"Escriva legearen eta murrizketen" aurka protesta egitera deitu dute euskal pentsiodunek larunbat honetan
Euskal Herriko Pentsiodunen Mugimenduak manifestazioak egingo ditu larunbat honetan Hegoaldeko lau hiriburuetan, "Escriva lege-proiektuari ezetz" esateko, "murrizketa eta pribatizazioaren" aurka egiteko eta pentsio publiko "duin, bidezko eta nahikoak" eskatzeko.
Euskal Herriko Eskubide Sozialen Kartak mobilizazioekin bat egin du. "Gerturatu nahi duen" orok parte hartu dezakeela gogorarazi dute antolatzaileek: "mundu guztiak".
Konkretuki, manifestazioak antolatu dituzte Bilbon, 17:30ean Moyua plazatik abiatuta; eta 12:00etan Gasteizko Artiumetik, Donostiako Alderdi Ederretik, Iruñeko Baluartetik eta Eibarko Untzaga plazatik. Era berean, Espainiako Estatuko toki ezberdinetan mobilizazioak egingo dituzte.
'Escriva lege-proiektuari ez. Murrizketei eta pribatizazioari ez" lelopean, euskal pentsiodunek "betiko" aldarrikapenak planteatuko dituzte, esaterako 1.800 euroko gutxieneko pentsioa edo 1.200 euroko gutxieneko soldata, baita "kalitatezko lana, osasuna eta zaintza" ere.
Bestalde, "Escriva jaunak sartu nahi digun balio handitzea", salatuko dute, Bizkaiko Pentsiodunen Mugimenduak azaldu duenez. Astero bezala, elkarretaratzea egin du astelehen honetan Bilboko udaletxearen aurrean, pentsio publiko "duin, bidezko eta nahikoak" eskatzeko.
2011ko eta 2013ko pentsio erreformen eta 2010eko eta 2012 lan erreformen "zatirik kaltegarrienek" indargabetu gabe jarraitzen dutela salatu du kolektiboak. "Pentsioak, soldatak eta kotizazio sozialak murrizten dituzte", gogorarazi dutenez.
"Izena aldatzen diote, jasangarritasun faktore esaterako, eta urtez urte pentsioek erosteko ahalmen gutxiago dute… Gobernuak aurkeztutako lege-proiektuak mantentzen duen gauza bakarra pentsioen erreformak dira, ezezko borobila emango diogu", kritikatu du Andrea Uña bozeramaileak.
Era berean, 'Jasangarritasun Faktorea' kendu behar dela esan dute, "beste koefiziente murriztaile batek ordezkatu gabe"; "erretiroa 65 urtetan ezarri behar dute berriro, lanpostuak sortzeko, eta pobrezia eta genero arrakala murrizteko", eta "40 kotizatu ondoren erretiro aurreratua hartu dutenei koefiziente murriztaileak" ezabatzea aldarrikatu dute.
Soldatetan eta pentsioetan genero arrakalarekin bukatzeko "neurri eraginkorrak" ezartzea eskatu dute, pentsioen erosteko ahalmena bermatzea urtero berrikusketak eginez, "bizitzaren kostuak izandako hazkundea islatzeko", eta beharrezkoa balitz, pentsio publikoen ordainketa Estatuko Aurrekontu Orokorren bidez bermatzea.
Zure interesekoa izan daiteke
Lanera itzuli nahi duten Amurrioko Tubos Reunidoseko beharginek lantegira sartzeko autobusa izango dute asteartetik aurrera
Ostegunean, 232 langilek, CCOOk eta UGTk babestuta, greba amaitzearen eta berriro lan egitearen alde bozkatu zuten, ELA, LAB eta ESKk ordezkatutako gehiengoaren iritziaren aurka. Neurri horren helburua, enpresaren arabera, lanera itzuli nahi duten horiek lantokira segurtasun baldintza egokietan sartu eta irtetea da.
ELAk ezkutuko 28 kaleratze salatu ditu Sidenorren Azkoitiko lantegian Reinosara lekualdatzeko prozesuan
Ohar batean, enpresak esan du ez dela "kaleratze bakar bat ere" izan Azkoitian, eta 32 pertsona joango direla Reinosara, horietako bi euren borondatez.
Pasaiako portuak urtean 10 milioi inbertitzea aurreikusten du, "Ardatz Atlantikoko nodo lehiakor" gisa kokatzeko
EAJren eta PSE-EEren arteko ika-mika iturri den portuaren eskumenaren transferentziaz galdetuta, Izaskun Goñi Pasaiako Portu Agintaritzako presidenteak adierazi du hori arlo politikoan argitu behar dela.
Tubos Reunidoseko asanbladak greba amaitzearen alde bozkatu du, baina batzordeak jarraitzearen alde egin du
Batzarrean 234 langilek bozkatu dute, eta ia guztiek greba amaitzearen alde egin dute; hala ere, Amurrion 870 langile daude guztira. ELAk adierazi du asanbleak ez duela baliorik eta "ezin duela greba-deialdia aldatu"; aldi berean, ESK-k zalantzan jarri du bere zilegitasuna.
Tentsioa, Tubos Reunidosen: langileen zati batek grebarekin jarraitu ala ez bozkatzeko eskatu du
Gehiengo sindikalaren estrategiarekin kritikoak diren langileek erreferendumean bozkatu nahi dute grebarekin jarraitu ala ez; sindikatu nagusiek, ordea, uko egiten diote horri. Mikel Torres Eusko Jaurlaritzako bigarren lehendakariordeak ohartarazi duenez, Tubos Reunidosen etorkizunaren zati bat jokoan dago gaurko bileran, eta guztiak batera arraun egiteko deia egin du.
Osakidetzak garapen profesionalerako eredu berria adostu du SME, Satse eta CCOOrekin
Euskal Osasun Zerbitzuak osasun-prestakuntza espezializatuko aldia aitortuko du emandako zerbitzu gisa eta puntuazio gehigarri bat betetzea zaila den lanpostuetan.
Urte gazi-gozoa makina erremintaren sektorean: esportazioek gora egin arren, gutxiago fakturatu dute
Txinaren "mehatxuaren" aurrean, autogintzak larri itxi zuen 2025 urtea, eskariak ia % 12 murriztuta. Aldiz, errekorreko urtea izan zen defentsa eta aeronautika alorretan.
Tubos Reunidosek ohartarazi du egoera "oso zaila" dela, eta ez du baztertzen jarduera etetea inbertitzailerik aurkitzen ez badute
Amurrioko lantegiko beharginen batzordearekin egindako bileran, zuzendaritzak jakinarazi du bideragarritasun plana eta kaleratze kolektiboa bertan behera direla. Aurrerantzean, konkurtso-administratzaile batek hartuko ditu enpresaren gaineko erabaki guztiak.
Tubos Reunidosko langileen batzordeak grebari eutsi dio, eta asteazken honetan zuzendaritzarekin biltzeko zain dago
Tubos Reunidos enpresako langileek elkarretaratzea egin dute astearte honetan enpresaren Bilboko bulegoen aurrean, enpresak hartzekodunen borondatezko konkurtsoa aurkeztu eta biharamunean. Tubos Reunidosek 1.300 langile inguru ditu, eta 260 milioi eurotik gorako zorra pilatuta.
Apirilean, 3.368 langabe gutxiago zenbatu dituzte EAEn, eta 833 gutxiago, Nafarroan
Urtearteko datuak alderatuta, langabeziak behera egin du bai EAEn (-3.006) eta baita Nafarroan ere (-588).