2050ean zero emisio lortzeko konpromisoa hartu dute Basque Net-Zero Industrial klusterrean bildutakoek
Eusko Jaurlaritzak, Iberdrolak, Petronorrek eta Euskal Autonomia Erkidegoko industria klusterrek "Basque Net-Zero Industrial" izeneko super klusterra aurkeztu dute. Bertan, alor berean lan egiten duten hainbat enpresak bat egin dute erakunde eta eragileekin elkarlanean arituz guztien onura bilatzeko asmoz. Kluster berri horretan bildu direnek helburu nagusi bat jarri dute: 2050erako zero emisio lortzea.
Gainera, mundu mailako WEF aliantzarekin bat egingo du NBEren klimari buruzko Glasgowko goi-bileran, industria sektoreko emisioen murrizketa azkartzeko.
Gaur goizean Barakaldoko BECen egin duten aurkezpenean parte hartu dute Arantxa Tapia Eusko Jaurlaritzako Ekonomiaren Garapen, Jasangarritasun eta Ingurumen sailburuak eta Iberdrola, Petronor, EAEko 16 klusterretako eta Enpresen Garapenerako Euskal Agentziko (SPRI Taldea) ordezkariek.
Super kluster horretan bildutakoek espero dute ekimenak aukera berriak irekiko dizkiela euskal enpresei teknologia berrien eta zerbitzu berritzaileen garapenetik eratorrita. Halaber, teknologia berrietan kualifikatutako lanpostuak sortuko direla aurreikusten dute.
Hasiera progresiboa
Basque Net Zero Industrial klusterraren lehen fasea azaroaren 3an hasiko da Glasgoweko goi-bileran. Hastapenetan erabki dute fokoa jartzea euskal industriaren isurketa guztien % 65 baino gehiago isurtzen duten bost industria prozesutan: finketa, siderurgia, galdaketa, zementua eta pasta eta papera.
Honela, ekimen honek World Economic Forumak definitutako lau garapen-arloetan proiektuak eta ekimenak egitea bultzatuko du: eraginkortasun energetikoa, elektrifikazio berriztagarria, hidrogenoa eta CO2aren atzitzea.
Arlo horietan eta bereziki hasierako fasean, Iberdrolak eta Petronorrek gidatuko dute, lehenetsitako industria-sektoreetako kluster elkarteekin koordinazioan, ekimen eta proiektuen garapena.
Albiste gehiago ekonomia
BetiOn arreta zerbitzuak langileen aurkako erasoak eta babes falta salatu ditu
Sindikatuek beharginen osasunarekin "ez jolasteko" eskatu diete enpresari eta Eusko Jaurlaritzari, eta protesta elkarretaratzea deitu dute irailaren 9rako.
Bilbo tentsio handiko eremu da jada
Euskal Herriko Agintaritzaren Aldizkariak (EHAA) gaur argitaratu du Bilbo etxebizitza gune tentsionatu izendatzeko agindua; alokairuen prezioa kontrolatzeko aukera emateaz gain, etxebizitza plan berezi bat martxan jartzea ahalbidetuko du izendapenak. Besteak beste, 2028rako 1.090 etxebizitza eraikitzea aurreikusten da.
Nafarroak iruzurraren aurkako plana onartu du, NaTicket ezarrita
Foru Gobernuak NaTicket izeneko programa aplikatuko du hurrengo hiru urteetan, Euskadiko TicketBAI sistemaren antzekoa, fakturazioa unean-unean kontrolatzeko.
Ryanairrek % 2 murriztuko du Forondako hegaldi kopurua neguan, eta ez du jardungo Santiago, Vigo eta Tenerifeko aireportuetan
Alacant, Brusela, Malaga, Milan, Palma eta Sevillarako hegaldiak ditu Ryanairrek Forondako aireportuan. Doitze-neurri horren ondorioz, milioi bat plaza baino gehiago galduko dira, udako denboraldian galdutako 800.000 plazez gain.
Maderas de Llodiok langileen batzordeari adierazi dio kaleratze kolektiboa ezartzekotan daudela
LAB sindikatuak adierazi duenez, datorren asteartean, hilak 9, bilera bat dute enpresaren zuzendaritzarekin, baina batzordeak eskatu du kaleratze kolektiboaren prozedura berehala bertan behera utz dezaten. Momentuz, ez dakite 151 langileetako zenbati eragingo liokeen neurriak.
Arabako Errioxako ardoak, txakolinak eta sagardoak Mexikora bidaiatu dira, Euskadi globalaren enbaxadore gisa
Amaia Barredo sailburua Mexiko Hirian da 23 euskal upeltegiren ordezkaritzarekin batera, euskal gastronomiaren kalitate eta bikaintasun zigiluarekin merkatu berriak irekitzeko asmoarekin.
Eusko Legebiltzarrak ez du izapidetuko gutxieneko pentsioa Lanbidearteko Gutxieneko Soldatarekin berdintzea eskatzen duen herri-ekimena
Eusko Jaurlaritzaren jarreraren arrazoi nagusietako bat da pentsioak jasotzen dituztenentzako babesa dagoeneko integratuta dagoela egungo sisteman. Ekimenak 145.000 sinadura baino gehiagoren babesa du.
Azazetan auto istripuan hildako gidaria etxez etxeko laguntzaile lanetan ari zen
LAB sindikatuak lan-istriputzat jo du ezbeharra, eta etxez etxeko laguntzaren sektoreko baldintza prekarioak salatu ditu.
Abuztuan, langabezia-tasa ia % 4 igo da EAEn, eta % 0,53 jaitsi da Nafarroan
109.169 langabe daude erregistratuta Euskadin, eta, Nafarroan, berriz, 28.390. Espainian, langabezia-tasa % 0,91 igo da, eta langabeen kopurua 2.426.511ra iritsi da, 2007az geroztik abuztuan izandako mailarik txikiena.
LAB sindikatuak soldatak duintzea du urte honetarako lehentasunetako bat
Salatu du ziurgabetasun ekonomikoa aitzakia gisa erabiltzen ari dela lan-baldintzak prekarizatzeko. Horregatik, iragarri du bere helburua izango dela soldatak KPItik gora igotzea negoziatzea eta, batez ere, gutxieneko soldata propioa sortzea.