Uberreko langileek astebeteko greba iragarri dute nominak ez dizkietelako ordaindu eta kaleratzeengatik
Bizkaiko Uber plataformaren zerbitzua kudeatzen duen eta gidariak kontratatzen dituen Euskalherria VTC enpresako langileek astebeteko greba iragarri dute hilaren 10etik aurrera, ez dizkietelako ordaindu nominak eta "bereizi gabeko kaleratzeengatik", UGT sindikatuak jakinarazi duenez.
"Enpresak abuztutik zor ditu hilekoak, kaleratzen dituen langileei ere ez dizkie kitapenak ordaindu, eta, gainera, bezeroek aplikazioaren bidez gidariei ordaintzen dizkieten eskupekoak bereganatzen ditu", salatu du UGTk ohar batean.
Langileen ordezkari gisa, sindikatu horrek enpresak bere langileekin dituen lan-eskubideak "etengabe ez betetzea" salatu du Lan Ikuskaritzan.
Gainera, dagokion hitzarmen kolektiboa aplikatzea eskatzen du, hilean 1.230 euro gordineko soldata-aldea dakarrelako.
UGTk azaldu du "demanda ugari" aurkeztu dituela Bilboko Lan Arloko Epaitegian, eskubide eta zenbatekoei buruzko erreklamazioengatik, eta hitzarmena behar bezala aplikatzeko eskatu du.
UGTren arabera, ibilgailuak gidari eta guzti alokatzen dituen enpresa horrek "aparteko orduen ordainketa, ibilgailuen mantentze-lan egokia eta behar den dokumentazioa ere ez ditu betetzen, eta gidari horien segurtasuna arriskuan jartzen du".
"Laneko gutxieneko arauak izugarri ez betetzeagatik", langileek zazpi eguneko greba deitzea erabaki dute batzarrean, azaroaren 10etik 16ra.
Zure interesekoa izan daiteke
Donostiako taxilariek ohartarazi dute Uberrek hiriarteko zerbitzua eman dezakeela soilik
Roberto Azofrak, Donostialdea Sociedad de Servicios elkartearen presidente eta Agitaxen lehendakariordeak, ikuskapenak egiteko eskatu die udal agintariei, jakinda Uber, legez kanpo, hiri barruan zerbitzuak eskaintzen ari dela.
Felipe Fernandez Aramburu, Uberrek Espainian duen zuzendaria: "Indarrean dagoen araudi guztia betetzen dugu"
Uberrek Espainian eta Portugalen duen zuzendari nagusiak adierazi du "oso pozik" daudela Gipuzkoako hiriburura iritsi direlako. Fernandezek nabarmendu du iaz 300.000 pertsona baino gehiago sartu zirela Uberren aplikazioan Donostian. Administrazio guztiekin lan egiteko prest agertu da, etorkizunera begira esparru juridiko argia ezarri ahal izateko.
Maderas de Llodion 35 langile kaleratzeko erregulazio espedientea legearen kontrakoa dela ebatzi du EAEko Justizia Auzitegiak
Garnica multinazionalak Laudioko (Araba) lantegiko 35 behargin kaleratu zituen urrian, hasiera batean 39 kaleratze aurreikusten zituen arren. Sindikatuek enplegua erregulatzeko espedientearen aurka jarritako demanda aintzat hartu du EAEko Justizia Auzitegi Nagusiak, partzialki bada ere.
Hainbat orduz konektibitaterik gabe izan dira 100.000 enpresa inguru Estatuan, Movistarren intzidentzia batengatik
Matxurak Movistar Enpresen zerbitzuei eragin die goizean goizetik, eta arazoak eragin ditu hainbat lurraldetan, besteak beste, Euskadin.
Donostiara iritsi da Uber enpresaren VTC zerbitzua
VTC zerbitzua ematen duen AEBko konpainiak Donostia barruko zerbitzua eskainiko du, baita Donostiatik hasi zein Donostiara doazen probintzia barrukoak ere.
Tubos Reunidosek aurre-erretiroak eta eta kaleratze hitzartuak eskaini dizkie langileei
Sindikatuek ez dute ontzat eman zuzendaritzaren proposamena, eta barregarritzat jo dute. "Proposamen eskuzabala izango zela esan ziguten, eta dugu halakorik ikusi", esan du Andres Garcia Tubos Reunidosen Amurrioko langileen batzordearen presidenteak.
Papresako langileek lanuzteak hasi dituzte, enpresa sal dezaketelakoan eta laneko erregulazio espedientea ezarriko duelakoan
Enplegu-erregulazioko espedienteak 250etatik 110 langileri eragin liezaieke.
Greba eguna dute Tubos Reunidoseko langileek, eta deialdiek batzordeen eta zuzendaritzaren arteko bilerarekin bat egingo dute
Amurrioko lantegiko beharginek lanuzteak deitu zituzten otsailaren 17, 23 eta 26rako eta martxoaren 4 eta 9rako. Trapagarango lantegiko LAB eta ESK sindikatuek ere lanuzteak deitu dituzte egun horietarako.
Bilboko portuan da Trumpek Venezuelako petrolioaren kontrola hartu zuenetik Europara heldu den lehen ontzia
Hilabete eta sei egun igaro dira Josu Jon Imaz Repsolen egungo kontseilari delegatua Etxe Zurian sartu zenetik, beste petrolio-enpresa batzuetako ordezkariekin, Venezuelako petrolio-industria berrabiarazteko. Hala, Trumpek industria horren kontrola hartu zuenetik Karibeko lehen petrolio-ontzia iritsi da Bilbora. Repsolek milioi bat upel eskuratu ditu, eta Petronorren plantan tratatuko dituzte, Muskizen.
Lanaldiei lotuta Euskadin egindako jarduketen % 60etan irregulartasunak antzeman zituen iaz Lan Ikuskaritzak
Emandako datuen arabera, Euskadiko Lan Ikuskaritzak 20.191 esku-hartze egin zituen iaz. Horietan 1862 arau-hauste antzeman ziren — 10,4 milioi euro —, eta 26.959 kontratu berrikusi; horietatik 1.788 kontratu mugagabe eta lanaldi osokoak bihurtu ziren.