Sestaoko ACB, karbonoko zero isuriak izango dituen munduko lehen altzairu-fabrika
ArcelorMittal multinazionalak interes-adierazpena hitzartu du Espainiako Gobernuarekin astearte honetan; horren ondorioz, Espainiako Gobernuak 1.000 milioi euro inbertituko ditu deskarbonizazio-teknologietan, eta fabrika batzuetan, tartean ArcelorMittalek Sestaon duen ACB altzairu-fabrikan baliatuko dituzte 1.000 milioi horiek. Hala, ACB karbonoko zero isuriak izango dituen munduko lehen altzairu-fabrika bilakatuko da.
Hala iragarri du Gijonen Lakshmi Mittal konpainiako presidenteak, Aditya Mittal kontseilari-delegatuarekin batera; ekitaldian, Pedro Sanchez Espainiako Gobernuko presidentea ere izan da.
Testuinguru honetan, ACBk, 2025ean, 1,6 bat milioi tona altzairu ekoitziko ditu, eta karbono-isuriak zero izango dira. Horretarako, arku elektrikoko bere labeak aldatuko ditu, eta, halaber, ArcelorMittalek Gijonen duen fabrikan hidrogeno berdea baliatuz ekoitzitako burdina erabiliko dituzte, urtean milioi bat tona.
Multinazionalak hainbat babes jaso ditu, maila autonomikoan, Estatu mailan eta Europa mailan, hori dena egin ahal izateko, Aditya Mittalen esanetan. Adierazi duenez, klima-aldaketa da heldu behar zaion erronka garrantzitsuena, eta gaur aro berria hasi da espainiar Estatuko siderurgian; izan ere, inbertsio handi honen bidez, 2025erako ArcelorMittalek erdira murriztuko ditu karbono-dioxidoko isuriak, eta Sestaoko altzairu-fabrikak ez du karbonoko isuririk egingo.
Mittalen iritziz, klima-aldaketaren aurkako borrokaren abiadura handitu behar da, eta, zehaztu duenez, Estatu espainiarrak deskarbonizatutako ekonomia lortzeko egin duen bidea harritzeko modukoa da: "Sanchezek eta bere Gobernuak ondo baino hobeto ulertu dute", nabarmendu du.
ArcelorMittal 2006an sortu zuten, Mittal Steel eta Arcelor fusionatuta. Luxenburgon du egoitza, eta munduko ekoizlerik nagusiena da burdinari eta ikatzari dagokienez. 60 herrialdetan dago, eta 17tan ditu industria-instalazioak, bai eta teknologia-zentroak ere. Euskal Herrian, EAEn eta Nafarroan ditu fabrikak.
Zure interesekoa izan daiteke
Petronorreko greba bertan behera, enpresak bide judizialari uko egin ostean
Sindikatuek bertan behera utzi dute greba mugagabea, zuzendaritzarekin adostuta, 83 eguneko lanuztearen ondoren.
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.