Lakuntza: "Eskubideak ezin dira trukerako erabili"
Mitxel Lakuntza ELAko idazkari nagusia Radio Euskadiko Cronica de Euskadi – Fin de Semana saioan izan da azken egunotako gertakizunak aztertzeko helburuz. Hizpide nagusietako bat Espainiako Gobernuak lan erreforma indargabetzearen inguruan darabilen ika-mika izan da. Kongresuan ordezkaritza duten alderdiei dei egin die Lakuntzak gai honetan "posizionatu" daitezen. EAJri, EH Bilduri eta Elkarrekin Podemosi "pentsio erreforman inolako murrizketarik ez onartzeko konpromisoa" eskatu die. ELAko buruak uste du "ezinbestekoak izango direla eztabaida horietan" eta euren papera garrantzitsua izango dela.
Lakuntza salatu duenez, bere garaian PPk bultzatutako lan erreforma "ez da ukitu nahi", "Tubacex bezalako enpresek Lan Erregulazio Espedienteak aurkeztu ahal ditzaten". "Gauzak bide horretatik badoaz, udazkena mobilizazio garaia izango da, ez digute beste aukerarik uzten", iragarri du. ELAk ez diola inolako borroka molderi uko egingo gaineratu du, "greba orokorra barne".
Arnaldo Otegik Eibarren, EH Bilduko militanteekin egindako ekitaldi batean presoen eta Espainiako aurrekontuen inguruan egindako adierazpenei ere erreferentzia egin die ELAko idazkari nagusiak. "Eskubideak ezin dira trukerako erabili" esan du Lakuntzak, "eskubideak ezin baitira gehiengoak markatzen duen joko batera mugatuta egon" eta ildo horretan, Espainiako Gobernuari "salbuespeneko politikarekin amaitzea" tokatzen zaiola gaineratu du.
Bestalde, Aieteko adierazpenaren hamargarren urteurrena dela eta, ezker abertzaleak urriaren 18an publiko egindako hausnarketaren inguruan Urkullu lehendakariak egin duen irakurketa kritikatu du. Lehendakaria adierazpenari "garrantzia kentzen saiatu" dela uste du eta ez duela positiboki hartu. "Errelatoarekiko gerra hori alde batera utzi" behar dela ere esan du, "irakurketa batzuk interes alderdikoiez egiten baitira".
Independentziari buruz galdetuta, Lakuntzak uste du "apustu hori egiteko unea" dela "krisi bakoitzetik birzentralizazio handiagoarekin ateratzen baikara". ELAk autogobernuan sinesten duela adierazi du, "baina autogobernu osoan, ez oraingoa bezalakoan, mugatua eta partziala".
Zure interesekoa izan daiteke
Tubos Reunidosen interesa duten "inbertsore berriak" daudela dio Jauregi sailburuak, baina oraindik ez direla "proposamen zehatzik"
Mikel Jauregi Eusko Jaurlaritzako Industria, Trantsizio Energetiko eta Jasangarritasun sailburuaren hitzetan, Tubos Reunidoseko zorra berregituratu eta langileak lanera itzuli izana funtsezko bi baldintza izan dira "inbertitzaile berriak erakartzeko".
Papresak erosteko eskaintza bakarra jaso du: CL Grupo Industrialek aurkeztu du proposamen loteslea
Papresa hartzekodunen konkurtsoan sartu eta lehen asteetan balizko iteresdun gehiago zeudela aditzera eman bazen ere, euskal talde bat barne, ez dira eskaintza gehiago aurkeztu ezarritako epearen barruan; CL Group enpresak (Cristian Layri lotutakoa) bakarrik egin du hura erosteko eskaintza loteslea.
Eusko Jaurlaritzak onetsi egin du Aiaran baterien biltegi bat eraikitzeko proiektua
Arena Green Assest 4, SLUren "PB Navegantes 31" proiektuak 23 milioi euroko aurrekontua du eta 30MW-ko potentzia instalatua, 20 oineko neurriko edukiontzietan dauden 18 biltegiratze unitaterekin, kontrol eta monitorizazio sistemak integratzeko.
Astigarraga, etxebizitza garestien dagoen Gipuzkoako hirugarren herria
Prezioa % 55 igo da 4 urtetan eta metro koadroa 5.228 eurotan saltzen da. Donostiaren eta Zarautzen atzetik, udalerririk garestiena da.
Monica Garciak uste du sindikatu mediku batzuek grebari eusteko aparteko interesa dutela
Espainiako Osasun ministroaren ustez, "mediku sindikatu batzuek pizgarriren bat dute gatazkari eusteko, eta Estatutu Markoak dakartzan hobekuntzak sektoreko profesionalengana iristea saihesteko edo atzeratzeko". Era berean, Aragoi, Nafarroa, Kantabria, Asturias eta Galiziako erkidegoek grebari amaiera ematea lortu dutela nabarmendu du, eta gainerako erkidegoei "euren lana egiteko" eskatu die, "profesionalen lan-baldintzak eskumen autonomikoen menpe daudelako".
Kalera atera dira berriro medikuak, protesta egitera, urteko laugarren greba astearen hasieran
Donostia Ospitaleko anestesista Elena del Valek kazetarien aurrean hitz egin du protestetako batean, eta ziurtatu du "itxaropentsuago" daudela, Euskadiko Medikuen Sindikatuaren bitartez, Osakidetzarekin bilerak hasi dituztelako, eta "badirudielako", aldarrikapenetako batzuk negoziatzen hasiko direla.
Gasteizko Udalak taxilarien guardiak arautu ditu, dekretu bidez
Dokumentuak larunbat eta jai bezperetarako guardien egutegia ezartzen du, 00:00etatik 08:00etara, eta tarte horretan gutxienez 50 taxi arituko dira zerbitzua ematen.
Etxebizitzen salerosketa % 11,6 jaitsi da EAEn, eta % 8,2 igo da Nafarroan
Donostian 418 etxebizitza salerosi dira 2026ko urtarrila eta apirila bitartean, aurreko hiruhilekoan baino % 26,8 gutxiago, eta iazko tarte berean baino % 30,8 gutxiago.
Banku-txartelari agur? Bizum bidezko ordainketa saltokietara iritsi da
NFC teknologiaren bidez egingo dira ordainketak, contactless metodoaz, erabiltzaileak Bizum aktibatuta duen banku-aplikazioaren edo Bizum Pay-ren diru-zorro digital berriaren bitartez. Ordainketa berehala egingo da, eta ez da bitartekaririk (Visa, Mastercard…) beharko. Massimo Cermelli ekonomialariaren ustez, Bizum "erakargarria izan daiteke; saltoki txiketarako, batik bat", komisioetan aurreztu dezaketelako.
Tubos Reunidosen enpresak "antolatutako" eta patronalak babestutako kanpaina bat egon dela salatu du ELAk
Mitxel Lakuntza ELA sindikatuko idazkari nagusiak enpresak azken urteetan egindako "kudeaketa tamalgarria" gaitzetsi, eta "akziodunek 170 milioiko zorra" sortu dutela salatu du.