Legez aurkako itunak "ugariak" dira kontratazio publikoan, Lehiaren arabera
Lehiaren Euskal Agintaritzaren (LEA) arabera, enpresen arteko legez kanpoko itunak egoteko baldintza aproposenak daude lehiaketa publikoetan, "kontratu baten baldintza-agiriak kaleratuta, Administrazioak ez daukalako negoziatzeko tarterik". Hala, Rafael Iturriaga Lehiaren Euskal Agintaritzaren kontseilukideak onartu duenez, kolusioa (legez kontrako itun horiek egitea, kartelak osatzea) "ez da beti gertatzen eta ez da salbuespena, baina oso ugaria da", eta erantsi du Administrazioa "laguntzaile" izan daitekeela eta beste batzuetan ez duela horren berri.
Iturriaga Eusko Legebiltzarreko Ekonomia, Ogasun eta Aurrekontu Batzordean izan da, Elkarrekin Podemos-IUk eta EH Bilduk eskatuta. Espainiako Merkatu eta Lehia Batzordeak 22 aholkularitza enpresari 6,3 milioi euroko isuna jarri zien maiatzean gutxienez 10 urtez hainbat administraziotako kontratu publikoak irregularki banatzeagatik. Ebazpen horren inguruko balorazioa eskatu zaio Iturriagari berari, Alba Urresola Agintaritzaren presidenteari eta Jose Luis Bilbao Herri Kontuen Euskal Epaitegiko presidenteari; izan ere, lizitazio horietako batzuk Bilboko Udalak eta Gasteizkoak, Eusko Jaurlaritzak eta Bizkaiko Foru Aldundiak egindakoak izan ziren. Horregatik, hain justu, Lehiaren Euskal Agintaritzak abiatu zuen ikerketa, gerora Espainiako erakundearen esku utzi zuen arren (irregulartasunak beste erkidego batzuetan ere gertatu ziren susmoa zuelako).
Iturriagaren ustez, Administrazioan bada halako tolerantzia bat edo ez ikusiarena egitea enpresa jakin bat kontratatzeko unean: "Uste dute ondo ari direla aurrekoetan enpresa horrek ongi egin duelako, eskarmentua duelako edo bertakoa delako. Zenbaitetan asmo txarrez egiten da, iruzurra egin nahian, baina kontratuen % 20ri baino ez dagokio".
"Jardunbide irregularrak egon badira, zerbaitek kale egin duen seinale da, baina horrek ez du esan nahi Administrazioaren baitan dagoela akatsa", adierazi du Iturriagak. Nolanahi ere, aitortu du "kontratazio publikoan kultura aldaketa bat" behar dela, eta erakundeei dagokiela legea betetzen dela zaintzea eta irregulartasun horiek salatzea.
Bestalde, Jose Luis Bilbao Herri Kontuen Euskal Epaitegiko presidenteak nabarmendu du buru duen erakundeak azken sei urteetan egindako 154 txostenetan ez dela atzeman Administrazioari egotzi ahal zaion "jarrera desegoki bat bera ere". Gogorarazi duenez, Epaitegiak sektore publikoarekin egiten du lan, eta, beraz, "ezin da enpresa pribatuek dituzten jarreretan sartu". Azkenik, enpresa kartel horretako kide batzuekin duen harremanaz galdetuta, azpimarratu du ez duela horren inguruko konturik eman behar: "Nik ez diot inori azaldu behar zein lagun ditudan, norekin hartzen ditudan poteak. Hori niri dagokit, ez beste inori".
Zure interesekoa izan daiteke
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarri ezkero, haragiaren balio ekonomikoan eragina izango lukeelakoan. Alabaina, kasu bakar bat agertzekotan, etxaldeko abelburu guztiak sakrifikatzea eragingo luke.
Sindikatu medikuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio berriak iragarri dituzte.
?fmt=webp-alpha&qlt=80)
Nekazarien protestek Ipar Euskal Herrian eta Frantzia osoan jarraitzen dute dermatitis nodularragatik eta Mercosurren itunaren aurka
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egiteko eta zerbitzua eskaintzeko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri ausardia eskatu dio EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta SEPI Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.
Unai Rementeria, BBK Fundazioaren presidente berria, Xabier Sagredoren ordez
Erakundearen Patronatua asteazken honetan bildu da, Bilbon, erabakia berresteko, ohar bidez jakinarazi duenez.
Aldundiak eta Eusko Jaurlaritzak eutsi egingo diote Urdaibain 300 milioi inbertitzeko planari
Aldundia, Jaurlaritzarekin batera eta "20 udalekin batera", uztailetik ari da "enpresen lehiakortasuna" bultzatzeko plana ezartzen, lurzoru industriala sortzeko, lanbide-heziketa indartzeko, eskualdean egon ohi diren sektore ekonomikoen indarguneei balioa emateko neurriak hartzeko eta horien inguruan jarduera berriak sortzen saiatzeko.
Pentsiodunen mugimendua 24 orduko itxialdi bat egiten ari da Gasteizen, ostegun honetako manifestazioen atarian
50 pentsiodun inguru 24 orduko itxialdi bat egiten ari dira Gasteizko Koroatzearen elizan. Bihar, itxialdia bukatuta, manifestazioa egingo dute Arabako hiriburuan, Lanbidearteko Gutxieneko Soldatarekin parekatutako gutxieneko pentsioen osagarri bat aldarrikatzeko. Iruñean ere deituta dago manifestazioa.