ELA kalera atera da EAJri, EH Bilduri eta Podemosi pentsioen murrizketak galaraz ditzaten eskatzeko
ELAk deituta, manifestazioak egin dituzte gaur Hego Euskal Herriko lau hiriburuetan EAJri, EH Bilduri eta Podemosi Espainiako Diputatuen Kongresuan pentsioen murrizketa galaraz dezaten eta lan erreforma bertan behera utz dezaten eskatzeko.
"Pentsioetan murrizketarik ez! Lan erreformak indargabetu. Ez gaitzazue Madrilen saldu" lelopean egindako manifestazioetan, era berean, Europako funtsak "amarrua" direla ohartarazi dute. Gainera, ez dute baztertu greba orokorra deitzea "erreformak baldintzatzeko".
Bilboko mobilizazioan izan da Mitxel Lakuntza ELAren idazkari nagusia. Martxa 11:30ean abiatu da Udaletxeko plazatik, eta bertan ziren, besteak beste, Tubacexeko eta Novaltiako langileak.
Donostian, berriz, manifestazioa Boulevardetik abiatu da, eta Gasteizkoa Ama Zuriaren plazatik Matxeteraino joan da, industria eta zerbitzu sektoreetako ordezkari ugarirekin.
Lakuntzak ohartarazi du hamarkada bat daramatela "azken pentsio eta lan erreformen ondorio gogorrak pairatzen", eta Europako funtsak ez direla "opari bat" izango, "amarrua" baizik, baldintza batzuen menpe egongo direlako.
"Aurreko krisian diru publikoa banketxeetara joan zen, eta orain enpresa handietara bideratu nahi dute lan erreforma ez indargabetzearen eta pentsioak okertzearen truke. Hori da Pedro Sanchezek Europar Batasunarekin egin duen ituna", salatu du.
Lakuntzak gogor hitz egin du Jose Luis Escriva Inklusio, Gizarte Segurantza eta Migrazio ministro espainiarraren aurka, "erretiroa beranduago hartzea edo pentsio txikiagoa jasotzea" proposatzen ari delako. "'Belaunaldi arteko parekotasun mekanismoa' deiturikoa erabiliz egin nahi dute, etorkizuneko gobernuek nahi dutena egin dezaten pentsioekin", azaldu du.
Bestalde, lan erreforma indargabetzearen garrantzia berretsi du, Euskal Herrian aplikatzen diren lan-hitzarmenak "hemen sinatutakoak" izan daitezen eta Lan Erregulazio Txostenak ez izateko "etekinak dituzten enpresek kaleratzeak nahieran egiteko tresna".
"Zoritxarrez, erabaki horiek Madrilen hartzen dira oraindik, baina Euskal Herritik baldintza ditzakegu. Sanchezen Gobernuak ez du gehiengorik eta euskal alderdien babesa behar du. Horregatik atera gara kalera, EAJri, EH Bilduri eta Elkarrekin Podemosi eskatzeko pentsioetan murrizketarik ez onartzeko eta lan erreformaren indargabetzea babesteko", azpimarratu du.
Zure interesekoa izan daiteke
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.
Amurrioko Tubos Reunidosko langileak lanera itzuliko dira, greba mugagabearen ostean
Batzordeak, hala ere, ez du baztertzen etorkizunean lanuzteei berriro ekitea, eta oraingoz bi greba eta mobilizazio egun deitu ditu maiatzaren 26rako eta 28rako.
Ikuskizunetako langileek greba eguna dute gaur Araban, Bizkaian eta Gipuzkoan
Sektorearentzako hitzarmen bat eskatzen dute lan-baldintza duinak bermatzeko. Ekitaldi asko bertan behera gelditu dira jada, eta gorabeherak espero dira gaur kontzertu, antzerki eta kongresuetan.