Kotizazioak beste koxka bat igotzea proposatu du Espainiako Gobernuak, % 0,5etik % 0,6ra
Langileen kotizazio sozialak koxka bat igotzea proposatu du Espainiako Gobernuak, hamar urtean % 0,5etik % 0,6ra, Jose Luis Escriva Inklusio, Gizarte Segurantza eta Migrazio ministroak atzo elkarrizketa sozialaren mahaira eramandako testuaren arabera.
% 0,6ko igoera horren % 0,4 enpresak ordainduko luke eta gainerako % 0,2 langilearen gain geldituko litzateke, mahai sozialeko kide den UGT sindikatuak adierazi duenez.
UGT eta CC.OO. sindikatuek "ontzat" jo dute Gobernuak Belaunaldiarteko Ekitatearen Mekanismoaren definizioari dagokionez izandako jarrera-aldaketak, diru-sarrerak hobetuz, egungo pentsio-sistemaren Jasangarritasunaren Faktorea ordezkatzeko.
Halere, biek al biek espero dute Exekutiboak bere proposamena hobetzea "nahikotasunaren bidetik", horrek elkarrizketa sozialean etorkizunean egon daitezkeen negoziazioetan aurrebaldintzarik ezarriko ez badu ere.
UGT eta CC.OO.-k adierazi dut arlo honen gainean lanean jarraituko dutela datozen egunetan.
Joan den astean, kotizazioak igotzeko proposamenak ezinegona eragin zuen Espainiako Enpresa Erakundeen Konfederazioan (CEOE); izan ere, diotenez, horrek enpresen kostuek gora egitea dakar berriro, 2022ko aurrekontu-proiektuan jasotako Sozietateen gaineko Zergaren gutxieneko tasaren igoeraren eta lanbide arteko gutxieneko soldataren (LGS) igoeraren ondoren. Igoera berria deitoratu dute, enpresa-gastua are gehiago igotzea dakarrelako.
Ildo beretik mintzatu da gaur goizean Eduardo Zubiaurre Confebaskeko presidentea Euskadi Irratian, esan duenez, igoera hori "ez da lagungarria izango lanpostuak sortzeko eta susperraldiaren bidetik sakontzeko".
Gauzak hala, 2023tik aurrera jarriko litzateke indarrean Belaunaldiarteko Ekitatearen Mekanismoa, hamar urterako, gaur egun 2100 milioi baino pixka bat gehiago dituen pentsioen Erreserba Funtsa gizentzeko.
Albiste gehiago ekonomia
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.