BPGaren % 5,9ko hazkundea eta enplegu sorrera errekorra espero ditu Confebaskek 2022rako
Confebasken ustez, "atzean geratu da krisiaren okerrena". Aureikuspenen arabera, 2022an euskal ekonomiaren hazkundea % 5,9koa izango da eta "enpleguaren maximo historikoa" lortzeko aukera egongo da, 25.000 lanpostu berri sortzea aurreikusten baitu, langabezia-tasa % 8 ingurura jaitsiz.
Eduardo Zubiaurre Confebaskeko presidenteak, Eduardo Aretxaga zuzendari nagusiak eta Pablo Martín ekonomia arduradunak gaur Bilbon emandako prentsaurrekoan iragarri dituzte estimazio horiek, eta euskal patronalak egindako egoera ekonomikoaren Koiuntura txostenaren berri eman dute.
Bere agerraldian, Eduardo Zubiaurrek esan du euskal ekonomiak % 5,7ko hazkundearekin itxiko duela 2021 urtea, Espainiako eta Europako ekonomiek baino hazkunde handiagoa da, baina "duela urtebete aurreikusitakoa baino baxuagoa".
Aurreikuspenen arabera, 2022an % 5,9 haziko da BPG, "pandemia aurreko BPGaren maila berreskuratzeko adina". Hala ere, Eduardo Zubiaurrek ohartarazi du ziurgabetasun handia dagoela eta "arrisku-faktoreak" daudela, hala nola pandemia, energia- eta enpresa-kostuak, inflazioa edo hornigaien falta globala; faktore horiek aurreikuspen horretan eragina izan dezaketela esan du, eta, ondorioz, euskal ekonomiaren hazkundea % 4 eta % 7 artekoa izan daitekeela.
Enpleguari dagokionez, 2022 urte positiboa izatea eta langabezia-tasa Euskadin % 8ra jaistea espero du patronalak, oandemia lehertu aurretik zegoena baino baxuagoa litzateke tasa, beraz; Gizarte Segurantzan 25.000 afiliazio berri izango direla uste dute. Aurreikuspen hori beteko balitz, Euskal Autonomia Erkidegokoan inoiz izan den enplegatze mailarik altuena lortuko litzateke, milioi bat kotizatzaile baino gehiagorekin.
Zubiaurrek azpimarratu duenez, euskal enpresek susperraldiari eutsiko diote datorren urtean "2022 hazkunde urtea izango da, ziurgabetasunak izango dituena, baina batez ere erronka handiak".
Ildo horretan, elkarrizketa sozial "lasai eta orekatu" baten aldeko aldarriak "inoiz baino garrantzia handiagoa" duela esan du, eta enpresako negoziazioan adostasunak bilatzea defendatu du, oinarrian izango dutenak "erosketa-saskia hiletik hilera garestitzen dela ikusten dutenen eta, lehen pertsonan garestitze hori jasateaz gain, enpresaren etorkizuna ziurtatu nahi dutenen arteko oreka".
Albiste gehiago ekonomia
Espainiako Gobernuak ez du onartu aireportuen kudeaketa osoa Euskadira transferitzea
Diario Vasco egunkariak argitaratu duenez, Eusko Jaurlaritzak erabaki estrategikoetan iritzia eman ahal izatea proposatu du Espainiako Gobernuak, baina osorik eskualdatzea baztertu du, Estatuaren eskumen esklusiboa delako.
Azkoitiko Juaristi eta Aitek enpresetako langileek bizi duten "egoera jasanezina" salatu dute
Orain urtebete inguru lehertu zen lan-gatazkaren berri emateko, agerraldia egin dute bi enpresetako langileek. Uste dute zuzendaritzak "ezkutuko itxiera plan bat" duela. 130 lanpostu eta hainbat familia "arriskuan" daudela salatu dute.
Lodosako Karey Solanok konkurtsoa egingo du, eta lantegia itxi eta 36 beharginak kaleratuko ditu
Langile gehienak oso aspaldi hasi ziren lanean, eta batez beste 50 urtetik gorakoak dira. CCOOk salatu du oraindik ez dutela abuztuko nomina jaso.
Ostiralean sei hilabete beteko dira Gasteizko lorezainek grebari ekin ziotenetik, eta manifestazioa deitu dute egun horretarako
Gaur goizean Gasteizen egindako prentsaurreko batean, Enviser enpresako langileek "borrokarekin jarraitzeko" asmoa agertu dute, "soldata duinak lortu arte". Gainera, langileak akordiorako prest agertu dira, baina hori lortzeko "Gasteizko Udalaren benetako inplikazioa" beharrezkoa dela uste dute.
Zeintzuk dira BBVAren eskaintza berriaren gakoak?
Josu Ferreiro EHUko irakasleak Radio Euskadin egin duen elkarrizketa batean adierazi duenez, erakundeak Kataluniako bankuko akziodunen zati handi batek eskatzen zuenera egokitu du bere proposamena, lehen eskaintzari uko egin baitzioten, nahikoa ez zelakoan. Ferreirok zehaztu duenez, BBVAk ez du eskudirutan ordainduko, akzio propioetan baizik, eta horrek abantaila fiskala dakarkie akziodunei, zergak gutxiago ordaintzea dakarrelako. Mugimendu horrekin, Carlos Torres Vila buru duen bankuak Sabadellen akzioen merkatuko balioa berdindu du, eta horrek opak aurrera egiteko aukerak areagotu ditu, nahiz eta BBVAri berari kostu handiagoa ekarri. Hobekuntza berri bat egon litekeen galdetuta, ekonomialariak uste du zaila dela: "BBVAk argudiatu zuen Sabadellen akzioak gainbaloratuta zeudela. Orain, alde hori desagertu egin da. Beste eskaintza bat baztertu beharko litzateke, hau izango litzateke azkena", adierazi du. Elkarrizketa Boulevard saioan entzun daiteke, GUAUn, 02:50: 00etatik aurrera (jatorrizkoa, gaztelaniaz).
2026an jarriko da martxan Petronorren eta OCO Technologyren agregakin sintetikoen planta, Bilboko Portuan
Proiektua 2024an hasi zen eraikitzen, eta Europa kontinentalean agregakin sintetikoak fabrikatuko dituen lehen lantegi industriala izango da. Agregakin horiek CO2 gasa harrapatzen dute, bai ekoizpen prozesuan zehar, baita horien bizitza baliagarrian ere.
BBVAk % 10 igo du Sabadell bankua eskuratzeko eskaintza
Carlos Torres BBVAren presidenteak azpimarratu duenez, hobekuntza eginda "aparteko eskaintza" jarri dute Banco Sabadellen akziodunen esku, "balorazio eta prezio historikoarekin, eta bi bankuen batasunarekin sortutako aukera apartan parte hartzeko aukerarekin". Sabadellek, bere aldetik, erantzun du azken eskaintza "jatorrizkoa baino okerragoa" dela.
Maderas de Llodio, greba mugagabean
Langileen batzordeak salatu du enpresak produkzioaren % 40 beste lantegi batzuetara eramateko asmoa duela, eta deslokalizazioak Laudioko eta eskualdeko "lantegiaren etorkizuna arriskuan jartzen" duela.
Multiverse Computingek % 30 handituko du bere lantaldea Donostian
Software kuantikoan eta adimen artifizialean espezializatutako enpresa donostiarrak datorren urtean 60 pertsona kontratatzea aurreikusten du. 4 langile zituztela abiatu zuten konpainia 2019an, eta 260 izango dira laster.
Pentsiodunak Euskadiko hiriburuetan manifestatu dira gutxieneko pentsioak LGSarekin parekatzea eskatzeko
Ehunka pertsonak bat egin dute Gasteizen eta Donostian Euskal Herriko Pentsiodunen Mugimenduak deitutako manifestazioekin; hain zuzen ere, osteguneko Legebiltzarreko bozketan presioa egiteko, gutxieneko pentsioak Lanbide arteko Gutxieneko Soldatarekin (LGS) parekatzea eskatzeko.