Erregaien ganeko hobaria onartzera eraman zuten maximoetatik 15 zentimora dago gaur egun
Ekialde Hurbileko gerraren ondorioz, erregaien prezioak gora egiten ari dira egunez egun. EAEn, diesela litroko 1,767 euroan da, eta gasolina, berriz, 1,649 euroan. Espainiako Gobernuak laguntzak onartu zituen erregai horiek litroko 1,91 eta 1,87 eurokoak izan zirenean, hurrenez hurren.
Ekialde Hurbilean tentsioa gora egiten ari den honetan, erregaien prezioak 2022ko energia-krisiaren hasieran izandakoetara gerturatzen ari dira berriz ere. Trantsizio Ekologikorako Ministerioaren azken datuen arabera, martxoaren 8an gasolina litroa 1,649 euroan zegoen, eta diesela, 1,767 euroan, Euskal Autonomia Erkidegoan. Horrek duela lau urte bizi izandakoa gogora dakarkigu, Errusiak Ukraina inbaditu zuenekoa.
Gasolinaren salneurria 2022ko udaberriko maximoen azpitik dago, orduan litroa bi eurotik gora zegoen. Diesela, aldiz, data horietan erregistratutakoaren oso antzeko mailan da berriro, eta berriz ere tentsio handieneko erregai bilakatu da.
Hala ere, abiapuntua desberdina da bi krisialdietan; izan ere, 2022an prezioak 1,53 eta 1,64 eurotik abiatuta hasi ziren igotzen, eta aurten, berriz, 1,5 euro azpitik bi erregaien kasuan.
Igoera haren eraginari eusteko, Espainiako Gobernuak premiazko neurri-sorta bat onartu zuen 2022ko martxoaren 29an, 20 zentimoko hobaria litroko, besteak beste. Hobari hori apirilaren 1ean sartu zen indarrean, eta eragina kontsumitzaileen poltsikoan arindu zuen, nolabait.
Neurri horiek hartu ziren erregai litroko 2 euro inguru ordaintzen zirenean: diesela 1,91 euroan zegoen, eta gasolina 1,87 euroan EAEn; hau da, egungo prezioetatik 0,146 eta 0,221 eurora, hurrenez hurren.
Astebetean, erregaien prezioak 0,3 eurora arte igo dira EAEn. Zehazki, horixe izan da dieselaren hazkundea, zazpi egunean 1,467 izatetik 1,767 izatera igaro baita litroaren prezioa. Gasolinaren kasuan, eskalada 0,151ekoa izan da aldi berean.
Zure interesekoa izan daiteke
Ekialde Hurbileko gatazka "inoiz ez bezalako ziurgabetasun-mailak" sortzen ari da turismoaren sektorean, Aenaren arabera
Espainiako aireportuetako operadoreak ziurtatu duenez, erregaiaren eta kerosenoaren hornidura ziurtatuta dago datozen asteetarako; hala ere, ohartarazi duenez, "gerraren iraupenaren araberakoa izango da guztia".
23 urtetik gorakoek maiatzaren 12tik aurrera eskatu ahal izango dute Emantzipa dirulaguntza
Hala, zabaldu egingo du adin tartea. Orain arte 25 urtetik gorakoek eska zezaketen, baina, aurrerantzean, 23 eta 29 urte arteko gazteek izango dute aukera laguntza hori eskatzeko.
EAEko Auzitegi Nagusiak baliogabetzat jo du Bilboko JM ikastetxeko 59 langile kaleratzeko erabakia
ELA sindikatuak ohar batean adierazi duenez, Auzitegi Gorenak kaleratze kolektiboaren aurkako errekurtsoa onartu izanak agerian uzten du porrot egin zuen Jesuitinas ikastetxearekin bat egitea eta langileak kaleratzea prozesu "iluna eta gaizki kudeatua" izan zela, eta horrek "familien kezka eta ikasleen matrikulazio-desbideratzea" eragin zituela, "ikastetxea behin betiko ixtera kondenatu" arte; "guztia, Eusko Jaurlaritzaren onespenarekin eta konplizitatearekin", sindikatuaren arabera.
Epaitegi batzuk hasi dira langile interinoak finko egiten, Europako Justiziaren epaiaren ondoren
Pasa den apirilaren 14an Europar Batasuneko Justizia Auzitegiak ebatzitakoaren arabera, Espainian administrazioarekin aldi baterako kontratuak kateatu dituzten interinoak mugagabe ez-finko bihurtzea ez da neurri nahikoa abusu horiek konpentsatzeko.
KPIaren urtearteko tasa % 3,2ra jaitsi da apirilean, erregaia igo arren, argindarra jaitsi izanak bultzatuta
Erregaiak dira oraindik ere goranzko presio handiena egiten dutenak, Irango gerrak eragindako shockak irauten duen seinale. Hala ere, eragin hori leundu dute, nolabait, elektrizitatearen prezioaren jaitsierak eta Espainiako Gobernuak onartutako neurri fiskalek.
Iberdrolak 1.711 milioi irabazi ditu lehen hiruhilekoan, eta 2026rako mozkin garbi doituaren aurreikuspenak hobetu ditu
Konpainiak urtarrila eta martxoa artean izandako ustiapeneko emaitza gordina (Ebitda) 4.067,1 milioi eurora iritsi da, duela urtebete baino % 9,7 gutxiago.
Patronala absentismoa nola erabiltzen duen salatu dute sindikatuek laneko osasunaren eguneko mobilizazioetan
Sindikatu guztiak irten dira kalera apirilaren 28 honetan. LAB, ESK, STEILAS, EHNE-Etxalde eta HIRU sindikatuek elkarrekin egin dute manifestazioa, Donostian. ELAk, CCOOk eta UGTk euren mobilizazio propioak egin dituzte, Bilbon.
Euskal Herriko hamaika proiektu nabarmendu dituzte Berlinen If Design sari-banaketan
Mundu mailako diseinu-saririk garrantzitsuenak dira If Design golardoak. Bart banatu zituzten, eta Oiartzungo Niessen enpresak urrezko kategoria irabazi zuen. Bestalde, EAEko eta Nafarroako hogei bat proiektu izendatu zituzten.
Langabezia-tasa % 8,23ra igo da EAEn eta % 9,09ra Nafarroan, lehen hiruhilekoan
Iazko lehen hiruhilekotik aurtengo lehen hiruhilekora, 6.700 langabe gehiago zenbatu dituzte EAEn (% 8,08), eta 5.800 gehiago Nafarroan. Landunen kopuruak ere gora egin du Euskadin (7.700 gehiago) eta behera, berriz, Nafarroan (1.300 gutxiago). Bestalde, Espainiako Estatuan 231.500 langabe gehiago erregistratu dituzte 2026ko lehen hiruhilekoan, 2013tik izandako hiruhilekorik txarrenean.
39 milioiko eskaintza egin du Cristian Layk Papresa erosteko
Enpresaren bi industria-jarduerei eustsiko lieke CLk, paperarena eta enbalajearena, eta plantillaren bi heren mantenduko lituzke. Eusko Jaurlaritzak begi onez ikusi du operazioa eta parte hartzeko borondatea du. Papresa hartzekodunen konkurtsoan dago, eta zabalik da hura erosteko eskaintzak aurkezteko epea.