Nazioarteko Diru Funtsak munduaren hazkunde aurreikuspena jaitsi du
Munduaren hazkunde aurreikuspena hamarren bat jaitsi du Nazioarteko Diru Funtsaren azken txostenak: % 6 haztea aurreikusi zuen apirilean eta % 5,9 haztea aurreikusi du orain. Koronabirusaren delta aldaerari eta mundu mailan izaten ari diren hornikuntza arazoei egotzi die jaitsiera. 2022rako munduko aurreikuspena % 4,9an utzi du.
"World Economic Outlok" izenburupean egin duen txostenean Nazioarteko Diru Funtsak ohartarazi duenez, ekonomiak hazten jarraitzen badu ere, hazkundearen bultzada ahuldu egin da.
Aurten ere Ameriketako Estatu Batuak (AEB) eta Txina izango dira munduko ekonomiaren eragile nagusiak, hurrenez hurren, % 6 eta % 8 hazita.
Bestalde, munduaren zati handi batean prezioek gora egin dutela onartu du, baina 2022. urtearen hasieratik igoera hori pixkanaka moteltzea aurreikusi du. Aurreikuspenen arabera, ekonomia aurreratuetan inflazioa % 3,6 igoko da aurten, eta, ondoren, % 2ra jaitsiko da 2022. urtearen erdialdean.
Nazioarteko Diru Funtsak % 5,7ra jaitsi du 2021erako Espainiaren hazkunde aurreikuspena
Aurten Espainiako ekonomia uste baino bost hamarren gutxiago haziko dela iragarri du Nazioarteko Diru Funtsak, covid-19aren aldaera berriek eta materialen hornikuntza faltak eraginda. Zehazki, % 5,7 haztea aurreikusi du. Hala ere, 2022an Espainia izango omen da eurogunean hazkunde handiena izango duen estatua, Greziarekin batera. Hasierako aurreikuspenak sei hamarren ondu ditu Nazioarteko Diru Funtsak, % 6,4raino.
Nazioarteko Diru Funtsak inflazioari eta langabeziari buruzko datuak ere jaso ditu. Aurreikuspenen arabera, prezioak % 2,2 haziko dira Espainian, apirilean iragarri baino 1,2 gehiago. 2022an, ostera, % 1,6 garestituko omen dira prezioak.
Langabezia-tasa % 15,4ra jaitsiko omen da aurten, eta % 14,8ra, berriz, 2022an.
Zure interesekoa izan daiteke
Europa osoko nekazariek Brusela hartu dute politika bateratuaren eta Mercosurrekiko akordioaren aurka protesta egiteko
Lehen ordutik, milaka traktorek eta nekazarik hiriko auzo europarra blokeatu dute, Europar Batasuneko erakundeen politiken aurka protesta egiteko. Poliziarekin ere istiluak izan dira. Europako nekazaritza-sektorea kontuan hartzeko eta kalterik ez egiteko eskatu dute.
EAEko ekonomiaren hazkundea % 2,1ekoa izango da datorren urtean, Confebasken arabera
Confebaskek aurreikusten du BPGa % 2,1 haziko dela 2026an Euskal Autonomia Erkidegoan, nahiz eta egun dauden "arriskuek" % 1,7 eta % 2,6 arteko tartean egotea eragin dezaketen. Inbertsioan eta enpleguan dinamismo txikiagoa izatea espero du Confebaskek.
Bizumen gaineko kontrol gehiago izango dira 2026an, baina profesionalei eta enpresaburuei eragingo die soilik
Zerga Agentziak ordainketa digitalei buruz jasotzen duen informazioa indartuko du 2026tik aurrera, Bizumekin egindako eragiketak barne, baina neurria jarduera ekonomikora mugatuko da eta ez du eraginik izango partikularren arteko trukeetan.
Abereak txertatzearen aldeko eta kontrakoak daude gurean, horrek ondorio ekonomikoak izan ditzakeelako
Nafarroako Gobernuak behi, zezen eta txekor guztiak txertatu nahi ditu, eta horren alde agertu da sektorea ere. EAEn, aldiz, hainbat abeltzain horren kontra agertu dira, txertoa jarriz gero, haragiaren prezioan eragina izango duelakoan. Alabaina, kasu bakar bat agertuko balitz, etxaldeko abelburu guztiak sakrifikatzea eragingo luke.
Medikuen sindikatuek ez dute onartu Osasun Ministerioaren azken eskaintza, eta negoziazio mahaia utzi dute
CESM eta ASM zentralek elkarrizketa "dinamitatzea" leporatu diote Osasun Ministerioari. Mobilizazio gehiago egingo dituztela iragarri dute.
?fmt=webp-alpha&qlt=80)
Nekazarien protestek jarraitzen dute Ipar Euskal Herrian eta Frantzia osoan, dermatosi nodularraren auzia nola kudeatu den eta Mercosurren ituna salatzeko
Dozenaka nekazarik hainbat autobide moztu dituzte Frantziako Estatuan, tartean A-63a, Hego Euskal Herriko mugan.
ELAk, LABek eta Steilasek sektore publikoan euskaraz lan egin eta zerbitzua euskaraz emateko eskubidea bermatzeko eskatu dute
Euskararen aurkako oldarraldi judizialaren aurrean, alderdiei zerbitzu publikoetan euskaraz lan egin eta arreta jasotzeko bermeak emango dituen lege bat exijitu diete. LABek EAJri eskatu dio ausarta izan dadin EH Bilduren proposamena babesteko. ELAk ere uste du EH Bilduren proposamena jeltzaleena baino hobea dela.
Nafarroak baimena eskatu dio EBri 120.000 abelbururi dermatosi nodularraren aurkako txertoa jartzeko
Aierdik azaldu duenez, azken egunotan gaitzaren bi foku atzeman ditu Frantziako Gobernuak, horietako bat, "Nafarroatik gertu dagoen eremu batean".
Martxoan hasiko dira Ertzaintzako lan-eskaintza publikoko azterketak, 150 plaza betetzeko
Probak plantilla indartzeko eta agenteen defizita estaltzeko planaren barruan sartzen dira.
Talgoren egoitza soziala eta fiskala Gasteizera itzuli da
Euskal partzuergoak (Sidenor, Finkatuz —Eusko Jaurlaritza— eta Vital) eta Industria Partaidetzarako Espainiako Gobernuaren menpeko sozietate publikoak egin dute horren alde. Halaber, taldearen egoitza soziala eta fiskala Ribabellosara (Araba) itzuliko da.