Administrazioko laguntzailea eta Administraria.
Albiste izango dira: Saretzen mugikortasunari buruzko azterlana, Osakidetzako inoizko LEP handiena eta "Mitoaroa III"
Gaurkoan Orain-en albiste izango direnen laburpena, bi hitzetan.
Nafarroak etxebizitza berrien stocka agortu zuen 2025eko amaierarako, eta Euskadik % 0,23ra murriztu zuen
Urte amaieran, 2.502 etxebizitza zeuden saldu gabe Euskal Autonomia Erkidegoan (EAE). Espainiar Estatuan, berriz, saldu gabeko etxebizitza berrien stocka 452.670 etxebizitzakoa izan zen.
Zabalik dago Tubos Reunidos erosteko interesa agertzeko epea
Hartzekodunen konkurtsoa kudeatzen duen epaileak erosketa-prozesua aktibatu du eta konkurtso-administratzaileak prozesua bideratzeko jarritako arauak onartu ditu. Lehentasuna ematen dio talde osoa saltzeari.
Ekitaldi eta ikuskizunetako teknikariek greba egingo dute berriz
“Patronalaren pasibotasunaren aurrean”, maiatzaren 15ean egin zuten bezala, greba egingo dute Bilbao BBK Liveko zein Gasteiz, Donostia eta Bilboko jaietako egun banatan.