Aurten Gipuzkoako ekonomia % 6 inguru haziko dela aurreikusi du Adegik
Gipuzkoako ekonomia % 6 eta % 6,5 artean haziko da aurten eta epe berean 3.000 eta 4.000 lanpostu artean sortzea aurreikusi du Adegi Gipuzkoako enpresarioen elkarteak. Adegik egin duen azken inkestan, enpresa gehienek adierazi dute igo egin direla konfiantza, salmentak eta eskaerak eta beren asmoa plantilla handitzea edo mantentzea dela. Aitzitik, lehengaien hornikuntzarekin eta kostuekin eta marjinen jaitsierarekin lotutako kezkak gora egin du.
Donostian egindako prentsaurrekoan, Eduardo Junkera Adegiko presidenteak eta Jose Miguel Ayerza zuzendari nagusiak ekonomiaren egoerari buruzko azken inkestaren berri eman dute.
Enpresen % 21,5ek Adegiri adierazi diote enplegu maila handitzea aurreikusi dutela, % 68k mantentzea eta % 10,5ek, murriztea.
Merkatuaren egoerari dagokionez, galdetutako enpresen % 84k uste dute merkatuaren egoera berraktibaziokoa (% 55) edo normaltasunekoa (% 29)edo dela. Aitzitik, enpresen % 16k uste du merkatuaren egoera atzeraldikoa dela.
Enpresen % 44k beren salmentak handitzea lortu dute aurreko hiruhilekoarekin alderatuta. Aldiz, % 18k salmenten jaitsiera izan dute.
Eskarien maila % 2,1 hazi da aurreko hiruhilekoarekin alderatuta eta enpresen % 72,5ek dio bere eskari maila normala edo altua duela.
Salmenten errentagarritasunak behera egin du aurreko urtearekin alderatuta hamar enpresetatik laurentzat eta horien irabazi marjinak % 11,5 inguru murriztu dira.
Bestalde, Adegiren inkestan agerian utzi duenez, sektorea kezkatuta dago lehengaien hornikuntzagatik eta prezioen garestitzeagatik, besteak beste. Iazko datuekin alderatuta, azken hiru hilabeteetan batez beste % 15 inguru hazi dira hornikuntza kostuak enpresen % 68,5entzat: % 20 industrian, % 30 metalurgian eta produktu metalikoetan eta % 27,5 metalezkoak ez direnetan. Eraikuntza sektorean igoera % 10,5 ingurukoa da eta % 4koa zerbitzuetan.
Amaitzeko, hamar enpresetatik bederatzik uste dute pandemiaren ondorioetatik errekuperatuko direla urtebetean baino gutxiagoan.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".