ELAk eta LABek ez dute onartu patronalak Arabako metalgintzako hitzarmenerako egindako proposamena, “atzerakoia” delakoan
Bi sindikatuek eskaintza bertan behera uzteko eskatu diote SEAri, sektoreko 25.000 langileen erosahalmena ez duelako bermatzen.
Langile bat; artxiboko irudia. Argazkia: alcangel144 (Pixabay)
ELA eta LAB sindikatuek errefusatu egin dute SEA patronalak astelehen honetan Arabako metalaren mahaira eraman duen hitzarmen kolektiboaren proposamena, "atzerakoia" dela eta sektoreko 25.000 beharginen "lan-baldintzak okertzen" dituela iritzita.
ELAk uste du patronalaren proposamena "iraina" dela, "sindikatuek planteatutako aldarrikapenei entzungor egiteaz gain, neurri atzerakoiak ere sartzen dituelako", hala nola urteko % 1,5eko soldata igoerak, "KPIaren arabera eguneratzeko bermerik gabe". Azken neurri horri dagokionez, deitoratu du horrek "soldatak erosahalmenaren galeraren eraginpean” utziko lituzkeela.
Sindikatuak ohar baten bidez jakinarazi duenez, patronalak "ordutegi-malgutasun handiagoa" ere proposatu du, ordu-poltsa batekin. Poltsa hori urteko egungo 100 orduetatik 260 ordura igoko litzateke, eta eskubide sindikaletan eta baja medikoetan murrizketak ekarriko lituzke.
"Proposamenak ez die sektorearen benetako beharrei erantzuten, eta enpresen mesedetan murrizketak eta malgutasun handiagoa planteatzera mugatzen da", salatu du ELAk.
LABek beste ohar batean adierazi duenez, proposamen horrek "prekarietatea areagotzen du", ez baitu erosahalmena bermatzen, ezta lanaldia murrizten ere, eta, gainera, "atzerapausoak" ematen ditu malgutasunean eta baja medikoetan. "Iraingarria izan da", adierazi du LABek, eta ohartarazi du: "Ez dugu inolaz ere onartuko urteetako borrokarekin lortu den eskubide bakar bat galtzea".
Sindikatuak SEAri eskatu dio proposamen bat mahaira eramateko "sektoreak behar dituen edukiekin" eta "benetako negoziazioa" irekitzeko. Gainera, akordio "duin" bat lortzeko borondaterik erakusten ez badu mobilizazioak egongo direla ohartarazi dio.
Zure interesekoa izan daiteke
LAB: Pradalesen Gobernuak "suspentso atera du" langileen aldeko politiketan
Garbiñe Aranburuk zalantzan jarri du lehendakariarekin egindako bilera-sortaren sinesgarritasuna, eta elkarrizketa soziala instituzionalizatzeko legea bertan behera uzteko eskatu dio Imanol Pradalesi.
EHUren intersindikalak salatu du Unibertsitate Lege berriak unibertsitate publikoari beharrean, pribatuari egiten diola mesede
Sindikatuok "kezka handia" agertu dute Unibertsitate Lege berriarekin, eta salatu unibertsitate pribatuei diru publikoa jasotzeko bidea errazten diela, publikoaren kaltetan. Hain justu, EHUren "arazo larriena azpifinantzaketa" dela nabarmendu dute.
Greba deitu dute Bizkaiko metal merkataritzan urriaren 7rako, lan hitzarmen berri baten alde
ELA, UGT, CCOO eta LAB sindikatuek soldatak KPIaren arabera eguneratzea eta lanaldia Bizkaiko merkataritzako beste hitzarmen batzuetan ezarritako urteko 1.725 orduetara murriztea.
Gipuzkoako gasolindegietako langileak kalera atera dira lan-hitzarmen berriaren alde
Gipuzkoako gasolindegietako langileek elkarretaratzea egin dute Lan Harremanen Kontseiluaren egoitzaren aurrean, hitzarmen berriaren negoziazioen blokeoa salatzeko. Ia bi urteko prozesuaren ostean, langileak kexu dira patronalak ez duelako erakusten elkarrizketarako borondaterik. Akordiorik lortu ezean, iragarri dute datozen asteetan mobilizazioak areagotu ditzaketela.
Inoizko mahats bilketarik goiztiarrena egin dute Arabako Errioxan, klima aldaketak eraginda
Tenperatura altuak izan dira eta ez du ia euririk egin. Horren ondorioz, apenas egon da onddoek eragindako gaixotasunik, eta mahatsaren kalitatea "bikaina" da. Ifrentzuan, baldintza meteorologikoek alkohol graduazioa igoarazi dute; "upategian konpentsatu beharko dute hori", azaldu dute.
Bateriekin izandako intzidentzia batek auto elektrikoen ekoizpena geldiarazi du Nafarroako Volkswagenen
Hornitzaileak arazoa konpondu du eta normaltasunez ekoizten ari da; hortaz, Nafarroako Volkswagenek jarduerari "berehala" ekitea espero du.
CCOOk Pradalesi hainbat eskumenen aurrean dituen "zuhurtziak" azaldu dizkio, langile askori eragiten dietelako
CCOO Euskadiko idazkari nagusi Santiago Martinezek Gernikako Estatutua oso-osorik betetzearen alde egin du lehendakariaren aurrean, baina "zuhurtzia" agertu du eskumen-transferentzia batzuen aurrean, hala nola FOGASAren edo pentsioen ingurukoen aurrean; izan ere, langile askori eragiten diete, eta, azpimarratu duenez, "ondo egin behar dira".
UGTk enpresen irabaziak soldatetara bideratzeko eskatu dio Pradalesi
UGT Euskadiko batzorde kudeatzaileko presidente Jose Manuel «Tximi» Lopezek enpresa handien irabaziak langileen soldatetan islatu behar direla defendatu du Imanol Pradales lehendakariaren aurrean, eta Eusko Jaurlaritzari eskatu dio bitartekari lanak egin ditzala euskal patronala hitzarmenen bidezko gutxieneko soldata interprofesionala negoziatzera esertzeko.
Ondarroako arraste flota: "Gasolioaren prezioarekin itsasora irteteak diru galera dakar"
Gasolio profesionala % 227 garestitu da otsailetik, eta Ondarroako Alturako Arrantza Ekoizleen Elkarteak salatu duenez, igoera hori arrantzaleek asumitu behar dute, handizkariak finkatzen duelako arrainaren erosketa-prezioa.
Gazteentzako hipotekak: zer hartu kontuan sinatu aurretik eta zer dira Gazteaval laguntzak?
EKA kontsumitzaileen elkarteak gutxienez hiru edo lau banketxeren eskaintzak alderatzea, presarik ez izatea eta Urteko Tasa Baliokideari, lotutako produktuei eta benetako ordainketa-ahalmenari erreparatzea gomendatzen du. Gazteaval programari esker, gainera, zenbait kasutan etxebizitzaren balioaren % 80tik gorako finantzaketa lor daiteke.