Uberren jarduera mugatzen duen dekretuaren zati bat baliogabetu dute Euskadin
Euskal Autonomia Erkidegoko Justizia Auzitegi Nagusiak neurri batean onartu du Uber BVk Eusko Jaurlaritzaren 2019ko abenduko dekretuaren aurka jarritako errekurtsoa, eta bertan behera utzi ditu zerbitzua eskatzeko 30 minutuko tartea eta geolokalizazioaren berri emateko muga.
Alokairuko ibilgailu txoferdunek zerbitzua Euskadin emateko baldintzei buruz ostiral honetan kaleratutako ebazpenak Eusko Jaurlaritzaren dekretuaren zati bat baliogabetzen du, zehazki, 2.2 eta 2.5 artikuluak, eta aldeek Auzitegi Gorenean 30 eguneko epean errekurtsoa aurkezteko aukera ezartzen du.
2019ko abenduaren 20an Uber BVk administrazioarekiko auzi-errekurtsoa jarri zuen Eusko Jaurlaritzako Ekonomiaren Garapen eta Azpiegitura Sailak alokairuko ibilgailu gidaridunek zerbitzua emateko baldintzei buruzko dekretuaren aurka, hiru eskakizun aldatzea eskatzeko, eta epaimahaiak horietako bi onartu dizkio.
30 minutuko tarteari dagokionez, EAEko Justizia Auzitegi Nagusiaren epaiak argudiatu du Uberren zerbitzu gehienak distantzia laburrekoak direla eta bidaiariak garraioa erabiltzeko erabakia berehala hartzen dela.
"Alokairuko ibilgailu txoferdunen zerbitzua baliatzeko erabiltzaileak gutxienez 30 minutu itxaron behar badu, eta taxi zerbitzua erabiltzeko ez badu itxaron behar, alokairuko ibilgailu txoferdunek merkatuan sartzeko dituzten aukerak oso mugatuak izango lirateke, eta praktikan enpresa askatasunaren printzipioa garatzeko oztopo bat dela esan daiteke", adierazi du auzitegiak.
Bestalde, "geolikalizazioak kontratazioa errazten du, hurbilen dagoen ibilgailua non dagoen eta zerbitzuaren kostua zein den jakiteko aukera eskainita, baina kontratazioa aldez aurretik telematikoki egin behar da, eta guztiz erregistratuta geratzen da erabiltzailearen aplikazioan eta kontratatutako enpresaren informatika-zerbitzuetan".
Auzitegiak uste du murrizketa hori ez dagoela behar bezala justifikatuta, ezin baita alokairuko ibilgailu txoferdun bat eskua altxatuta geldiarazi zirkulatzen ari denean; aitzitik, "aldez aurretik kontratatu behar da aplikazio baten bidez, eta ez dago inolako oztoporik taxi-plataformek bezeroei zerbitzu hori emateko".
Jaurlaritza helegitea aurkezteko aukera aztertzen ari da
Eusko Jaurlaritza EAEko Auzitegi Nagusiaren ebazpenari Gorenaren aurrean helegitea aurkezteko aukera aztertzen ari da. Iñaki Arriola Lurralde Plangintza, Etxebizitza eta Garraio sailburuak kasazio errekurtsoa aurkezteko aukera mahai gainean jarri du.
Eusko Legebiltzarreko sarreran egindako adierazpenetan, Saileko zein Jaurlaritzako zerbitzu juridikoek EAEko Auzitegi Nagusiaren epaia aztertuko dutela azaldu du Arriolak.
Zentzu horretan, ebazpen judiziala Auzitegi Gorenaren aurrean errekurritzea ez du baztertu. Epaiaren edukia aztertu ondoren erabakiaren berri emango dutela esan du sailburuak.
Zure interesekoa izan daiteke
Iberdrolak 125. urteurrena ospatu du Bilbon, begirada "argindarraren aroan" jarrita
Iberdrolak bere 125. urteurrena ospatu du astearte honetan, Bilboko egoitzan. Erakundeetako eta enpresa munduko ordezkariak bildu ditu ekitaldiak, eta konpainiaren historia gogora ekarri dute. "Argindarraren aroa" deiturikoan jarri dute etorkizunerako begirada. Bere hitzartzean, Ignacio Sanchez Galan Iberdrolaren presidenteak esan du "euskal sustraiak" inoiz galdu ez dituen "proiektu integratzaile baten emaitza" dela gaur egungo konpainia.
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez dago "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidosen zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.