Donostian etxegabetze arriskuan dauden familiek Azoraren presioak salatu dituzte
Azora auzo elkarteak, Kaleratzeak Stop eta Alokairu elkarteak salatu dute "presioak" jasaten ari direla Ategorrietako sei familia Azora Capital funtsaren partetik, etxeak utz ditzaten. Haiek baina, ziurtatu dute, ez dituztela euren etxeetako giltzak emango eta egungo errentak ordaintzen jarraituko dutela.
Pertsona horien alokairu-kontratuak berriki amaitu dira, eta, orain, salatu dutenez, funtsak % 33 igo nahi die alokairuaren prezioa. Baldintza ez onartzekotan, telefonoz presionatzen dituzte, antza, sei hilabeterako kontratua sinatu dezaten, ondoren etxebizitza uzteko baldintzarekin.
Aipatu elkarteek elkarretaratzea egin dute gaur Donostian, eta Altza-Larratxo Caritaseko, LAB eta CNT sindikatuetako, EH bilduko eta Elkarrekin Podemoseko ordezkariek hartu dute parte, antolatzaileek ohar baten bidez jakinarazi dutenez.
Protesta horretan, gogora ekarri dute urriaren 20an Eneko Goia Donostiako alkatearekin bildu zirela Azora Capitalekin bitartekari lanak egin zitzan eskatzeko, azken horrek kaltetutako familiei zazpi urterako kontratuak eskain diezazkien, ordaintzen ari diren errenten gaineko KPIan oinarritutako igoerarekin.
Bizilagun horiek 750 eta 900 euro arteko errentak ordaintzen dituzte hilean, Kaleratzeak Stop elkarteak azaldu duenez, hau da, Eusko Jaurlaritzak argitaratutako Alokairu Merkatuaren Estatistikak gomendatzen duenaren gainetik. Gainera, Ategorrietako eraikin asko egoera "txarrean" daudela eta ez dutela Eraikinen Azterketa Teknikoa gainditzen azpimarratu dute.
Bizilagunek adierazi dutenez, ez dituzte etxe horiek utziko ez eta giltzak entregatuko ere, eta egungo errenta ordaintzen jarraituko dute, ordaintzeko moduko kontratuak sinatu arte. Etxebizitzak husteko "mehatxuak eta presioak bertan behera uztea" eskatu dute, Azorak proposatzen duen " % 33ko igoera ordaindu ezin dutelako", eta kontratuak zazpi urterako berritzea eskatu dute, KPIren araberako igoerarekin.
Inmobiliaria Vascongadak kudeatzen zituen alokairuko 300 etxebizitza erosi zituen 2020ko otsailean Azora Capital taldeak. Etxebizitza horien artean Ategorrietako sei etxebizitza hauek leudeke. Eneko Goia Donostiako alkateak orduan ziurtatu zuenez, Azora inbertsio funtsak 300 etxebizitza eta lokal inguruko alokairu-kontratuei eusteko konpromisoa adierazi zion, "dauden baldintzetan".
Zure interesekoa izan daiteke
Brent kupela % 6,76 igo da astelehenean, baina behera egin du eta 100 dolarretik jaitsi da
Egunean zehar, upeleko 120 dolarren bueltan ibili da. Ondorioz, G7ko ministroek bilera egin dute eta neurriak hartzeko eta erreserbak askatzeko prest daudela adierazi dute. Texasko petrolioak 95 dolar inguruan itxi du eguna.
Hobaria onartzera eraman zuten maximoetatik 15 zentimora dago erregaia gaur egun
Ekialde Ertaineko gerran, erregaien prezioak gora egiten ari dira egunez egun. EAEn, diesela litroko 1,767 eurokoa da, eta gasolina, berriz, 1,649 eurokoa. Espainiako Gobernuak laguntzak onartu zituen erregai horiek litroko 1,91 eta 1,87 eurokoak izan zirenean, hurrenez hurren.
Luzatu egingo da Tubos Reunidosen LEEaren kontsulta aldia, enpresaren azken proposamena aztertzeko
Enpresak 301 kaleratzeei eta Amurrioko altzairutegiaren itxierari eutsi die. Hala ere, enpresa uztearen baldintzak hobetu ditu. Ondorioz, Batzordeak, bozketa bidez, kontsulta epea luzatzea erabaki du, eskaintza aztertzeko, plantillarekin kontsultatzeko eta onartzen duten edo ez erabakitzeko.
ELAk eta LABek ez dute onartu patronalak Arabako metalgintzako hitzarmenerako egindako proposamena, “atzerakoia” delakoan
Bi sindikatuek eskaintza bertan behera uzteko eskatu diote SEAri, sektoreko 25.000 langileen erosahalmena ez duelako bermatzen.
EAEko taxilariak martxoaren 26an mobilizatuko dira, Uberren Donostiako "intrusismo profesionalaren" aurka
Taxien Euskal Federazioak azpimarratu du administrazioek alokairuko auto gidaridunen jarduera "onartzen" dutela, eta indarrean dagoen araudia betetzea eskatu du.
Gas naturalaren prezioak % 30 egin du gora eta 69 euroan dago
Prezioaren igoera Ekialde Hurbileko tentsioaren gorakadaren ondorioz gertatu da, otsailaren amaieran egindako erasoaldi militarraren eta energia-hornidura etetearen beldurra nagusitu baita.
Tubos Reunidoseko langileek auto-ilara luzeak sortu dituzte Bilbon, Enekuri eta San Mameseko sarreretan
Manifestazioan zehar, langileek trafiko arazoak eragin dituzte, izan ere, Zunzunegi etorbidean eta Jesusen Bihotza plazan eserialdiak egin dituzte.
Lanuzteak Tubos Reunidosen enplegu-erregulazioko espedientearen bilera erabakigarriaren aurrean
Amurrioko plantillako langileek lanuzte gehiago hasi zituzten bart, zuzendaritzaren eta batzordearen arteko bilera erabakigarriarekin bat eginez, Lan Erregulazioko Espedientea (LEE) aztertzeko. Gaur amaituko da kontsulta-aldia, akordiorik ez badago edota luzatzen ez bada.
Lanuztea dute berriro gaur gauetik hasita Tubos Reunidosen, azken negoziazio bileraren atarian
22:00etan, 24 orduko lanuztea abiatuko dute beharginek. Asteartean ere, 24 orduko lanuztea egingo dute; eta asteazkenetik igandera, 4 orduko geldialdiak egingo dituzte txanda bakoitzean.
Azkoitiko Sidenorreko langileek manifestazioa egin dute euren lanpostuak defendatu eta enpresaren "utzikeria" salatzeko
Enpresa batzordeak deituta, ehunka pertsona kalera atera dira Sidenorrek Azkoitiko ijezketa trena itxiko duela eta 36 behargin Reinosara (Kantabria) lekualdatuko dituela salatzeko.