Arnaldo Otegik militanteei: "Presoak ateratzeko Aurrekontuak bozkatu behar baditugu, egingo dugu"
EH Bilduk astelehenean Eibarren militanteekin egin zuen ekitaldian Arnaldo Otegik esandakoek hautsak harrotu dituzte Espainiako politikagintzan. "200 preso ditugu kartzelan, eta ateratzeko Aurrekontuak bozkatu behar baditugu, egingo dugu", adierazi zuen orduan EH Bilduko koordinatzaile nagusiak.
Gaur, asteazkena, Arnaldo Otegik esandakoez galdetu dio Pablo Casado PPko buruzagiak Pedro Sanchez Espainiako gobernuburuari Diputatuen Kongresuan. Pedro Sanchezek ukatu egin du EH Bilduk Aurrekontuak babestearen truke presoak askatzea.
Gainera, ETAren amaieraren 10. urteurrena betetzen den egunean akusazio horiek egitea aurpegiratu dio Sanchezek Casadori. Horren hitzetan, ez du ulertzen zergatik ez duen eskuinak demokraziaren garaipena ospatzen eta zergatik erakusten duen beti "Espainiako demokraziaren lorpen handienetako bat denaren inguruko ikuspegi mingotsa".
Fernando Grande-Marlaska Espainiako Barne ministroak ere gaiaz hitz egin du. Horren esanetan, "Espainiakoa bezalako demokrazia batean zuzenbide estatua eta legea aplikatzen dira", eta, hain zuzen ere, hori izan zen, bere ustez, ETA garaitu zuena.
Santiago Abascal Voxeko presidenteak Kongresuko pasilloetan hitz egin du, eta "ETAren Aurrekontuak bozkatu beharko ditugula" deitoratu du. Halaber, Espainiako demokrazia aldatzeko plan bat partekatzea leporatu die Sanchezi eta Otegiri.
EH Bildurekin harremanak eteteko eta Estatuko Aurrekontu Orokorren bozketan koalizioaren aldeko botoa ez onartzeko eskatu dio Ines Arrimadas Ciudadanoseko buruak Pedro Sanchezi.
Andoni Ortuzar EAJren EBBko presidenteak, bere aldetik, Otegiren hitzak Urriaren 18ko Adierazpenaren "B aldea" direla nabarmendu du, eta zalantzan jarri du ezker independentistak biktimen minaren inguruan esandakoaren zintzotasuna.
Idoia Mendia PSE-EEko idazkari nagusia ez da Otegik presoen inguruan esandakoarekin harritu. Azaldu duenez, Arnaldo Otegik eta inguru politikoak "jende askori terrorista izateko deia egin zioten eta, beraz, motxila hori darama gainean".
Jesus Eguiguren PSE-EEko presidente ohiak berretsi du ez duela uste "Aurrekontuak onartzeagatik askatuko dituztenik". Horren aburuz, baina, Sanchez gai da "horretarako eta askoz gehiagorako".
Laura Garrido Euskadiko PPko idazkari nagusiak esan du "begien bistakoa" dela PSOEren eta EH Bilduren artean Aurrekontuen inguruko akordioa dagoela, eta horrek presoak Euskal Herriko espetxeetara hurbiltzea ekarri zuela eta orain espetxeetatik ateratzea eragin dezakeela.
Zure interesekoa izan daiteke
Italiatik datozen bidaiarien kontrol aleatorioak egiten jarraitzen dute Bilbon
Larunbat goizean ezarri dituzte kontrolak Bilbon, Malagan, Sevillan, Alacanten, Valentzian, Balearretan eta Kanarietan. Madrilgo eta Bartzelonako aireportuetan, aldiz, ordu batzuk lehenago hasi ziren ausazko kontrolak egiten.
Vivasek Ceutako mugaren kontrola indartzeko eta gutxienez 1.000 agente izateko eskatu du
Polizia Nazionaleko eta Guardia Zibileko indarrak nabarmen handitzeko eta uztailaren 30eko sarrera masiboa berriro ez gertatzeko neurriak hartzeko eskatu dio Ceutako presidenteak Espainiako Gobernuari.
30 urteko kartzela-zigorra eskatu dute ETAko bost buruzagi ohirentzat Gregorio Ordoñez hiltzeagatik
Akusatuek ETAko buruzagitza osatzen zuten, eta 1995eko urtarrilean Donostiako PPko zinegotzia hiltzea erabaki zuten, Fiskaltzaren idazkiaren arabera.
Elkarrekin Donostia afari solidarioen debekua helegite bidez auzitan jartzea aztertzen ari da
Araua neurrigabea dela eta zalantzazko oinarri juridikoak dituela uste du koalizioak. EH Bilduk, berriz, Kaleko Afari Solidarioak plataformako boluntarioen aurkako "jazarpena" salatu eta debekua bertan behera uzteko eskatu du.
Robles, Marlaska, Bolaños eta Albares Kongresuan agertuko dira abuztuaren amaieran, Ceutako migrazio-krisia dela eta
Espainiako Gobernuak lau ministroen ezohiko agerraldiak eskatu ditu, uztailaren 30ean Ceutan hasitako migrazio-krisiaren kudeaketaren berri emateko.
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.